كرهت أنوثتي ! مجابة
عنوان الموضوع : كرهت أنوثتي ! مجابة
مقدم من طرف منتديات نساء الجزائر
كرهت أنوثتي !
كرهت أنوثتي ..!
السلام عليكم
أنا بنت عمري 18 سنة أدرس سنة تحضيرية ب الجامعة عندي 2 أخوان و 3 خوات
مشكلتي في أخوي اصغر مني بسنتين و مع ذلك يذلني لو حبيت اطلع مكان ولا طلبت شيءاحنا ما عندنا غيره يطلعنا و يودينا ،، أبوي 15 ساعة في العمل و ما يقدر يلحق على طلباتنا.
لما اقول له يوديني السوق يقول لي توي جاي من اصحابي ما رح اطلع مرة ثانية
و الله حتى أمي تترجاااااه يطلعها و هو يتحجج انه تعبان و لا فيه نوم !
أحيان أضطر أقضي مشاويري بالتاكسي أو مشي من البيت للمكان اللي ابيه :/
و هو عادي عنده لو طلعت بتاكسي ما يهمه أناااااني أهم شي عنده يطلع و يستانس و يرتاح
و احنا ماكلين تبن في البيت ،،
تخيلوا حتى العشا اتصل عليه اقول له جيب لنا عشا معك يقول إنه بعيد عن البيت و ما رح يجي الا بالليل دبروا عمركم :/ !!
صراحة هالشي كرهني في أنوثتي أحيانا أبكي و اقول ليتني ولد !! - استغفرالله العظيم-
لو اني ولد كان ما احتجت أحد بس دامني بنت لازم انذل و انهاااان عشان اطلع ،، انقهر لما اشوف خواتي يدفعون لاخوي فلوس عشان يطلعهم !!!!!
يعني كفااية حتى أبسط الأشياء ما احصلها إلا بعد ما أترجى أخوي يجيبها !!
و أنقههههر أكثر لما أشوف أمي اللي المفروض لها كلمة عليه تبي تطلع لمكان و اخوي رافض :/
تقول له تكفى ودني المكان الفلاني يقول والله تعبااان و هو حيوان لو اصحابه اتصلوا عليه يطلع لهم على طول !!
و فوق كذا أمي مدلعته دلال مو طبيعي اشترت له سيارتين و تشتري له أغلى الأجهزة مع إن حالتنا المادية متوسطة و ما نقدر نجيب سواق أصلا ،، بس أمي تقول عشان ما يحس بالفرق بينه و بين اصحابه باجيب له اللي يبي
أبوي الله يحفظه ما قصر معه دايم يهاوشه إذا ما طلعنا و يقول له ما جبنا لك السيارات عشان نخلي خواتك بالبيت و تطلع لحالك ،، بس ما يفيد فيه الهواش حتى كلام أبوي ضاربه بالجدار.
غير كذا يرجع البيت شاري له لحاله من مطعم و ياكل قدام اخواني الصغار و ما يخليهم ياكلون معه و لا يفكر يجيب لهم مثله !! و مستحيل يآكل و يشيل الاكل بعده ،، يرمي القراطيس بالصالة و الغرف و أمي تخلينا نرتب وراه !!!
زهقت من هالحاااالة و سكوت أمي عليه زادني قهر و غبنة وش اسسوي مععاه !؟!
>>>>> ردود الأعضـــــــــــــــــــاء على الموضوع <<<<<
==================================
خلي أبوكي يكلمه المره الاثنين واذا مانفذ كلامه يسحب منه السيارات او المفاتيح ويهدده من امن العقوبة أساء الادب الله يعينكم
__________________________________________________ __________
يعني مافهمت ليش هالموضوع خلاك تكرهين انوثتك .اشعلاقة الانوثه بعدم تلبية اخوك لماطالبكم واحتياجاتكم؟؟ لو كانوا اهلك مانعينك من الخروج واستخدام التاكسي لقلنا انك تشعرين ان الولد مفضل على البنت ويقضي مشاويره دون حرج .. ولكن ماشاء الله عليك وعل اهلك مامانعين عنك شيء .. والا هو تلكك وبس؟
بدل ماتكرهين انوثتك تكلمي ويا اخوك باسلوب مقنع وافهميه انكم اخواته وامه ... ومالكم غيره .. وعيب اذا طلبتوا مساعده من الغريب وهو موجود وعنده سياره .. بالله عاجبك تكونين ولد وشبه اخوك؟؟ انت اصلا ماعاجبك اخوك ولا عاجبك تصرفاته .. لو كان عاجبك كان قلنا حبيتي تصرفات الذكور وعلى اساسها كرهتي طبيعة الاناث
كلامك متناقض حبيبتي .. وانوثتك هي نعمه فضيله من الباري عز وجل .. اشكري ربنا ليل ونهار انه خلقك بنت ..
الله يهدي اخوك ويهديك
تحياتيييييييي
__________________________________________________ __________
الله يهديه و
لازم الام هي اللي تعاتبو وماتخليه يسوي اللي يبيه وبعدين هذا عمرو 16 سنة كيف عندو رخسة سياقة؟
لاتزعلي حالك هيك حالنا نحنا النسوان والله صعبة تبي تطلعي ومافي حدا
مالك الا الصبر وخبري ابوك كل مايسوي شي غلط
__________________________________________________ __________
الله يهدي الجميع
__________________________________________________ __________
الفلوس الي تشترون له اجهزه وسيارات جيبوا سسوآق
الله يهدييه
رد مع اقتباس
