عنوان الموضوع : سلفتي خربتلي بيتي وانا عروس مجابة
مقدم من طرف منتديات نساء الجزائر

سلفتي خربتلي بيتي وانا عروس



السلام عليكم اخواتي ان شاء الله ما بتوقعو بضيقة بيوم من الأيام انا موضوعي يمكن طويل شوي رح احاول اختصر بس والله انا بضيقة ما بتتخيلوها و مالي غيركم
انا تزوجت من ست أشهر من شخص رائع و على خلق و دين و كريم و فيه كل المواصفات
المشكلة الوحيدة اني من عيلة صغيرة و مدللة و ما عندي خبرة بالعلاقات الاجتماعية و هم عيلة كبيرة و ما شاء الله كثار عشر اخوة و يجي 50 حفيد ما شاء الله تبارك الرحمن و علاقتهم ببعض قوية
انا لقيت شوي صعوبة أتأقلم معاهم خصوصي اني عروس جديدة و حتى زوجي لسه ما أخذت عليه و أخجل منو و حتى الأمور الجنسية كانت صعبة علي بالاول وهو كان يشتكي و بعدين اجا الحمل و صرت اخاف وهو مطول بالو علي اني محتاجة وقت
المهم انا عندي سلفة /زوجة اخو زوجي/ قدي بالعمر بس متزوجة قبلي باربع سنين و عندها اولاد تقربت مني وخلتني اوثق فيها
انا هون بلش غلطي اني شفتها اخت لاني ما عندي غير اخت وحدة اكبر مني ب 11 سنة يعني مو متعودة احكيلها ابدا و امي وابوي كبار بالعمر انا اصغر وحدة ما احب اشغل بالهم بمشاكلي و همومي
انا يوم ورا يوم صرت احكيلها ووالله يا بنات ما كنت احكيلها غير من باب النصيحة لاني احب زوجي و حابة احسن علاقتي فيه وانها هي عندها خبرة واللي ما حسيتو انها خبيثة كانت تسحب مني الكلام و تعبي براسي عزوجي و اهله
والله يا بنات كانت توصلي كلام جارح تحكيه ام زوجي علي بغيابي و لما اخذ نصيحتها بامر تعبي براسي حتى الامور الجنسية كنت اسال نصيحتها باعتبار عندها خبرة و انا هذا الموضوع مدايق زوجي تقلي عادي وانا ما اخليه يقرب علي كل عشر ايام و يقبل و انتي عروس ولسه بدك سنين لتتعودي
بالنهاية مابدي اطول عليكم من اسبوع سمعت انها هربت من البيت و تركت اولادها و زوجها انا استغربت و بعدين خبروني انها قايلة اني انا السبب !!!
المهم اتصلت عام زوجي و قالتلها انا رح ارجع و احكي كل شي
الواضح انها ما عرفت كيف بدها تحول الأنظار عن عملتها السودة لقت احسن طريقة تحولها علي وتقول اني انا السيئة اللي اعبي براسها
وهون اجت الصاعقة و المصيبة
رحنا عندهم البيت ما سلمت علي و قعدت قدام ام زوجي و اخوه و زوجي و حكت كل شي بس طبعا مو زي ما انا حكيتو
استغلت انها تعرف متى كنا متخانقين و متى هو زعل مني والامور اللي مو زابطة اللي بينا و حكت فيها كلها
خربت بيتي تخيلو تقول لزوجي هي تقرف منك تموت بس تقرب عليها عشان هيك انتو مو متفاهمين و تعطي دلائل عن مشاكل هي تعرفها
وام زوجي نفس الشي كل قصة اخدت نصيحتها فيها راحت حكتها اني حاكيتها عليها
والله يا بنات كلام يشيب شعر الراس ما بتتخيلو لاي درجة وصلت ولانها عرفت تضرب عالاوتار الحساسة الكل صدقها
وانا والله العظيم ما حكيت ولا كلمة من اللي هي حاكيتها عاهل زوجها وزوجها لاني اخاف ربي و اخاف تتطلق و تكون خطيتها برقبتي
زوجي بعتني عبيت اهلي ورافض يسمعني نهائيا يقول انو هي عندها دلائل عصدقها واني سودت وجهو بالعيلة و قدام اخوه و امه
انا حامل بالشهر الخامس و بحالة ما يعلم بيها الا الله كل ما اكلت لقمة استفرغ فورا ولا نوم ولا راحة و دمعتي ما نشفت وخايفة عالولد
زوجي بدو يطلقني واذا حابة ابقى عشان الولد براحتي بس هو ما بده يعني حالف الموضوع الجنسي بيناتنا ملغي تماما بعد الحكي اللي قالته يعني اقعد بس عشان ابني بس انا واياه خالصين وهو رح يتزوج وحدة تانية
ام زوجي كمان رافضة تسامحني وانا والله بحبها و اعتبرها مثل امي و هي حرام ما بدها اتطلق هي بنت حلال و تخاف ربها بس رافضة تسامحني ولا تسمعني ورافضة ادخل بيتها بس احكي ضميري انها ما تعبي براس زوجي ابدا وما بدها انو يطلقني بس هو ما بيسمع من احد نهائيا
عم بدعي ربي كل يوم حسبي الله و نعم الوكيل فيها ربي ينتقم منها ربي يسطفل فيها سمعت انها مريضة كتير و عارفة انو لسه رح يصير فيها اكثر من اللي صار
الله يخليكم قولولي شو اعمل انا بيتي انخرب و بتطلق وانا عروس و ابني بيربى بدون ابوه وانا عارفة اني غلطت اني وثقت فيها بس مو ينخرب بيتي بعد ما كنت عايشة و مستقرة الله ينتقم من اللي كان السبب حسبي الله و نعم الوكيل
ادعولي اذا مو عشاني عشان هالطفل اللي لسه ما اجا عالدنيا

