عنوان الموضوع : ابي حل للمشكله
مقدم من طرف منتديات نساء الجزائر

ابي حل للمشكله



السلام عليكم :

اخواتي ابيكم تساعدوني لاني بصراحة محتاسه ومو عافه وش اسوي
بقولكم مشكلتي

عندي اخت اصغر مني بخمس سنين عمرها تقريبا 17 سنه وهي حبوبة وطيوبه وفي حالها

لكن مشكلتهاااا انهااا تاخذ اغراضي مثل البلايز والاكسسوارات بدون علمي
بصريح العباااره تسرقني وانا اكتشفت هالشي بالصدفة فصرت اراقب دولابي
وكل مرة يختفي شيء احيانا بعد فترة يعني بعد كذا يوم ترجع الشي الي اخذته واحيانا لا

هي طبعاا ماتعرف اني كاشفتهاااا
وانا تعبت عندي بلايز جديدة ماالبستهاا لما افتح الدولاب واطلعهم القاهم مهتريات من االلبس من كثر مااالبستهم اختي بدون علمي

مع العلم انها اذا طلبت مني اي شيء والله مااقصر معها اعطيها اللللي تبيه
بليز قولولي وش اسوي معهاا اصارحهااا ولا اسكت اقول ل امي ولا وش اسوي

منتظرة حللولكم

>>>>> ردود الأعضـــــــــــــــــــاء على الموضوع <<<<<
==================================


انلحس مخي !!!!
اختي انتن خوآآآت عادي مايحتاج الموضوع كل هالكلافه امسكيها مع اذنها وقولي يالملقوفه من قالك تاخذين اغراضي والله اذا شفتك مقربه للدولاب اكسر يدينك
وبعدين هي تاخذ منك وانتي تاخذين منها عادي مافيه شي بينكم
وماتسمى سرقه هذي كل الخوات يمونون على بعض وياخذون اغراذ بعض ويتهاوشون ويتضاربون وبالاخير هم خوات ومافيه احلى من انك تاخذين من اختك وهي تاخذ منك بعلمك او بدون علمك عادي
بس روحي للدولاب وخوذي اغراضك
مايحتاج ياقلبي
مآدري انا هذي وجه نظري انه الخوات مابينهم شي هم لبعض
موفقه


__________________________________________________ __________

^
ههههههههههه ضحكني اسلووبس صراحه
وعييييييييينن العقل > أبدددد مانسوي تسذا انا واختي
والله اليوم نسرق وتسذا من دون محد يعرف وبعده نجلس نتهاوش وحقي ومدري وشو
وساعه وترجع الحياه ع مجراها خخخ
يختييييييي وسعي صدرتس +_+

موفقققققققققهه =)


__________________________________________________ __________

الحمدلله والشكر انتن خوات م بيكن استئذان
هادي البس من اختي وهي تلبس مني بدون هالرسميات>> ممكن اخذ بلوزتج وع وع الحمدلله اننا مو مثلكم استئذان وم ادري ايش
م يستأهل الموضوع ع فكككره!!!


__________________________________________________ __________

هههههههههههههههههههههههههه يا قلبي شكلك محافظه جدا على اغراضك وختك بتخربهم ههههههههههه حبيبتي بتصير بين الكل خلاص ما تخلي دولاب فاتح سكري بالمفتاح وقولي لها اي شي تبغي انا بعطيكي هو وبدون لا تزعلي ما عجبتني منك سرقه هى ممكن بتنحرج قد ما بتاخد منك فبتاخده منك بالخفيه عادي يا بنتي ربي يسعدك يا عسوله انتي


__________________________________________________ __________

احس الموضوع عادي انتو اخوات ياليت ايام اول ترجع واسكن مع خواتي في نفس البيت بعطيهم كل اللي يبغون بس يلا اللحين كل وحده لها بيتها واهتماماتها الله يخليهم لي .. ويخلي لك اختك