زوجي السابق وخطيبي الحالي أنصحوني والله محتاره

[aksachli]

عنوان الموضوع : زوجي السابق وخطيبي الحالي أنصحوني والله محتاره
مقدم من طرف منتديات نساء الجزائر

زوجي السابق وخطيبي الحالي أنصحوني والله محتاره



السلام عليكم ورحمة الله وبركاته
بنات راح ابدأ معكم بحكايتي ويعلم الله اني مالي بعد الله غيركم اطلع اللي بقلبي واتمنى تسمعوني وتفيدوني ....
أنا حكايتي بدأت وأنا عمري 19 سنه أمي كويتيه وأبوي سعودي يعني تقدروا تقولوا تقاليدينا سعوديه بحته بالرغم من كثره تواجدنا بالكويت عشان اهل امي واحنا عائله مررره محافظه والحمدلله يعني حجابنا كامل وماعندنا ولد خالتي ولا ولد عمتي كلهم نغطي منهم المهم انا انخطبت على واحد من أهل ابوي وانا ادرس بالكلية طبعاً ماكان عندي خبر بالخطوبه الا بعد ماتمت ويمكن هالشي من البدايه ضايقني بس قلت اهلي وادرى بمصلحتي عالعموم الرجال على كلام اهلي ماينعاب بس حالته الماديه صعبة شوي قلت بنفسي عادي ما اهتم انا للماديات بصفه عامه برغم من حالتنا الماديه الممتازه نوعاً ما بعد كذا طلب الشوفه الشرعية وبعدها على طول طلب الملكه من ابوي وانا من المستحيل ارضى بالملكه اذا كان الزواج بعيد بس قدر يقنع ابوي ووافق هذا كله وانا ما أدري فجأه صحتني اختي الصغيره من النوم تقولي اصحي ياعروسة ملكتك بكره ورب الكون صحيت زي المجنونه كيف في يوم وليلة اصير على ذمة رجال عالعموم تمت الملكه وكان عدم موافقتي لا أهمية له بنفس الوقت عندنا عيب اطيح كلمة ابوي قدام الرجاجيل انا ماكانت معارضتي عشان الملكة وبس برضو عشان موعدها ما استوعبت انه في يوم وليلة اصير على ذمة واحد غريب طبعاَ اليوم الثاني كانت الملكة وكان هو طاير من الفرح وانا عكسه تماماً بس لما جلسنا شوي حسيت ان الوضع عادي وبديت اتقبل الواقع ووعدني انه يكون زواجنا بعد شهر لأني وبصراحه حكيت له انه متضايقه من هالحركه المفاجأه وتأملت بناء على الوعد اللي وعدني اياه مرت الشهور ولاصار زواج وانا صدق تضايقت من كذبه وغير كذا اكتشفت انه متزوجني على طمع يمكن هالشي اللي كرهني فيه وبقووووه وكمان ما احس معاه بالآمااااااااان نهائياَ لأنه كل صغيره وكبيره توصل لأهله لدرجه اني مره ابغى اتأكد من اسلوبه البايخ هذا كذبت عليه كذبه و راح وصلها لأهله وكلمته على انه اسرارنا ماتوصل لأحد حتى لو اهلي عشان يفهم ومافيه فايده كل شي كل شي حتى اتفه الامور يروح يقولهم وهم فرحانين ان ولدهم يقولهم بكل شي وانا وربي بجد كنت اتضايق حاولت معاه مافيه فايده وغير كذا عيووووبه كثيره ماتتحملها اي انثى بجد لا يطاق حاولت احبه بس ماقدرت يكرهني فيه بتصرفاته واطباعه اللي حاولت اغيرها وماقدرت لدرجه اني بطلت اكلمه عشان ما اكرهه اكثر تخيلوا وش فسر عدم مكالمتي له يقول معي واحد غيره اكلمه واطلع معاه واحنا وربي مانعرف هالاشياء الحمدلله متربين احسن تربيه انا وقتها جن جنوني وكلمت اهلي زعلوا اهلي على هالشي وقلت لهم اني ابغى الطلاق انسان كذا شكاك ويبغى مني ومن اهلي فلوس تخيلوا يقول اطلبي من ابوك فلوس عشان اذا بنسافر والا طلعي سياره ليا انا زوجك ويقول لأخواني زوجتي بتطلع لي سياره وانا ورب الكعبه ماقلت ومررره نزل من عيني وكرهته اكثر المهم اهلي يقولوا لسه انتو بعيد عن بعض لما تصيروا ببيت واحد بتصيروا احسن وانا كنت مصممه على الطلاق المهم كلمني وانا مو طايقته لأني والله قلبي عافه وانتو اكيد عارفين كيف القلب اذا كره انسان وخاصة انه شك فيني يتأسف ومدري وشو مشيتها له مجامله فقط لا غير عشان اهلي بس وغير كذا مايصرف عليه وانا زوجته وعلى ذمته وهذا شي يحرجني قدام الناس وخاصة ان اهلي مو مقصرين الله يخليهم لي وكثرت اغلاطه لدرجه اني خلاص انهرت على اهلي ابكي ابغى الطلاق برضو اهلي كانوا حاطيين ببالهم ان حالنا بيصلح بعد الزواج بطلت اكلمه هالمره وعن قنااااعه والله حسيت اني كلي جروح وكانت نفسيتي زي الزفت والله صرت كل شوي استخير وادعي انه الله ينزل محبته