عنوان الموضوع : ابوي
مقدم من طرف منتديات نساء الجزائر

ابوي



السلام عليكم انا عمري 25 مو متزوجة مشكلتي ان ابوي دايم يعاملني طفلة واحتاج للتهزيئ والعقاب دايم يجرحني ويقسى علي
اذا تكلمنا انا واخوي لو الي اصغر مني وعارضته بكلامه ابوي يتدخل ويقولي كولي تبن ولا كلمة انطمي انتي يبي لك جلد من زمان مادبغتك قسم بالله ان الكلام اقسى علي من الضرب واللحين مااتحمل التجريح لان ذبحني هم الزواج
ومديرتي في الدوام متسلطة وسيئة مع الكل واذا قلت لاهلي عنها يقول ابوي ازين خليها تأدبك مأدبينك هالمدرسة ليشششش انا احتاج العقاب ؟؟؟؟؟؟؟ والله اني شخصية مسالمة واحيانا حقانية واقول الحق واذا قلت الحق يهاوشني كولي تراب مالك شغل واذا طلبت طلب يرفض بتاتا مهمشني كأن مالي احتياجات وراتبي الفين يذبحني عنده يبيه وهو يرسل لاخواني انا جدا تعععععبت من اخواني وزوجة اخوي اصغر مني يركبها ف السيارة قدام ويقول ماعليكم منها هذي معزبتكم
ودي اقوله يبه وش يضرك لو عاملتني زين
كثير افكر اكون علاقة بس اخاف ربي
وحدة من قرايبنا ظلمتني وعزموها اهلي في البيت اكرامية لانها ظلمتني ورفضت ارتب السفرة مع اهلي ليش تعزمونها وهي ظلمتني يعني بترقصونها علي قام ابوي تهزيئ فيني انتي حسودة وانتي حقودة وانتي يلي فيك مافيك والله يأنبني ضميري اني ماابره بس ماااحبه ومن فعايله اشياءءءء كثيرة بس انعمت عيوني من البكي صبرا جميل والله المستعان اذا طلبته مشششششوار مستحيل يوديني وماعندنا سواق واخواني ماينفعون يارب يارب يارب اغثني وارحمني برحمتك

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوه الا ب الله الله يعينك انتي عندك خوات ويعاملهم ابوك نفسك اذا ماعندك الا اخوان عيال امكن هو من المعقدين الا مايحبوون الا
الله يزقك الزوج الصالح يغنيك عن ابوك


__________________________________________________ __________

لاحول ولا قوة الا بالله ... 😢
ماعليه يابنتي ... مهما كان هذا ابوك وله حق عليك مهما كان ....

اسأل الله ان يفرح عليك ...


__________________________________________________ __________

ولو ان له حق عليها
ما له حق يعاملها بهاي طريقه بالذات ان البنت كبيرة

الله يرزقك بالزوج الصالح و يفرج همومك


__________________________________________________ __________

الله يعينك حبيبتي والله قطعتي قلبي ..
الله يفرج همك ويير لك اموورك الله يرزقك بزوج صالح يعوضك ويطلعك من ها الهم والحزن يااارب عااجلا


__________________________________________________ __________

الله يفرجها لك يا أختي ولكل مكروب ومهموم بهالدني

اطلبي العون من الله .... وسوى المطلوب منك واعتبريه لوجه الله اللي تسويه

وربي معاك. وراح تلاقي الفرج باذنه