عنوان الموضوع : أخاف من نفسي ! ,محتاجة وحدة خبيرة تنصحني مجابة
مقدم من طرف منتديات نساء الجزائر

أخاف من نفسي ! ,محتاجة وحدة خبيرة تنصحني



بليييز يا ادارة نزلوا الموضوع باقرب وقت محتاجة المساعدة

السلام عليكم

مشكلتي عويصة نوعا ما

لكن ححاول قدر الامكان اشرحها لكم عشان تفهموا بوضوح

أول شيء اتمناه منكم انكم تدعولي ان الله يفرجها علي الله يسعدكم يارب

هذي قصتي بختصار وكيف صرت اخاف من افكاري

انا في مدرسة جديدة ..احس الكل مستحقرني وماحد يبي يتكلم معي ويتكلمون معي من خشمهم وش اسوي وماحد معطيني وجه الا وحدة من الفصل الثاني وهي تقدرون تقولون عليها ضعيفة وغلبانة وتخدم البنات يعني دايما يافلانه سوي وجيبي وتسمع الكلام مع اني كلمتها بهالموضوع .
عكس اول ماجيت كل البنات حبوني مادري وش الي صار بعدين .. حتى انا صرت استحي منهم واخاف من رايهم فيني .. يمكن السبب اني اكون ساكتة اغلب الاحيان ماتكلم مره هادئة ماتكلم الا لما احد يكلمني !!! واحس هذا الشيء يحطم من ثقتي في نفسي واذا جيت اتكلم اخاف احد يفشلني ولا يرد علي بكلمة وغطاها لاني اتطلب كثير من الاحترام والانتباه واتحسس لاي كلمة كذا ولا كذا
وانا طبعي ماتكلم مع الغرباء اصلا لكن مستحية من هالطبع فيني ماحب احد يفسره على انه خجل اجتماعي ولا شعور بالنقص

مع اني في الاجازة بنيت ثقتي في نفسي من جديد وصرت هايبر من جد لكن من بدت الدراسة ورجعت حليمة لعادتها القديمة ورجعت اخس بعد ماصرت انتبه للدروس وصرت سلبيه واحس بالوحدة والضعف لاني ماعرف احد ولاصرت اضحك وفقدت حسي الفكاهي

جاني اكتئاب لاني نقلت بسبب بنات في المدرسة القديمة متوقعة اني حلاقي اصدقاء افضل لكن مالقيت الا الشقا من جديد


قولولي وش الحل
من يوم كنت صغيرة بالمدرسة كنت انتقل كل سنة من مدرسة لاخرى وقد تتصوروا انه المفروض اكون كونت صداقات كثيرة والغريب ان هذا مماجعلني منعزلة وصعبة التأقلم مع الغرباء


اش الحل الله يسعد من تعطيني حل ويحققلها كل ما تتمناه ,انا حاولت اتجرأ واتكلم لكن اتعب والله ماحب ادخل في الناس ماتكلم الا مع الي يكلموني والله مشتاقة لصحباتي احس اني ماعرف احد هنا ولا عاد حتى اعرف مين انا

صرت اخاف من نفسي ومن افكاري السلبيه الي ينتج عنها قانون الجذب ويحدث مافكر فيه !!!!!
وكثرة التفكير تؤدي الى القلق وعدم القدرة ع المواجهة اشش اعممملللل

>>>>> ردود الأعضـــــــــــــــــــاء على الموضوع <<<<<
==================================


عليكم السلام ..

حبيبتي انتي حاولي تطلعي من زاوية الانطواء

تعرفي على صاحبات جدد ..

انا كنت مثلك انعزالية وماحب اتعرف استحي الا لما احد يتكلم معي

لكن احاول اتعرف ابدأي بابتسامة يعني لو سمعتي شي مضحك اضحكي بلطف

حاولي انك تتقربي للبنات عشان ماتحسي بالوحدة .. ولاتفكري البنات بيكرهوك

يمكن هم حاسين انك منعزلة عنهم ومايحبو يحرجو انفسهم يكلموك او يشوفونك مغرورة

لأن احيانا المنعزل يعطي فكرة للاشخاص المحيطين حوله بالغرور ..

خلك مرحة مبتسمة مشاركة معهم حاولي قد ماتقدري تختلطي معهم وراح تشوفي كيف يحبونك

وراح تحصلي صاحبات كثااااار

الله يوفقك يارب


__________________________________________________ __________

شوفي انا بقولك شي انا مجربته بنفسي
كنت بالمتوسط البنات يكرهوني وبس اتضارب معهم ..المهم ماكونت صداقات
ويوم خلصت متوسط كنت استغفر كثييير بس عشان كان عندي مشاكل مو عشان ابي صديقات ..والحمد لله انحلت مشاكلي وربي رزقني صديقات
وانا متأكده اني مارح اخسرهم ان شا الله لان ربي رزقني صحبتهم ..
بعدين تفرقنا وصارت كل وحده بجامعه وصرت ماعرف احد ..وماكان احد معبرني ولايناظر فيني
جلست يوميا اقرى سورة البقره واقول ياربي سنوات الدراسة بالجامعه طويله يارب ترزقني صديقات اتسلى معهم
والحمد لله صارو هم اللي يكلموني هم اللي جو وتعرفوا علي
بالمختصر اطلبي الشي اللي انتي تبينه من الله .. وماعليك من احد ..ربي هو اللي يسخر لك
وحتى اذا طلبتي الله ودعيته رح يسخر لك رفقه صالحه
مو مثل لما تتعرفي على وحده وبعد فتره يطلع عندها بلاوي


__________________________________________________ __________

اهلين اختي

انتي اول ما وصلتي المدرسه كلهم يحبونك لانهم يبونك لمصالحهم الشخصيه بس لمى كانت شخصيتك قويه وفرضتي رايك على الجميع كلهم تخلو عنك لانك على حق ولانك بنت حلال وتحبي الخير للجميع وبالذات البنات اللي بالمدرسه

خليك على وضعك بطيبتك وبروحك العاليه مع طالباتك والباقي ماعليك فيهم

انا معلمه واعرف اسلوب المعلمات زين ماعليك في احد بالمره

الله يوفقك يارب

اختك ام رهف


__________________________________________________ __________



__________________________________________________ __________

ربي يخفف عنك