بقلبي اذا كان خير واذا شر الله يصرفه عني وحتى نزلت الكويت فتره ابغى ارتاح خلال جلستي في الكويت عند اهل امي وهنا المشكله اللي ابغاكم تخففوا عني مو تزيدوني لأنه عارفه والله انها اكبر غلط والله يا بنات انا مو كذا ولاعمري سويت كذا والناس كلهم عارفيني كيف انا عاقله ومحافظه اكثر وحده في العيله المهم تعرفت على واحد من النت كتابتاً فقط لا صرت ولا صوره وكانت نيتي عادي نت وبقفله يتقفل معاه كل شي شوي شوي تعرفنا على بعض اكثر وهذا كله كان غوايه من الشيطان الله يلعنه بس ورب الكون يا بنات بتقولوا كذابين زي ماكانت فكرتي عن كل اللي بالنت بس هذا انسان كان يخاف ربه في نفسه قبل فيني وكان بيننا الاحترام المتبادل المهم استمرت علاقتنا حوالي شهرين بس بصوره متقطعه مو دايم وبعد كذا بعدت بإرداتي عن عالم النت لأني حسيت نفسي تعلقت فهالانسان وقلت حرام اللي اسويه في اهلي هم واثقين فيني وزوجي صح اني اكرهه بس عشان ارضي ربي ببطل وجلست شهرين ما اكلم اللي تعرفت عليه بالرغم انه كان شاغلني لدرجه ماتتخيلوها بس قلت خلاص هذا غلط ولازم ارجع لعقلي يمكن لأن نفسيتي كانت مرره تعبانه لعب بعقلي الشيطان المهم طلب زوجي يجي عندي بالرغم اني معارضه الزيارات ايام الملكه بس وافقت عشان يتغير اللي بنفوسنا وياليته ما جا لأنه زعلني وخلاني بعدها زعلانه ولا اعتبر لزعلي اعتبار ولايهمه ازعل والا ارضى وبعدها رجعنا ما نكلم بعض ما اكذب عليكم يابنات والله العظيم حنيت لذاك الانسان اللي تركته لأن وقسم بالله لقيت فيه كل اللي كان ينقص زوجي زوجي وبصراحه عديم الاحساس بالغيره بالعربي اقولكم ماهو رجال بمعنى كلمة رجال ويمكن هذا السبب اللي خلاني مااشوفه شي بعيني على العلم انه اللي كنت اكلمه ماكان يدري بإرتباطي ولا اي معلومه عني لا اسم ولاعنوان ولا اي شي سوي اني بنت والله العظيم ما اكذب عليكم بصراحه تعلقنا ببعض اكثر واكثر وهذا كله من النت بس لدرجه انه مره كشفتني اختي الكبيره وهذه المصيبه لأني طحت من عينها وانصدمت فيني وحلفتني اذا ماتركته بتقول لأمي وقلت له اني انكشفت ولازم اتركه قال بيخطبني ويزوجني لأنه صادق في حبه بس المسكين مايدي اني مرتبطه وبصراحه اختي علمت امي وانهبلت مو مصدقه فيني انا العاقله المتزنه في كلامي المتفوقه بدراستي كذا اسوي المهم قلت لها ماراح اكلمه وانا نويت من قلبي اني ما اكلمه عشان امي واختي بالرغم اني قلبي بيتقطع المهم اختي اخذت رقمه من الجوال ودقت عليه عشان تهدده فقال لها اعطيني عنوانكم ورقم ابوك انا بخطبها وبتزوجها هنا اختي قالت له اني مرتبطه وزواجي قريب وقتها تحدد زواجي كان باقي عليه 5 شهور والله العظيم اني حسيت بموتي يابنات مو زواجي اللي بيجي لأنه اكذب عليكم اذا بقول ما حبيته لأني عشقته انسان حبني لذاتي مو لشي ثاني غير كذا صادق حتى بكلامه العادي غير فيني اشياء كثير ولليوم اقول حسبي الله ونعم الوكيل في زوجي لأنه هو السبب في اللي انا فيه وبنفس الوقت لو مو الله ثم مشاكلي معاه ماتعرفت على هالانسان اللي اعطاني نظره للحياه غيييير نظره اعقل واصفى وانقى من اي شي ورب الكون يا بنات ان معدلي نزل بسبب مشاكلي مع زوجي ومن يوم عرفت هالانسان صار يشجعني على دراستي ويسوي لي واجباتي وانا نايمة اصحى على كل شي جاهز والله العظيم حبنا لبعض كان طاهر مايدنسه اي شي من وساخه ذي الدنيا ولاحتى بكلمه وسخه المهم رجعت اكلمه ومافيه احد يدري بحجه اني بتزوج وماراح اكلمه خلاص وعشان دراستي ما تتأثر طبعاً هو وقتها يدري بزواجي لأن اختي قالت له بقينا على حالنا وطبعاً زوجي ولاحتى فكر يسأل عن زوجته اللي مطنشها ولاحتى يفكر بهديه يراضيها فيها لحد يوم زواجي كانت اخر مكالمه قبل الزفه طبعاً مكالماتنا تطورت للموبايل بحكم اني بطلت اكلمه على النت والله هذا كله غوايه من الشيطان اعوذ بالله منه وصفيت نيتي لله وحفلت اني ما اكلمه مهما يصير لأني بكون مسئوله عند زوج وبيت وراح انشغل وانسى وربي يابنات انه من يوم