عنوان الموضوع : ساعدوني لو بنصيحـه .انا ضايعه الطبيب يجيب
مقدم من طرف منتديات نساء الجزائر

ساعدوني لو بنصيحـه .انا ضايعه



السلام عليكم ..
كيفكم بنات...
انا مسجله بالمنتدي محتاجه احد يخفف عني ويساعدني لو بالنصيحه انا والله اموت .
مشكلتي انا احب واحد واموت فيه وما اتخيل اعيش بدون هذا الشخص وهو نفس الشي يحبني انا عمري 20 سنه وهو تقريبا بـالـ40 فاهمين بعض كثير وفينا اشياء كثير مشتركه احسه توام لي انا من عرفت الانسان هذا نسيت كل الناس من حولي ماعاد اشوف احد مر الوقت وطلب رقم ابوي يبي يكلمه يطلبني منه وياخذ موعد يزونا البيت كلم ابوي ورفضه قسم بالله قبل ما يشوفه قبل ما يعرف عنه اي تفاصيل مجرد ما عرف اسم القبيله رفض.سالني بعد ما شك اني عرفت وقلت له اني مواقفه وابيه ومن قبيلتي والله ما راح اتزوج كلمه الرجال اكثر من مره وحاول فيه لاكن مافيه فايده كان مستعد يسوي ااي شي مقابل ان ابوي يوافق
اخر مره كلم ابوي فيها كان كلام ابوي صريح معه وقاله مافيه نصيب والمجتمع والناس كل هذا عشان هو مو من قبيلتي انا مالي اي راي بالموضوع طيب ليش هو مو انسان يصلي ويصوم ويعرف ربه ولد ناس وقبلي وش يبون بعد بعدها ضاقت الدنيا حاولت انتحر بس ماصار فيني شي ورجعت حاولت كنت باكل 20 حبه ضغظ لاكن هو منعني ..بعدها بداء يتغير وماعاد يكلمني مثل قبل كلمته وكنت معصبه وقلت له امسح رقمي ولا تكلمني زعل مني وقفل وماكلمني الا بعد يوم في اخر الليل كان حيل حيل متضايق حتي ماقدر يجمع كلمتين وقفل الخط ومن يومها ما سمعت صوته ..متواصله معه ع الفيسبوك اكتب له اللي بخاطري وهو يكتب لي..صار لنا شهرين علي هالحال وقبل يوم ارسل لي بالفيسبوك رساله يقول فيها انه بيجي للمنطقه اللي انا فيها وبيطلبني رسمي من ابوي ..انا قلت له لا تجي لان ماراح تسمع شي جديد ابوي لازال عند رايه ماراح يتغير ولا راح يزوجني قبل خواتي الكبار ...
انا كتبت كذا مابي احطه بموقف محرج قداام ابوي ..بعدها ما ارسل ولا كتب حرف واحد احسه زعل من كلامي \الرجال مطلق ويبي يتزوج وانا احس واقفه بطريقه ابوي رافض يعني الي متي راح يجلس هو بدون زواج //انا حالفه بالله ي الانسان هذا ولا بجلس ببيت ابوي طوال عمري ..ما ادري وش اسوي محد يبي يسمعني البيت كلهم شايفينه مو مناسب واختي الكبيره طلعت فيه عيوب الدنيا (انا احببببببببببببببببببببببببببببببه والله ما اقدر استغني عنه..ودي اكلمه واقوله اني انا بخطب له بس يبقي يكلمني وما يخليني لو اصدقاء اهم شي اسمع صوته واعرف اخباره ..ساعدوني قولوا وش اسوي خايفه عليه مارد للحين .تعبت مدري لمن اشتكي اول اشتكي له لاكن رااح ماعاد يكلمني والبيت محد يبي يسمع مني لا امي ولا خواتي الجامعه معدلي نزل والاكل ما اكل مثل قبل كل شي صرت اشوفه لا طعم ولا لون .تعبت والله تعبت

>>>>> ردود الأعضـــــــــــــــــــاء على الموضوع <<<<<
==================================


حبيبتي
اولا ... فرج الله همك
ثانيا... اسجدي شكر لان ربي سلمك من الانتحار كان كل وقتك بنار تاكلك ولا راح يفيدك هالحبيب وهو اول من يهرب منك

ثالثا..الارزاق مقسمه لاتطارديه هو يجيك

رابعا..بالنسبه لكلامك
يخليني لو اصدقاء

اصدقاء اجل يالغاليه واضح ماكل عقلك
مايحتاج اقولك هذي علاقه محرمه وخيانه لاهلك
قال تعالى ((لايتخذن اخدان))اي عشيق


تبين الراحه تبين الهدوء شوفي حياتك اذا هي بما يرضي الله بينشرح صدرك
اذا لا فانتي في ضنك مثل حالتك ذي

يبي لك وقفه جاده مع نفسك
علاقتك اقطعيها تقربا لله ولوجهه الله لاتقولين ماقرد تقدرين
ولعلها خيره من ربي انه تركك وماتزوجك
وصدقيني لو مكتوب لك لو قدامكم جيش راح تاخذيينه

اصلحي مابينك وبين الله يصلح مابينك وبين الناس

((ومن اعرض عن ذكري فان له معيشه ضنكا))
والعياذ بالله
حياتك كلها غلط بغلط ياختي
انفضي عنك لباس الهم والخطا
واستبدليها بلباس الخوف من الله والتقوى
لاتقولين ماقدر تقدرين ياقلبي
توكلي ع الله

واستعيني باخت صالحه توقف معك
اتركي هذا الشاب وعوذي لحياتك الهاديه


موفقه


__________________________________________________ __________

كوليله اذا راد يجي خلي يجيب معه شخص
يأثر على ابوكي وتكون هالمرة المحاولة جاده
اما ان يحصل نصيب او ان تتركيه تماما وتعوذي
من الشيطان لا تنتحرين ولا تكعدين كل عمرك بدون زواج
مو نهاية العالم اذا ما تزوجتيه اذكري الله واكثري من الاستغفار
وان شاء الله الله يفرج همك ويجعله من نصيبك


__________________________________________________ __________

أختي عسى ان تكرهو شيئا وهو خير لكم وعسى ان تحبو شيئا وهو شر لكم
لمن اشتكي اول اشتكي له لاكن رااح
اختي اشكي لله ارمي حمولك على الله صلي الوتر واشكي لربك طلعي كل شي في
قلبك وكل شي مضايقه منه وادعي ربي اذا فيه خير ان الله يجمعكم بالحلال واذا شر الله يصرفه
صدقيني بترتاحين واستغفري استغفري كل ماحسيتي بضيق الله يفرج همك ويكتب لك اللي فيه الخير


__________________________________________________ __________


__________________________________________________ __________