عنوان الموضوع : صديقتي و انتقاداتهاا المتكرره..!!!!! -لصحتك
مقدم من طرف منتديات نساء الجزائر

صديقتي و انتقاداتهاا المتكرره..!!!!!



السلام عليكم والرحمه

اخبارك ي بنات ان شاء الله بخيرات ؟؟

احترت كثير بمشكله سببت لي ارق وتفكير كبير
وبكتبها من القهر؟؟

مشكلتي ي بنات صديقتي سببت لي ازمه نفسيه كبيره
مدري وش قصتها معاي


الحمدلله انا الله من علي بجمال و وجاذبيه من بين كل صديقاتي
اميل للاستايل..
الناعم والعادي اكثر من الفخامه والزحمه احس جمال البنت بنعومتها
بكعس صديقاتي الفخامه والزحمه روح روحهن هههه

المهم

لي صديقه كنت اعتبرها قريبه مره مني لكن فجاءه ي بنات
انقلبت علي 180 درجه

سارت تحب تجرحني ب الكلام وتنتقد لبسي وشكلي بشكل
كبير وكلامها يتكرر يومياااا
والمشكله هي لاشكل حلو ولا لبس مرتب ولاجسم يساعد
ومره قصصيره بس شاطرها تنتقد وتجرح فيني كنها ناسيه
نفسهاا

وبقولكم موقف جرحني منهاا
مره كنت جالسه اتفرج ع صور بنت خالتي ب الجوال
قالت من هذي قلت بنت خالتي قالت الله مره ستايل استفيدي
منها ي خبله خليهاا تسنعك وتعلمك كيف تتكشخين
انا وجهههي سسار كله علامات استفهام انصدمت من ردهااا..

وانا وربي ي بنات ك ستايل وكشخه الكل يمدح فيني وربي
اكثر من مره اطلع مع صديقاتي وصديقتي اللي تنتقدني تكون معنا
بحديقه للبنات بس وكثييير يجون لي بنات م اعرفهم و يسئلني
عن لبسي او شعري ونظرات الاعجاب واضحه من البنات من دون
لايتكلمن ومع هذا لهااا عين تقول لي اكشخي؟؟؟؟؟؟؟؟
وربي ان لبسسهاا جداا فاشل ولايمس للانوثه والذوق بشي
ومع هذاا تنتقدني وتتكلم علي وتحب تفشلني قدام البنات ؟؟؟؟؟؟؟

وموقف ثاني بقوله لانه جداا جرحني واحس دايم اتذكره
واتضايق وبسببه جتني فتره انعدمت ثقتي بنفسي بس الحمدلله رجعت
ثقتي بنفسسي اكثر من اول :

مره كانت جالسه بيني وبين وحده من صديقاتي التفت لي
قدام البنات قالت فلانه يماا ي جسمك اسمني سايره هيكل عظمي
علماااا ان جسسسمهااا سسسمين وقصيره ودايم تتبع رجيمات
وتسجل ب انديه رياضيه عشان تنحف لدرجة انهاا فكرت تعمل
عمليه عشان تنحف..!!

قلت لهاا والله عاجبني جسمي والله ي بنات انا جسمي صدق نحيف
وزني 49 لكن طولي مساعدني 162 وجسسمي رزه والحمدلله
م احس ان نحفي بخبال او مخربني ...

المهم م امداهاا قالت لي هالكلام وانتقدت اللي صديقتي اللي
بجنبهاا قالت طالعي الصوره العارضه تهبل قالت اي اعرفهاا
تجننن وربي كل مره اشوفهااا م يجي ببالي الا جسم فلانه
<< اللي هي انااا
والله نفسسي انحف واسسير مثلهااا ؟؟
انا انصدمت وربي م امداهاا انتقدت جسمي وتقول اسمني
الا بنفس الوقت تقول نفسي انحف واسير مثلهااا ...

قسسم حسسيتهااا هبلت بي بتناقضهاا مدري هي متناقضه
والا تغاااار و مرتفع ضغطهااا مني مع اني وربي م عمري
مدحت نفسي او سار فيني غرور او انتقدتها بشي بلعكس م احب احد يمدحني
لاني اسستحي ولااحب انتقد حد لان الشكل م يهمني ..

والله ي بنات عزمتني وعزمت كل الشله لزواج اخوها
ورحت لزواج قسسم جت امها واختها الكبيره سلمن علي مع انهن م يعرفني
وجلسن يسئلني عن اهلي قالت صديقتي يمه هذي صديقتي
فلانه وهذولا صديقاتي قالت امهاا والله فلانه كوم وكل صديقاتك كوم
ربي يحفظهاا لعين ترجيهاا ..