طلعت السياره ماسمعت كلمه مبروك من زوجي بس معصب عليه عشان اهله وانا ابكي من القهر بدال مايستقبلني بأحلى الكلام قابلني بكلام يسم البدن لدرجه اني جلست ساكته بس دموعي تنزل واتذكر دعواته لي بالتوفيق واقول لا يمكن اذا وصلنا البيت بيتغير الا ونفس الموال لدرجه اني كرهته بكل ماتحمله الكلمه من معنى المهم جلست معاه 3 شهور ولو اقولكم شي ماراح تصدقوا والله واللي خلقني وخلقكم اني ماقدرت اعطيه حقه الشرعي من معاملته لي اللي ماتغيرت من ايام الملكه وغير كذا بخييييييل والله العظيم شهر العسل على حساب اهلي والله شي يفشل من يوم اخذته كل شي على حساب اهلي ما كأني تزوجت واذا مره مره تطور الحال طلب من اهله يقول اني انا اللي ابغى والله يفشلني حتى قدام اهله ماعنده اسلوب بكل شي عفاشه عحتى اذا بغى حقه الشرعي وربي يقرف حتى انا تقفل نفسي ماعنده اي نوع من الرومنسيه لا بمعامله ولا بجنس
المهم صارت مشكله هي اللي وصلتني لأخر شعره من الجنون يشك فيني ويخلي اخوه يتصل عليا ويتصل هو واخوه على ارقام صحباتي وربي يشهد اني مااكلم ذاك الانسان لأني صفيت النيه من قبل لا أدخل بيته والله العظيم صرت اتفشل من البنات اذا قالوا لي بالرقم مره وحده من البنات سمعتني صوته وربي بغيت انهبل مو لهالدرجه يشك فيني بالرغم اني مو مقصره بشي ببيتي نظيف وملابسه نظيفه واكله جاهز البيت مبخر دقيت على اهلي وطبعاً مررره تضايقوا وطلعت من بيته وانا ناويه الخلع اذا ماراح يطلق لأني ماقدرت اعيش معاه شايف نفسه على الناس ويشك في كل بنت يشوفها قدامه يقول قليله ادب اكيد معاها صاحب اقوله حرام عليك خاف الله عندك اخوات يقول لا اخواتي مو زيهم كل ماشاف وحده قدامه اخذ ذنبها والله شكيت ان عنده حاله نفسيه المهم انفكيت منه وخلعت طبعاً اختي الكبيره تعرفت عليها اخت اللي اكلمه وكانوا مشاء الله متواصلين نوعا ما بعدين عرفت اني انفصلت عن زوجي وعلى طول كلمت اختي عشان يخطبوني وامها كلمت امي بصراحه بيني وبينكم اكذب لو قلت مافرحت بالخبر بالرغم اني بجد بطلت اكلمه حتى بعد انفصالي وليومكم هذا ما اكلمه يمكن الحيت قربنا على الثلاث سنوات يعني انا الحين مخطوبه على اللي كنت اكلمه والحمدلله بس خايفه تدرون ليش لأني عارفه ان اللي بدايته غلط...... بالرغم انه انسان كبير حتى بسنه عاقل وواعي وقسم بالله واثقين ببعض لصدق اللشي اللي بيننا وزواجنا قريب ان شاءالله بس يابنات الحين اخوي يقول افسخي الخطوبه طبعاً مافيه احد يدري بعلاقتنا السابقه الا امي واختي الله يحفظها لعيالها ابوي يمدح بالرجال وامي كانت موافقه وهي اللي فرحت لي اكثر وحده والحين تقول ماني مرتاحه وشوي تقول والله انه صدق بحبه لك صرت محتاره مررررره انا احبه وبنفس الوقت مستحيل اسوي شي واهلي مو مرتاحين حتى اليوم واحنا جالسين على العشان اخوي كلم ابوي قدامي يقول افسخ الخطوبه وربي انا اتفاجأت ماعرفت اتكلم لأني اخوي واحد صديقه يبغى يتقدم لي ومررره يمدحه يقول اخلاقه حلوه صايم مصلي وحالته الماديه زينه مثل حالتنا ومطلق زوجته ويقول انت بتلاقي عنده اللي فقدتيه من الاول طبعاً كل البيت كان عارف بمشاكلي مع زوجي الاول بسببه يجي ويقول لأبوي كل شي يصير بيننا وانا محتاره والله يا بنات عااااااااااانيت لدرجه ماتتخيلوها ونفسي ربي يعوضني بنفسي اقول اخذ الانسان اللي حبيته والا اخذ واحد لا اعرفه ولا يعرفني واخاف يطلع زي الاول واتورط والزواج مو لعبه بالرغم اني بكر والحمدلله كثير يخطبوني حتى وانا متزوجه بس اخاف اذا فسخت خطوبتي ربي ياخذ حق الاول والثاني والله يابنات دااااايم استخير بإستمرار الحمدلله انا بكل شي استخير والله ابغى الستر والعوض برجال يحبني لذاتي مو لشي ثاني ويحترمني ويقدرني
عارفه كثرت كلامي بس والله ماعندي غيركم بعد الله افضفض له
تكفووووون اعطوني رأيكم وادعولي ان ربي يكتب اللي فيه الخير على فكره نسيت اقولكم عمري الحين 25 سنه
والله يرزقكم بالفردوس قولوا آآآآآآآآآآآآآآآآآآآآآآمين

