عنوان الموضوع : رايكم يهمني -لصحتك
مقدم من طرف منتديات نساء الجزائر

رايكم يهمني



السلام عليكم
ماادري من وين ابدي
بس بحاول يكون كلامي مرتب على قد مااقدر عشان تفهمون علي
انا تملكت من كم شهر
وخالتي ام زوجي حرمه كبيره باالعمر وافكارها ابد متحجره تقولي لها ابيض تقول لك اسود
انسانه صعب جدا التفااهم معها مع اني احاول اكسبها اجيب لها بين فتره وفتره هدايا
واخلاقي معها جدا ذوق ومرات تكون معي زينه
اتصلت على امي قالت نبي الزواج باالمنطقه اللي هي فيها
وانا ماابي
قالت امي والله صعب نسافر وابوها تعبان وتكاليف السفر
قالت خلاص مو مشكله اجل نسوي باالمنطقه اللي انتم فيها حفله متخصره جدااا
وباالمنطقه اللي احنا فيها نسوي حفله كبيره
انا ماابي اسوي هناك حفله كبيره كل صديقاتي هنا وكل الناس اللي يعزون علي هنا
وابي حفله كبيره باالمنطقه اللي انا فيها ماابي حفله باالمنطقه اللي هي فيها الا اذا هي حابه تسويها براحتها
ولما كانت تكلم امي قالت اعطيني اتكلم معها واقنعها واذا مااقتنعت والله مااحضر الزواج
انا وقتها كنت نايمه لما صحيت وامي خبرتني ضااق صدري حيل
الحين الله يسعدكم خبروني كيف اقدر اقنعها بدون ماتزعل و لا تاخذ بخاطرها
ترا عادي عندها تسكر الجوال بوجههي اذا مااعجبها كلامي انسااانه كبيره باالعمر ووصععبه حيل
والشاهد ربي اني اعتبرها زي امي
وحبيت اقولكم على شغله لا احد يقولي كلمي زوجك احنا ممنوع عندنا المكالمات والزيارات
والا كان قلت له واقنعها هو اغلى واحد من عيالها
ولا احد يقولي احكي مع احد بناتها من الصعب جدا ان تسمع منهم
ولا احد يقولي قولي لاامك تكلمه بيخربها وبتزعل تقول انتي تقولي الامر بيد العروس والعريس
وتكلمين ولدي
شايفين كيف انسانه صعبه الله يهديها ويسخرها هي وولدها لي ويسخرني لهم
الله يسعد ويوفق كل اللي ترد علي وتعطيني نصيحه من القلب
وبليز لا احد يرد علي رد يضايقني كلنا كبار والمفروض نحترم بعض

>>>>> ردود الأعضـــــــــــــــــــاء على الموضوع <<<<<
==================================


الله يقدم لك اللي فيه الخير حبيبتي
بس للاسف ما فهمت مشكلتك مليييح


__________________________________________________ __________

الله يهديها مالها دخل المفروض العريس والعروسسه يتفقو على كل شي
خلاص طيب سوي حفله بالمنطقه اللي انتي فيها كبييره
وحفله بالمنطقه اللي هيا فيها كبيره
عشان ترضي الطرفيييين


__________________________________________________ __________

هو العقليات الكبيره المتحجررره دايما صعبه
شوفي انت سوي حفله لو مستواكم المادي كويس خليهم يدفعو لك تكاليف الحفله وانت زيدي عليها واعزو كل الي تعرفونهم وهناك يسون لك الحفله الثانيه
وهي في الاخير كلها مخاسر وفري حق واحده منهم لشهر العسل *_^
بنت خالتي سوت عرسين واحد في منطقة اهلها واحد في منطقة اهله وتندمت لانها كانوا مخططين يروحن بشهر العسل على ثلاث دول ما كفى الا لدوله قعدو فيها اسبوعين ورجعو مو شهر بعد


__________________________________________________ __________

المشاركة الأصلية كتبت بواسطة وجدان الدلوعة
الله يقدم لك اللي فيه الخير حبيبتي
بس للاسف ما فهمت مشكلتك مليييح

تيب جزاك الله خير
على الدعوه الحلوه ولك مثالها يارب


__________________________________________________ __________

المشاركة الأصلية كتبت بواسطة مشكلتي
الله يهديها مالها دخل المفروض العريس والعروسسه يتفقو على كل شي
خلاص طيب سوي حفله بالمنطقه اللي انتي فيها كبييره
وحفله بالمنطقه اللي هيا فيها كبيره
عشان ترضي الطرفيييين

امين
هذا هو المفروض
مع انو ولدها الكبير تزوج قبل شهر
هي مجهزهه كل شي وعلى ذوق العروسه
وكان الزواج من اروع مايكون
ماتبي الخساير تبي لو صار عندنا شي بسيط جدا
يعني ذبيحتين وهناك كل شي واصلا اعرف هناك حتى لو عملت تبي تعمل شي عادي وبسيط
وبعدين انا ابي افرح هذي ليله العمر الله يهديها
جزاك الله الجنه