عنوان الموضوع : مقهورة من زوجي -تم الاجابة
مقدم من طرف منتديات نساء الجزائر

مقهورة من زوجي



سيداتي راح ابدا بالموضوع على طول

انا متزوجة و زوجي مسافر عني... ما رحت معو لانو ما طلعتلي فيزا
المهم تزوجنا و اسفر بعد العرس ب3اسابيع و هو هلأ صارلو 3 اشهر مسافر

من يوم ما سافر ولا حد من اهلو زارني ببيت اهلي
انا طبعا ما بقطع امو من الاتصالات و معودتها من ايام الخطبة انو كل اسبوعين ازورها مرة و كل 3 ايام بحكي معها تلفون
بس اهلو ما بيزوروني
بيعزموني عندهم كل فترة بس انا ما بدي اكل.... بدي حد يهتم فيي

اجا عيد الاضحى و كان هو مسافر و انا توقعت انو حد منهم يزورني.... طبعا ما صار هالحكي
اتصلت بامو اعايد عليها قالتلي انو رح يجو ياخدوني اقضي اول يوم بالعيد عندهم..... طبعا مرق اول يوم ولا حد اتصل
انا زعلت..... لانو مو هيك الطناش
رجعت امو حاكتني تاني يوم الصبح
انا كنت زعلانة فما رديت.... شوي والا هو بيتصل
كنت مشغولة و بس خلصت حاكيتو و الا بيقلي ليش مطنشة امي؟ و ليش ما بتردي عليها
و طبعا انا ما بيطلعلي قلو شي عنهم... و نحنا بنحكي فصل الخط لانو ما معي رصيد
و بس بعتتلو مسج انو ما معي رصيد قاللي" بس تزوري اهلي و ترجعي بتكوني تشحكي تحاكيني"
انا انقهرت من اسلوبو و رحت زرتهم و بس رجعت كنت زعلانة ما حاكيتو
و تاني يوم ما بعتتلو ولا بعتلي شي
بعدين كتبتلو انو مو ملاحظ اني ما بعتتلك شي اليوم؟؟ جاوبني" بلى ملاحظ بس شو اعملك؟؟ بدي اسالك ليش زعلانة و رح تحكيلي لانو اهلك ما اتصلو؟؟ خلص هيك بترتاحي؟؟"
اسلوبو كتييييييير سيء

امبارح كمان كنا عم نحكي فيديو كول و سألني كيف وقت فراغك... فكرتو عامللي مفاجأة و بدو يجي قام قاللي:لانو شكلك نصحانة...بلكي تصيري تلعبي رياضة
العمى هاد ياللي طلع معو؟؟؟ انا صراحة انجنيت بس مشكلتي بسكت ما بقدر جاكرو
هو لاحظ انو تغيرت طريقة حكيي بس كالعادة ما سألني
ولا رح يسألني
بعتتلو المسى مسج ناشف قام رد بطريقة ناشفة
و لو اطنشو ما رح يسأل ولا رح يقلي مالك

يا بنات شو اعمل؟؟؟ قاهرني اسلوب معاملتو و قاهرينني اهلو
ازا انا ما اتصلت ما بيحاكوني
ما بيسألو عني

حد يقلي انا فاهمة الموضوع غلط و الا شو؟؟؟

رجاءا يا ادارة نزلو الموضوع بسرعة

>>>>> ردود الأعضـــــــــــــــــــاء على الموضوع <<<<<
==================================


اهلو مومهم بتنحل المشكلة بس اتاكدي انو هاذا اسلوب كل لرجال يحبو يطنشو وما يبدو اي اهتمام وخصوصا اذا سالتيه ليش مطنشني وكتير بحبو ينزلو معنويات بفكر حالو مدوب قلوب العذارى وما في حدى قدو
بس لو كنتي ذكية خليه هو يتعذب بنار الطناش حتى يتربى مو بنقول انو القط بحب خناقو خليه يتخنق شوي مو كتير ههههه لانو لرجال عندن مبدء انو اهتمام الزوجة جزاتو الطناش حتى يلوعها اكتر


__________________________________________________ __________

امممممممممممممممممممممممم *.*
فيه مثل يا في بالي مب متذكرته زين بس يقول >> سوي خير وارميه بالبحر
يعني زوريهم واسئلي عنهم بس لا تنتظرين منهم مقابل
حسيت من كلامج انج حاسة يمكن بوحدة وفراغ اشغلي وقتج باي شي
موفقة

استغفر الله العظيم الذي لا إله إلا هو الحي القيوم و اتوب اليه


__________________________________________________ __________

الله يسخرلك زوجك

ويهدي أهله

موفقة يارب


__________________________________________________ __________

المشاركة الأصلية كتبت بواسطة samia09
اهلو مومهم بتنحل المشكلة بس اتاكدي انو هاذا اسلوب كل لرجال يحبو يطنشو وما يبدو اي اهتمام وخصوصا اذا سالتيه ليش مطنشني وكتير بحبو ينزلو معنويات بفكر حالو مدوب قلوب العذارى وما في حدى قدو
بس لو كنتي ذكية خليه هو يتعذب بنار الطناش حتى يتربى مو بنقول انو القط بحب خناقو خليه يتخنق شوي مو كتير ههههه لانو لرجال عندن مبدء انو اهتمام الزوجة جزاتو الطناش حتى يلوعها اكتر


samia09 شكرا لردك

انا ممكن اطنشو بس ما بدي يتعود عالجفا..... ما بدي يكون هيك اسلوب حياتنا
و ما بحب تضل الامور معلقة بيننا.....لانو من دون شي هو مو موجود و يمكن مو متعود على وجودي

و غير هيك انا بفتقد الحوااااااااااااااار
ما في بيننا حوار
كلمة و ردها و بس خلص الموضوع
و ازا جادلت شوي بيقلي لشو كل هالحكي؟؟ الموضوع ما بيستاهل


__________________________________________________ __________

upppp