لو احد تعرف علي على طول قلبه ينفتح لي ويحبني ويعجب بشخصيتي وافكاري ويحب يتواصل معي ويطلب رقمي وزيارات والحمدلله هذه نعمه من الله
لكن بعد مايتعرف علي يتسمر بتواصل معي وبعد فتره يخف التواصل وماعاد يكلموني ويقولون
مافي شي مافي شي وبعضهم يقولون بسبب اسلوبك ؟؟؟!!
هو مع الاسف فيني اطباع ودي اتخلص منها
1- ما اعرف اجامل ابدا واحس لين جاملت ممثله ومو شرط مجامله يعني فيه ناس احبهم بس لين كتبت لها كلام يعبر عن حبي لهم او اشتياقي لصديقاتي لبنات عمي وكذا احسه كله تمثيل وكذب بالرغم من اني اشعر فيه فعلا وماعندي شي اسمه لسان عذب الصق الكلام بوجه الشخص بصراحه
2- لو واحده تغلط معي غلطه امسكها عليها ولو بعد الف سنه اذكرها فيها
3- لو عرفت عن شخص شيء سيء واشتديت معه في الكلام مره اعايره فيه
4- لو مدحني احد او قدم لي هديه اكتفي بالابتسامه وبعض الاحيان اقول شكرا
5- امل من الناس بسرعه ويوضح في وجهي الشيء واحاول اخفيه
6- اتكلم بكلام المفروض ما اقوله احسه يجرح الي قدامي معي اني اكون اقوله بعفويه والا اقصد الجرح واقعد يمكن طول وقتي اتذكر هالشي ليه قلت يمكن المسكيه انجرحت زعلت
وافكر في الموضوع لوقت طويل واحس بالم
7- ممكن اتعرض لمواقف تضايقني واسكت وبعد فتره افكره واقول انا ليه مارديت وليه ماسويت ولو اقابل الشخص الي ضايقني على طول انفجر فيه انت سويتي وسويتي واهين واجرح واسب ومااخلي شي في خاطري واقطع علاقتي فيه ولو مالقيته احاول اوصله او اقعد ادعي عليه طول الوقت اقولكم قصه مره بنت من بنات الجامعه شافت علي لبس الكل كان يقولي مره حلو الا هي قالت مو حلو انا مارديت عليها والا عاد شفتها غيرت التخصص بالصدفه لقيت لها حساب على الفيس والله مادورت لقيته بصدفه ونفس معلوماتها وكل شي ارسلت لها مسج وسبيتها فيها
وبعد ما ارسلته سألت نفسي ليه سويت كذا القصه لها ثلاث سنوات وش الي خلاني اول ما اشوف اسمها تذكرت السالفه وسبيتها وكأن الشي لا ارادي
يعني سبعة عيوب ودي اتخلص منها ودي اكون انسانه افضل والله مو بايدي انا نفسي اسال نفسي ليه سويت هالتصرف شو استفدت ليه دايما انفر الناس مني وش الي خلاني كذا مو عارفه حتى امي صارت تنتقدني
وصار عندي زي الحقد على كل الناس و ما اكون صداقات مع احد
تصرفاتي تخلي الي يحبني يكرهني
رد مع اقتباس