>>>>> ردود الأعضـــــــــــــــــــاء على الموضوع <<<<<
==================================

اممممممم شوفي استخيري ماخاب من استخار ولاندم من استشااار شوفي راي امك واختك طيب
والله انتي تحبين الشخص الثاني وافقي من رائي اذ هو صادق يحبك الله يسخره لك وان شاء الله الاخوات الي ب المنتدى يفيدونك اكثر مني

__________________________________________________ __________

انا من رايي ان تتزوجي اللي حبك وباين انو فيه خير حتى بعد ما تزوجتي وطلقتي هو عايزك واستخيري الله والمهم الاخلاق . والله اليوفق.

__________________________________________________ __________

هلا حبيبتي
دام انك مرتاحه مع خطيبك توكلي على الله وشكله متمسك فيك وماعليك من اخوك وكلامه
بس دايما ادعي ان الله يسخره لك ويتمملك على خير

الله ييسر امرك ويوفقك ويكتبلك الطيب

__________________________________________________ __________

انا بقول الزواج مو لعبة وانك تاخذي واحد ما تعرفي عنه شيء وحتى لو كان هطا الراجل لي من طرف اخوك شخس كويس فتاكدي ماراح تعيشي معه زين لان قلبك متعلق بشخص تاني
فتزوجي الراجل لي صبر معك ووقف معك
اما اخوكي فهو مو شغله انت لي راح تتزوجين مو هو
قوليانا بدي هالراجل ده مو عيب انت بدك الحلال مو الحرام
انت خليتيهم مرو يقررو عنك بس هالمرة انت قرري حياتي
انا عن نفسي ماراح اتزوج غير الراجي لي احبه غير كذا لا

__________________________________________________ __________

ياعزيزتي شفتي رأي اهلك وكلامهم اللي مشي مع اللي تزوجتيه
يعني لو كانوا سمعوا كلامك من الاول وانه رجل غير مناسب كان كل هالمشاكل ماصارت
عزيزتي انا بصراحه اتعجبت على اهلك يوم ماكنتي مخطوبه وبانت تصرفات خطيبك السيئه واضحه وهم يقولون راح يتغير بعد الزواج
كيف يتغير بعد الزواج والناس عادة تظهر اجمل ماعندها ايام الخطوبه
ياعمري امشي بعقلك وقلبك ولاتسمعين كلام اهلك وتزوجي من اللي تحبيه واللي خطبك
وربنا يقدم اللي فيه الخير
امين يارب

تحياتيييييييييييييييييييييييي