عنوان الموضوع : أبقى عزباء أكرم لي
مقدم من طرف منتديات نساء الجزائر

أبقى عزباء أكرم لي



السلام عليكم ورحمة الله وبركاته

ودي أقول لكم سالفتي وابي المشورة منكم لاني جد تعبانه نفسياً ، تعرفت ع بنت قمة في الأخلاق وأهلها ناس فيهم خير ومن نفس قبيلتنا لكن من فخيذه غير كلمتني أنها تبي تخطبني لأخوها ، دايم يكلموني حريم وبنات في اخوانهم ولا أحد يقرب لهم بس سبحان الله الموضوع عادي بس البنت ذي حبيتها وحبيت اهلها مثل أي بنت رحت وقلت لأمي أنفجرت في وجهي وش تبين بالإجناب واذا تبين العرس مافيه الا ولد عمك وولد عمي صراحة ما ابيه لأسباب واجد أمي عذرتها لأن نفسيتها تعبانة بس ما عذرتها لأنها حتى ما فكرت تسأل عنه المهم رجعت لغرفتي وخاطري مكسور من ردة فعل أمي بعدها بكم ساعة دخلت ع أبوي وعلمته بالسالفة كلها وطبعاً سمعني كم كلمة كاني قايلة منكر ومافيه زواج إلا من عيال عمك ولا جماعتك بس تدرون وش ذبحني.؟؟ أنه بعدها بيومين كلم أمي معصب ويهاوشها يقول كيف بنتك تجرت كلمتني في الموضوع ذا (مع العلم أنه دايم يقول لي أنا أبوك وأخوك ..الخ) أكيد أنها شافته ولا شافها ولا كلمته وما دريتانه كلم أمي إلا من أختي لانها قالت لا تقولين لها شي مابيها تضايق بس والله اني مجروحة جد جد انا عفيفه وحافظه نفسي وذا ظنه فيني يشك فيني كذا؟ واللي يضحك بعدها بأسبوع يقول لأمي فيه ثنين سألوني إذا بنزوجهم وانا قلت لهم سنتين كذا على ما تخلص دراسه بدون حتى ما يستشيرني ولا ياخذ رايي اللي قاهرني واحد فيهم مايصلي وراعي بنات والثاني مطلق وعليه ولد وأكبر مني بعشرين سنه واللي قاهرني أن ابوي اللي المفروض يكون لي عون وكلامة اللي دايم يقوله انه انسان متفهم ومدري ايش طلع كذب مصدومة منه قسم بالله اني كنت متشفقة على الظنا بس كرهت الزواج وكرهت كل شي ما فكروا حتى يسألون عن الرجال بس رفضوا لانه مهوب من أهلنا القريب والله يا بنات أحس اني مكسورة وتعبت وانا كاتمه وش أسوي اللحين أفكر أذا خلصت البكالوريوس اكمل ماجستير بس عشان اشغل نفسي ولا أفكر في الظنا وأنحد على الزواج.

أبي مشورتكم ورايكم ابي افهم ليه التعامل ذا لييييييييييييه ليه انا ماقصرت بشي صرت لهم الولد والبنت شاله البيت على راسي واصرف عليه هم خذوا بعض عن حب بس انا ابي اخذه عن قناعه وهذا ابسط حقوقي ابسسسسطها ابسطها ولاني بصغيره عشان الأسلوب ذا معي ولا قصرت في شي
اعتذر على الإطاله ولكن أحتجت أفضفض أحتجت اسمعكم يمكن فيه سبب يقنعني ليه التعامل ذا والله مافيه فرق بين حياة البنت في الجاهلية واللحين قبل تدفن البنت واللحين تدفن أحلامها........

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممم *.*
حبيبتي فيه ناس ما تتقبل فكرة انه بنتهم تكلهم وتفاتحهم في هالموضوع
وكان المفروض تفكري زين قبل ما ترمسينهم وتخلي اهل صديقتج هم اللي يفاتحو اهلج بموضوع الخطبه
الله يرزقج باللي يسعدج
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

يا أختي الله يسر أمرك بعدين الزواج قسمة ونصيب مو بكيف أحد
بعدين أدعي الله يرزقك الزوج الصالح
ومثل ما كالت الاخت غرام يجون أهل الولد أحسن
والله يكتبلك الخير ويسعدك


__________________________________________________ __________

الله يكون في عونك مافي شي بعيد عن رب العالمين
اذاكان لك نصيب من الي تبغيه بتاخذيه


__________________________________________________ __________

الله يكون في عونك


__________________________________________________ __________

حبيبتي الزواج قسسمه ونصيب وتاكدي ان نصيبك باتخذيه فلا تسبقين الاحداث وادعي ان الله يرزقك بالزوج الله

مموفقه حبي