عنوان الموضوع : ساعدوني موعارفه وش فيني مجابة
مقدم من طرف منتديات نساء الجزائر

ساعدوني موعارفه وش فيني



مرحبا
كيف حالكم

شوفوا اختكم شاطره بالدراسه حييييييييييييييييييييييييييييييييييييييييل ماشاء الله علي
احب الدراسه احب ادرس فيني حماس خيالي بس ما ادري وش صارلي فجأه
صرت مهمله مره مره يعني محاضرات ما احضر دراسه ما ادرس ساحبه على الدنيا سنه ثانيه جامعه معدلي ممتاز هالحين بسنه ثالثه نزل معدلي لجيد جدا ابكي بمراره مره شاطره كيف يصير معي كذا المشكله وين اني اول كنت ادرس اول باول حالين لا يالله ليلة الامتحان وتخيلو لين جيت امسك الكتب اقرا الجمله مرتين ثلاثه مو مستوعبه الشي الي قدامي مع انه واضح احاول افمهمه احفظه مو راضي تخيلو اول الصحفه كانت تخلص معي بخمس دقايق على الاكثر الان ساعتين بالصفحه اعيد وازيد واكتب ومافي امل ويجيني ملل خيالي
يعني اقرا مقطع اطلع اشوف تي في عشر ساعات او امسك الفيس بوك وداخلي يتعذب ابي اروح ادرس بس كأن احد ماسكني لين جيت امسك الورقه اذاكر اقعد سرحانه فيها يوصل السرح عندي بعض الاحيان اربع ساعات بعدين لين تنبهت تركت الكتاب وطلعت الهي نفسي بشي ثاني صرت مهمله من الدرجه الاولى ولين جى وقت الامتحان تخيلو احط الاجابات الصح بعدين اشيلها واحط الغلط الدكتوره انصدمت مني تقولي 5 اسئله شلتي الصح وحطيتي الغلط وش فيك وين كان عقلك ولين كنت احل اشوف الاسئله كلها قريتها بس ما اذكر شي عنها اذكر كم جمله مقهوره مره على نفسي ماكنت كذا وش الي خلاني مهمله والله احاول ادور سبب اعرف سبب مافي ومسكتني دكتوره من كم يوم قالت لي انت عندك مشاكل بالبيت مريضه تعبانه علميني خليني اساعدك قلت لها لامافيني شي قالت اجل ليش انت غاايبه عندي 7 محاضرات وعلاماتك نازله واشوفك تجين الجامعه وماتحضرين من متى هالحركات تدرين اني ساكته عليك ومافصلتك لانك كت طالبه مثاليه واقفه ساكته قدامها ماقلت كلمه ومادري عن عدد غياباتي والي قهرني اكثر قالت لا تتوقعين اتحمل اكثر وحتى الدكتورات الثانين كلمتهم عشانك وكلهم قالو علامتها السابقه عاليه عندنا بس هالترم مخربتها
قعدت ابكي طول اليوم وحابسه نفسي بغرفتي وحاولت امسك الكتب ادرس مافيه والحمدلله شلتي اخلاق وشاطرين وهم يقولون ميدي حتى انك انت ماكنت تكتبين المحاضرات لانك تخزني كل المعلومات براسك والدكتورات يندهشون من ابداعك وهالحين والا شي حتى قبل الامتحان نسألك وتجاوبين على كل شي وفي الامتحانات ماتجبين علامات

الكل ملاحظ علي بس ماحد فاهم الي امر فيه وحتى انا مو قادره افهم وش قصتي

>>>>> ردود الأعضـــــــــــــــــــاء على الموضوع <<<<<
==================================


في شي شاغل بالك او تمري بظروف نفسيه حاولي تفصلي حياتك وقت تدخلي الجامعه افصل البيت بيها وهتمي بس بلمحاضرات والاختبارات ولاتقولي ماقدر لن مافي شي صعب وقري على نفسك والله يوفقك يرجع مستواك اعلى من اول


__________________________________________________ __________

لا اله الا الله


__________________________________________________ __________

لا شي شاغل بالي والا عندي ظروف الحمدلله والله ما ادري هي عين او وش فيني لاني اسوي الي تقولينه


__________________________________________________ __________

اتوقع انك مصابه بالعين او الحسد
انتي تحلمين بكوابيس؟


__________________________________________________ __________

ما احلم كثير بس بعض الاحيان ان حلمت تكون احلامي مزعجه واشياء مداخله في بعضها لكن بالفتره الاخيره قمت احلم احلام مو زينه الاحلام الي تخليك تقومين من النوم يعني لن حلمت في الحلم ان احد مسكني اقوم من النوم لان اشعر انه مسكني حقيقه بس اتوقع لان صلاه الفجر راحت علي كذا مره واصليها قضاء لان جوالي خربان ونومي ثقيل امي تقومني واختي اكثر من مره واقولهم بقوم بقوم والا اقوم