طول الزواج سافهتني وم تحتك فيني قمت وزعت معها ب الزواج
لان م كانو جايبين منظمات وربي انا عملت هالشي ب اصلي
ولانها صديقتي اكيد م بكون كني ضيفه اكيد بساعدها وخصوصا
بيوم مثل كيذا مهم والله ي بنات انها تتهرب ولاتبي تمشي معي
قالن لي البنات اجلسي باين من شكلها م تبيك توقفي جنبهاا
اعدمتي ثقة البنت ماتت وهي تحاول تتهرب منك انا تفشلت وجلست

من رجعت البيت الا ارسلت لي رسساله تقول امي واختي بيخطبنك
لاخوي يبن رقم امك انا تعذرت منها قلت اهلي م يزوجوني برا القبيله
لان للامانه كانت تقول عن مشاكل اهلها و م ارتحت ابداا

وبعد هذا كله مو عاجبها لا شكلي ولا لبسي ولاجسمي ولا اي شي فيني
اول كانت تسب شكلي الكل انقلب ضدها وبعدين سارت تذم لبسي
الكل قالوو مرتبه ذمة جسمي الكل ذم جسمها وفشلها ع قولتهم
ضربوها ع الوتر الحساس لانها كثير حساسه من ناحية جسمها
مسبب لها عدم ثقه بشكل كبير

و مع هذا مستمره علما ان بشله بنات لاشكل حلو ولا لبس حلو
ولا اهتمام ولا جسم حلو ومع هذا م تقول لهن شي بس متسلطه علي..

والله جت لي فتره انعدمت ثقتي بنفسي بسببها سرت اشوف
جمالي بايخ و جسسمي غبي تعرفون كثر الدق يلين الحديد

ب العطله انقطعت عنها والحمدلله حسيت نفسيتي احلى وكل من شافني
قال لي كلمه حلوه واسمع كلام مدح حسيت اني ارتحت وزادت ثقتي
بنفسي ..

ولما رجعت الدوامات هي قاصه شعرها وصابغته ومسويه اني
تغيرت ومحد لاحظ واللي يقولها عادي انا لما رجعت الكل قالو محلوها
مع اني م سسويت شي ولاغيرت بنفسي والله جتني عيني عينك قالت
فلانه وش رايك فيني تغيرت شوفي قصة شعري شوفي صبغتي انا توهقت
قلت اي حلوووو مشاء الله وتسئل البنات عن شكلهاا؟؟؟

المهم بما انى بوقت دوامات ومجبوره اقابلها يومياااوربي مدري كيف بتعامل معها لارجعت لكلامها وانتقاداتهاااا للمره الالف

احسس خلاص م اقدر اتحملهااا انا اول كنت اسسسكت وربي ارحمهاا
لاني ادري م فيها ثقه لا بجسسمها ولا بشكلها لما تنتقدني اخاف انتقدها

لاني بجرحهاااا بشي مسبب لها عقده ودايم تشتكي منهااا
وربي حتى عمليه فكرت تعمل عشان جسمها وربي صعبه ارد
ع انتقادها ب انتقاد ؟؟؟؟

لكن الحين احسسس لو بنتقدهاا عادي يمكن لان انتقادها
اللي تكرره لي دايم خلى غلاتها بقلبي تختفي و م بقلبي لهاا
غيررر الكره بسبب اللي سببته من ضيقه وعدم ثقه بحياتي؟؟؟

والله مدري وش اسسسوي معاهاااا؟؟؟؟؟؟؟؟؟

المشكله لاسار لها مشكله محد يساعدها غيري ولا تقدر وتثق
ببنت غير لما تفضفض والله يعلم وش كثر مواقف وقفت معهاا
اختها وهي اختها م وقفت معهاا و ب الاخيرر تجازيني كيذااا؟؟


وربي صديقاتي اللي م بيننا ميانه حيل احس بغلاتي وحبهن لي
اكثرر منها ولاعمرهن انتقدن او قالن كلمه تضيق خاطري..

جد احسسس بقهرر كبير لان خلال الدراسه السنه اللي فاتت
كانت وحده من صديقاتي مره تحاول تتقرب مني لكني م اعطيها
فرصه لاني كنت مع صديقتي اللي تنتقد وخلال العطله ظلت تتواصل
معي لين كسبتني صديقه وسارت علاقتنا قويه بشكل كبير

مرات اخاف لو اطنش اللي تنتقدني واتركها وامشي مع الثانيه
بتقول م صدقت لقت وحدها ثانيه وتركتني وتحسسني ب الخيانه
لان طبعها كيذا تشوف عيوب الخلق الا عيوبها مزايا بعيونهااا


لاتقولون لي صصارحيهااا انا صصارحتهاا مره ززززعلت
تحسس الشخص انه قاعد يتبلاءهاا وتحسسك انك فاهمتها غلط
هي كيذا طبعهاا وربي م تقبل احد يصارحها بشي ؟؟

