حاسه اني بختنق...ســـــــاعدوني الطبيب يجيب
عنوان الموضوع : حاسه اني بختنق...ســـــــاعدوني الطبيب يجيب
مقدم من طرف منتديات نساء الجزائر
حاسه اني بختنق...ســـــــاعدوني
السلام عليكم
قبل كل شي رجاء خاص للاداره ماتحذف الموضوع لاني بجد محتاجه احد يوجهني
انا متزوجه صار لي تقريبا 6 شهور وزوجي ماشالله عسل وحبوببس فيه شغله مكدرتني...مايحب الطلعات ولا التمشيات وانا صراحه ماتعودت ع الحبسه بالبيت
......من تزوجنا ماطلعنا تمشيه صح....حتى بشهر العسل امه راحت معنا ..... هي والله طيبه وحبوبه وماكانت بتروح معنا بس هو اصر عليها الا تروح وانا مااعترضت ولا شي ....بس والله وقتها حزت بخاطري كان نفسي نكون انا وياه لان هذي احلى ايام العمر بالنسبه لي.....بس قلت يالله عشان خاطره وان شالله ربي يعوضني بعدين...خالتي كانت عسل ماكانت تفرض رايها بشي بس حسيت اننا ماخذنا راحتنا اذا طلعنا السوق يقول يالله اخاف امي تتعب من المشي ...ومره رحنا منتزه تقريبا ع الساعه 11 بالليل جلسنا شوي وشفت عروض وشغلات اعجبتني مامرت ساعه الا قال يالله اخاف امي تنعس وتبي تنام ...انا سكت وبلعتها بس لما وصلنا الشقه بان علي اني معصبه.
..بس قال معليش تحملي عشان امي وانا بعوضك بعدين ان شالله........ انا عديتها ومرت الايام ورجعنا من السفر وسكنا بيتنا ومن وقتها وانا بالبيت مااطلع الا لاخوه واخته وبس ... لمحت له كثير بس مطنش....حتى لما حملت قلت انا طفشانه من البيت حاسه اني بختنق وانا والله صادقه لكن لاحياة لمن تنادي ..... وكذا مره طلبتها بصراحه قلت بطلع وكل مره يصرفني وبالاخر قال لي انا ماحب الطلعات واذا قلت لك لا لاتناقشيني...هو مو حاس فيني قسم بالله حاسه اني بختنق
نفسي اطلع اتمشى انا وياه مثلي مثل العالم ماني طالبه يوديني مكان غالي ان شالله نروح البر مافيه مشكله بس مو حاصل لي...... قسم حاسه بطفش مو طبيعي حتى احس اني كرهت البيت وماعاد لي نفس اشتغل او اسوي شي من كثر الحبسه والوحام زاده علي.......الله يخليكم دلوني ع حل
انا حطيتها بهالقسم عشان زوجي يدري اني مسجله بالمنتدى ودايم يقرا مشاركاتي فرجاء لاتهملوني الله يخليكم...............
>>>>> ردود الأعضـــــــــــــــــــاء على الموضوع <<<<<
==================================
حبيبتي انت حامل وهذا يخلي نفسيتك متقلبه ومتضايقه من اقل شيئ بس شوفي كل الرجال نفس الحاله واذا انت رحت شهر عسل فانا ما اعرف وش معناه من 3يوم زواجنا راح يداوم بالشغل ونفس حالتك مايحب الطلعات ابدا لا واذا طلعنا يقول احب الاماكن الفاضيه الي مافيها ناس يعني تخيلي تروحين منتزه فاضي بالله وش الفايده البيت احسن واذا اصريت على الطلعه يعصب ويعقدني بس شسوي امري لله صرت بيتوتيه ما بس قاعده بالبيت تعودت وانت اتونسي بحملك وبالبيبي وان شاء الله بس يجي بتنسي الدنيا ويكون هو كل همك وبتتعودي على طبع زوجك
الله يسعد
__________________________________________________ __________
اولا حبيبتي الرجال طبعهم يقهر بس وش نسسساوي مامعنا الا الصبر
وترى العافيه والستر اهم من كل شئ ودام انكم مرتاحين انتي وزوجك مع بعض هذي اكبر سعادهـ
تقبليمرووري اختك الصغيرووونه
__________________________________________________ __________
حبيبتى انت لسه فى بداية العمر مع زوجك لا تختلقى المشاكل وبالتفاهم مع زوجك هتكونى سعيدة وبعدين انت بكرة تخلفى وتنشغلى باولادك ومعاهم وهو اللى هيتمنى يخرج معاكم - وبعدين انتوا قدامكوا العمر طويل حاولى تستمتعى مع زوجك وربنا يوفقك
__________________________________________________ __________
إصبري بيتغير مع الزمن
__________________________________________________ __________
الحمد لله انو كويس وانو طيب معاكي
ماتدرين يمكن يتغي شوي شوي
ترى الرجال يلينون مع الايام والعشرررره
والله يسعدكم
رد مع اقتباس
