عنوان الموضوع : اخت زوجي ولقافتها وبخلها مجابة
مقدم من طرف منتديات نساء الجزائر

اخت زوجي ولقافتها وبخلها



الحمدلله انا بنت عائله عريقه مستوانا المادي متواضع خطبني انسان رائع ما شاء الله ربي عوضني فيه عن امور كثيره حتى الشغل ما يبني اشتغل بس لاني حابه اشتغل مو مقصر علي بمصروف او شي
عنده اخت مو متزوجه تحب تطلع معي ودايما تتصل علي نروح ونطلع لكن ما ارتاح بروحه معها بس زوجي احيانا يطلع معنا ومع زوجها فاروح جت متسوله وعطيتها فلوس ولين شفت اي متسوله اصلا اعطيها لكن عمري ما اعطيتهم من فلوس زوجي كله من راتبي وحتى اهلي اشتري لهم من راتبي ما اصرف من فلوس زوجي الا على نفسي وبالمعقول نرجع للموضوع اخته صارت كل ما تشوفني اعطي احد ترمي كلام ولين شافتني اشتري مقاس غير مقاسي تخليو حافظه حتى مقاسي وتسال هذا لاختك هذا لامك غالي من وين تجبين حقه اقولها من راتبي ومن حسابي الشخصي ولين شافت متسول لا تعطيه تلقين معه ملاين لا تنثرين فلوس اخوي عليهم ما يستاهلون ربي الي يرزقهم مو انت قلت لها سادقين كذابين الاجر من الله وبس تخيلو لين حطيت اكل للخدامه تقولي ليش تحطين لها لين اكلنا وخلصنا تحطين لها من تكون عشان تاكل زينا اعوذ بالله حتى الخدامه ما سلمت
كرهت روحات معها ولقافتها ما عاد طلعت معها مكان رن جوال زوجي جيت اشوف مين لقيت مسج منها على الوتس محادثات طويله ما قريتها كلها بس شفتها كاتبه له زوجتك ليه ما عاد تبي تروح عشان ما تبني اشوفها وهي تنثر فلوسك زوجي مو راد عليه وان قهرت منها يعني وش تبي مني وش دخلها اصرف من فلوسي او فلوس زوجي وما صرفتها على شي فاضي والاني من النوع الي كل ما نزل السوق شرى والله قاهرتني ودي اشوف وش ود عليها بس مابي اصير افتش بجوال زوجي و اصير شكاكه خايفه تحرض زوجي علي هذيك المره عطاني مصروف قلت مابي مو محتاجه قالي ما يصير لازم تاخذين رحنا عندهم وسمعتها تقول له خذيت الراتب قالها ليه محتاجه شي قالت لا هالسؤال خله حق زوجتك وبعد ما عرفت ردت فعل زوجي وش كانت والله قاهرتني وش اسوي اقول لزوجي عنها مابي يصير بينهم مشاكل او اروح واصدها بتقولي وش دراك

>>>>> ردود الأعضـــــــــــــــــــاء على الموضوع <<<<<
==================================


انا صاحبة المشكله وبعدل على مقطع ما انسخ من الجوال بوضحه عنده احت مو متزوجه تحب تطلع معي وعنده اخته الكبيره متزوجه و تطلع معنا بعد او بس انا وزوجي وهي مع زوجها احيانا


__________________________________________________ __________

الله يعينك على ما ابتلاك ... الا هي كم عمرها لاني احس انها طفله
خذيها على قد عقلها وسايسيها ... ومافي داعي يا حبيبتي انك تتجسسين على تلفون زوجك
هو ما رد عليها يمكن ما قرا المسج وحتى لو قراها انتي زوجته وهي اخته قال احسن اطنش .. صراحه تصرفه حكيم ما شاء الله عليه ..


__________________________________________________ __________

الله يعينك اعوذ بالله وش تبي تقطع رزق غيرها


__________________________________________________ __________

لا تتضيقين و الله كثير نفس حالتها و اكثر بعد .
لا تعطينها بال و مثل م قالت الاخت خليها ع قد عقلها اضحكي لو قالت مثل كلامها السخيف !
و اهم شيء عيشي ححياتك ولا تغير فيك شيء يعني لا تسالين زوجك شيء عنها بخصوص هالموضوع تناسيه .
ططنشيها بالمرررررررة .
و الله يوفقك و يسعدك ")


__________________________________________________ __________

ضروري توضحي الصوره قدام زوجك
حتى ماتوصله كلام غلط اوتالف عليك قصص
بس بدون تحريش
وفهميه انك ماتبغي تروحي معاها السوق ولو سالت زوجك خليه يقولها اتركوها على راحتها

اخت زوجك طبعها سيئ مع الكل مو بس معاك

ابعدي عن الشر وغني له