تعبت منهااا والله تعبت مدري كيف اتصرررررف
لو شغلت السي دي مررره ثانيه؟؟؟؟؟؟؟؟؟


نصيحتكم ي بنات و معليش كلامي ملخبط وربي من القههههههر كتبت
ابي افضفض شوووووي ابي اعرف قصتهااا معي وش تبي من حلقي؟؟؟

لوانتقدها اقول ممكن حقدت علي ؟؟؟
لو اني مغروره وشايفه نفسي اقول ممكن دبلت كبدها وتبي
تكسسر خشمي؟؟؟

نصااااايحكم تكفووون

>>>>> ردود الأعضـــــــــــــــــــاء على الموضوع <<<<<
==================================


لحظه لحظه انا اقولك مع اني ماكملتها كلها القصه بس البنت هذه من قلبي انصحك قاطعيها راح تعدم نفسيتك وهي راح تنبسط صدقيني كلميها قولي لها عندك اختياريين اما انك تقاطعيني او انك تبطلي انتقاداتك لان لي لسان يرد عليكي بس احب اتبع قول الله والكاظمين الغيظ والعافين عن الناس وبعدين انتي تعالي كيف وحده تسوي فيك كذا وباقي تمشي معها هي تبغا تذلك بهالتصرف ابعدي عنها اللهم صلي علا سيدنا محمد


__________________________________________________ __________

وااااضح انها تغار منك مثل ما قالت الاخت اللي قبلي قاطعيها وحاولي تتجنبيها


__________________________________________________ __________

المشاركة الأصلية كتبت بواسطة ربنا معنا
لحظه لحظه انا اقولك مع اني ماكملتها كلها القصه بس البنت هذه من قلبي انصحك قاطعيها راح تعدم نفسيتك وهي راح تنبسط صدقيني كلميها قولي لها عندك اختياريين اما انك تقاطعيني او انك تبطلي انتقاداتك لان لي لسان يرد عليكي بس احب اتبع قول الله والكاظمين الغيظ والعافين عن الناس وبعدين انتي تعالي كيف وحده تسوي فيك كذا وباقي تمشي معها هي تبغا تذلك بهالتصرف ابعدي عنها اللهم صلي علا سيدنا محمد

انا ي الغلاا صحيح كنت اتضايق منها لكن بالي طويل
وصبرت لاني اعتبرتها صدق صديقه..

وغير كيذاا كانت تقولي لي عن مشاكل وربي تشيب
الراس م حبيت اكون حقيره و اتركها لحالها ..

علما ان الشله كلهاا تجرحهاا كثير وبس يعلقن ع جسمها
خصوصا لاجلست تاكل يرمن عليها انواع التعليقات

الا انا كنت اسكت من باب مراعاة المشاعر والذوق
لما تنتقدني اقول بقلبي يمكن تبي تبين ان السمنه احلى من النحف

وتبي توضح للبنات هالكلام بطريقه غير مباشره
لكن الكل يقلب عليها بمسخره..

ومرات اقول يمكن تنتقدني لاني الوحيده اللي م انتقدها
واسكت..

انا ب فترة العطله تقربت لي وحده من صديقاتي بنفس الشله
وجد باين عليها تعزني ولايهمها لا شكلي ولا لبسي كل اللي يهمها
شخصي لكن للاسف من بداية الدراسه توفى اخوها ولسى م داومت

والسبت بتداوم وانا افككككر مو بس اترك اللي تنتقد الا اترك الشله
كلهاا لان احس كرهت اي شي تكون هي فيه..

والله انا عصبيه لدرجه محد يتصورهاا بس وربي ماسكه نفسي
ومطوله بالي لاني احس فيها نقص كبير وتحاول تكمله فيني عن طريق
انتقادتها ..

لكن الحين لو بتنتقد اتوقع بنتقدها واقسى عليها لدرجة مستحيل
ترجع علاقتنا وصداقتنا مثل اول ..

احسها صديقة مصالح تنتقد وتجرح وتحاول تهز ثقتي بنفسي
ووقت تحتاج احد او تطيح بمشكله سبحان الله م تلجاء الا لي
م كنهااا مسويه فيني شي..


__________________________________________________ __________

المشاركة الأصلية كتبت بواسطة احساسي صعب تفسيره
وااااضح انها تغار منك مثل ما قالت الاخت اللي قبلي قاطعيها وحاولي تتجنبيها

شكل ان شاء الله هذا اللي بسسويه
والله يعين ويهدي الجميع..


__________________________________________________ __________

الباب اللي يجي منه ريح سده و استريح سلام و عليكم السلام وذا انتقدت قوليلها الحمدالله راضيه بشكلي وبعدين كل همها استايلات ولبس و تكشخي معقووووول يعني واقفين ع جسم واستايل و قصة شعر ؟؟؟