>>>>> ردود الأعضـــــــــــــــــــاء على الموضوع <<<<<
==================================


الله يفك كربك ويسخرلك زوجك ودا ئما رددي ربي اني مظلوم فانتصر وحبيبتي احنا في وقت لا تامني حتى لاختك ودائما اسمعي ولا تتكلمي وهي اتركيها لله هو راح يخلصلك حئك لا تخافي عين الله لا تنام


__________________________________________________ __________

الله يفرج همك ياااااااااااا رب ويوفقك ويوفق البيبي ان شاء الله ويعامله أبوه أحسن معامله
وتنكشف الحقيقهه (وربك يمهل ولا يهمل) وكل تأخيره فيها خيرهـ ،
بس لازم تجلسي مع نفسك وتفكري او تجيبي دليل يثبت برائتك اكيد فيه اذا كنتي صاااااااااااااااادقه

موفففففففففففففففففففففقهه


__________________________________________________ __________

إصبري أختي فإن الله يمهل ولايهمل ،وإدعي الله أن ييرجع لك زوجك حبيبك وأبو إبنك الجاي إنشاء الله ،برأيي أنك ترجعي له ولاتحاولييي أنك تكلميه فالموضوع هلأ لأنه مضااايق ومعصب فخلييها لغاية متحسي أنه ممستعد يسمعك ،،وإذا تزوج إصبري ودعييله ،للأنه أجزم لك أأأنه لو حاااولتي تتكلمميييه الحييين مارررح يسمعك ولايقبل ممنك أي تبرييير ،ولو رفضتيي يتزوج رح تزييدي الأمموور سوء ،حسبي الله فأخته الله لايوفقها كنت مثلك على نيااااتي واللي جات تتكلم عني كذب وأنا أسكت لأني أستحي مابعرف أرد بسسس بعدها تغيييرت١٨٠ درجة صاروو مايتجرؤ يحكو كلمة معي غلط لأنه زوجي علمنى هههههه ـ الله يفرج عنك


__________________________________________________ __________

الله يفرج كربك ويعينك ع هذي العينه الخايسه من البشر الله ينصرك عليها ولا يبارك فيها شيطانه


__________________________________________________ __________

يالله معقول في ناس هيك يا لطيف يارحمان يا حي يا قيوم ابعدهم عنا