عنوان الموضوع : اخوي هذا طفشني في عيشتي -تم الاجابة
مقدم من طرف منتديات نساء الجزائر

اخوي هذا طفشني في عيشتي



السلام عليكم



بنات تكفوون ساعدوني

انا عمري 27

اخوي عمره 20 مايودينا الى بطلوع الروح


وربي الي قاهرني انه يروح هوه من الساعه 8 في الليل مايرجع الى 6 او 7 في الصباح


كله يتمشى مع اصدقاه


يعني فالها وانا وامي جالسين في البيت


حتى الحين ودانا السوق مره وحده واوليه قلت ناقصتني اغراض قال


مافيه انا مو فاضي لك ولامك انا عندي اشغال انثبري سوق مافيه


واخذ شور ومستعجل وجواله يتصل وبسرعه لبس ملابسه وطلع


وعلى هذا الحال دائم قبل مايطلع لازم شور وملابس نظيفه وطلع


بنات انا مليت

انا موظفه معلمه والمدرسه جنب البيت مو بعيد

قلت لامي امي نبي نجيب سواق قالت خلاص قلت له جلس يضحك

يقول تبي سواق تبي تدوجي في الشوارع

قلت ليش ادوج انا ابي اروح انا وامي مشاويرنا ويكون تحت اشرافك مو ابي اروح على كيفي

قال انا قلت مافيه سواق يعني مافيه فيه البيت هنا مااشوفك طالعه منه

بنات انا قهرني قلت وربي لاقول لخالد اخوي الكبير يجيب لنا السواق


قال اذا فيك خير انتي وخالد جيبيه وخليه يجيني هنا وشوفي وش راح يصير فيك وانتي والسواق هذا


وطلع


بنات انا مدري وش اسوي وربي طفشنا انا وامي احنا حالتنا الماديه ممتازه جدا

بس هوه الي مضيق علينا


وش اسوي قولولي بنات


ملاحظه بنات انا عندي اخوي الكبير وظيفته في الرياض هوه وزوجته

اذا جاء لنا اخوي هذا مايقدر يسوي شئ اخوي الكبير يسوي الي نبيه

يعني اذا جاء يطلعنا كل يوم نروح نتمشى نتعشى برا

بنات انا وامي لو نقول لاخوي خالك الكبير جاب لنا سواق وجاب لنا سياره

بس المشكله من هذا لان اخوي مو دائم عندنا

ولاتقولولي بنات خلي اخوك يكلمه او انتي انتبهي لسواق تعرفون الرجال مو مثل الحرمه

يروح ويطرده ويكرهنا في العيشه على اصولها

عموما انتم تعرفون الرجال اذا بقى شئ يسوونه احنا وش نقدر نسوي

>>>>> ردود الأعضـــــــــــــــــــاء على الموضوع <<<<<
==================================


الله يهديه ويخليه لكم
خلي امك دوم تدعي له بالهديه وتزعل عليه اذ ماسمع كلامها

حبيبتي الاولاد بهذا السن اهم شيء عندهم انفسهم طلعات مع اصحابهم وسهر للصبح وطلبات اصحابهم اوامر اوما العائله اذ طلبت منهم شيء يووووه يكرهك بنفسك يجيب لك مشاغل ومواعيد لاسبوع قدام عشان لايروح ولايجي بس صبرو عليه شووووي

وقليل من الرجال اذ طلبتيهم السوق يودون لانهم مايحبون طاري السوق والحفلاااات هههه

من كثر مانلف بالاسواق كرهناهم بانفسهم احنا نستانس وهم بجد يطفشون لان مالهم حاجه بالسوق

جربي وقولي له اعطني من وقتك ساعه او ساعتين واوعدك ماتاخر واذ رحتي التزمي بكلمتك لو حتى مااخلصتي وشوفي بالمرات الجايه مايقولك لااااا >> ترى ذي طريقتي المجربه ههههه

اوما اذ مارضي يتغير جيبي لك سواق انتي معلمه وراك مشاوير واغراض كلمي اخوك
مو معقوله لايرحمون ولايخلون رحمه الله تنزل
موووووفقه خيتو


__________________________________________________ __________

عندك اخوات؟


__________________________________________________ __________

مو فاضي لأمك امك ماهي امه

عشنا وشفنا عيال آخر زمن

قولي لإخوكِ الكبير إذا هو يخاف منه مايقدر يسوي لكم شي

خلي اخوكِ الكبير يقول له خلك تطرد السواق أو تأذي أمي واختي راح تشوف شي مايسرك

خليه يتأدب ويحترمكم

إذا هو صغير واجب يحترم امه ويطيعها ويحترم اخته الكبيره

الله يهديه


__________________________________________________ __________

يمكن هو بيغير عليك انظري للموضوع من الناحية الايجابية وعموما اغلب الشباب هيك


__________________________________________________ __________

1- احرميه من المصروف

2- حاولي تعطيه فلوس اذا وداك مشوار

3- حاولي تطلبي نقل للرياض عند اخوك

4- خلي الوالده توقفو عند حدو وتقول لاخوك الاكبير

5- قولي صديقتي بتخطبني لاخوها على الاقل الاقي رجل يطلعني

ويدلعني .. اكثر الشباب مايبغون خواتهم يتزوجون علشان يصرفون عليهم

.... حاولي في شتى الطرق مو منحقه يمنعك من الخروج


موفقه خير ..