عنوان الموضوع : انا فى مشكله كبيرة اهل زوجى الطبيب يجيب
مقدم من طرف منتديات نساء الجزائر

انا فى مشكله كبيرة اهل زوجى



ارجوكم انصحونى
مشكلتى فى اهل زوجى
انا من اهل المدينة والحمد لله تعليمى جامعى
لكن سلفاتى كلهم غير متعلمين وهو ده سبب مشكلتى
اول ما تزوجت اهلى قالو لاهل زوجى انى مش هعرف اعيش فى العيلة لانى من اهل المدينة ومش متعودة على كدة وهما وافقو لكن سلفاتى لما عرفو تركو العيلة قبل زواجى بشهر
وقالو زينا زيها
المهم لما تزوجت بدات حماتى تستدر عطفى وانها تعبانة مش قادرة تشتغل وبصراحة صعبت عليا وذهبت يوميا لخدمتها بنية بر الوالدين
وطبع كل اما اطلب اى حاجة حلة او صحن او حتى الخلاط تقولى معنديش اروح انا شتى واجيب من عندى واطبخ واخلص بصراحة تعبت من كدة كل حاجة اروح اجيبها من شقتى معندهاش حاجة فى المطبخ خالص
المهم بعد شوية لقيتها بتقولى بدل متيجى كل شوية وتروحى اطبخى عندك وناكل عندك
قلت ماشى وطبعا لقيت شقتى اصبحت نادى العيلة كلها كل يو عندى عايزين يقعدو مع ابوهم وامهم
وكمان ساعة الاكل يبعتو عيالهم يخلصو عليه
والله انا مش بخيلة بس حطى نفسك مكانى اطبخ كل يوم على قدنا واتفاجى ان الاكل كله خلص
النظام ده فى كل وجبة
وكمان كل اما حماتى وحماى يشكرو فيا يقولو لهم ليه هى بتعمل ايه
انتو الى كويسين معاها
وسلفتى تقول الحمد لله مجبوش احلى ولا اغنى منى
المهم زوجى سافر وحبيت اروح عند امى وكنت قايلة لزوجى قبل ما يسافر وهو موافق
وكل اما افتح السيرة وانى عايزاهم يمشو علشان اقفل الشقة وامشى يطنشو
المهم مشيت وسبت الشقة ليهم
رجعت لقيت كل حاجة متكسرة ومتبهدلة بصراحة غضبت جدا وطلبت انى اقعد لوحدى تانى
واكتشفت وقتها انى حامل ولما قلت لهم ردت اخته عليا حامل منين واخويا مسافر
زعلت جدا من ردها وقلت لها هو اخوكى مسافر بقاله قد ايه ده هو شهر ايه المشكلة فى كدة
طبعا مردتش عليا
المهم اول ما جه من السفر وعرف انى قعدت لوحدى سالنى ليه قلت له على السبب سكت وقالى انا قلت ليكى كدة من الاول وانتى مسمعيش الكلام
قلت له معليش معرفش انى هتعب كدة
بعد فترة جوزى سافر وبعتلى معاه طبعا مش هقول لكم زعلو قد ايه
حماى توفى الله يرحمه
وحماتى بدات تزن على زوجى انه ينزل من السفر علشان تقعد معانا وبتقول ان دى وصية ابوه قبل ما يموت
المهم انا معايا عيال صغيرين وانا كمان موظفةواجازاتى كلها خلصت مليش الا مرافقة الزوج
وعلشان انزل لازم اقطع الاجازة واروح الشغل واولادى صغيرين وامى بعيدة جدا عنى وامه مبتقدرش حتى تمشى حتى الحمام محتاجة حد معاها
المهم ملمت جوزى واقنعته انه يبعت لها زيارة وتقعد معانا هنابدل ما حنا ننزل برا بوالدتة
المهم بعت لها ورحنا نستقبلها فى المطار
وكانت مقابلتها ليا فاترة جدا
وكنت متوقعة غير كدة لانها كانت دايما تقول لجوزى انها مبترتحش الا معايا او الله اعلم جوزى الى كان بيقولى كدة مش عارفة
المهم اول ما جت كانت رجلها تعباها ولازم حد يسندها علشان تروح الحمام
اقترحت عليها نعمل لها حجامة وهى وافقت واحضرنا لها حرمة تسوى لها حجامة
بدات بقى تعمل فيا مقالب طلبت من ابنها من غير متقولى يجيب لها علاج للامساك
وبدات تاخد منه
مش مشكله الله يشفيها لكن المشكله انها تدخل الحمام وتتركه زى مهو متفكرش تفتح السيفون اعاذكم الله
المهم انا اسفة اتحملونى
وشوية وبنتها وزوجها جم يزوروها وقعدوشهر كامل
بنتها دى اكبر منى بسنتين
يعنى شابة مش كبيرة
امها قالت لها انى بسرح لها شعرها وبحميها وقعدت تدعيلى كثر الله خيرها
اتفاجئت ببنتها بتطلب منى اسرح ليها هى مش لامها طبعا زهلت واتقهرت كمان
وكنت برضع بنتى فقلت لها انى مش فاضية
المهم نفس القصة بدات هى وبنتها يلحو على وعلى زوجى اننا ننزل بلدنا
شرحتلهم ظروفى وانى لو نزلت مليش اجازات واولادى صغيرين ردت اخته عليا وقالت هو انتى بس الى موظفة ما كل الستات معاهم عيال وبيروحو شغلهم اشمعنى انتى قلت ليها بتكون امهم جنبهم
ويتركو معاها عيالهم
ردت بصوت عالى وايه لزمتها الوظيفة دى يعنى طبعا مردتش عليها وسبتهم وخرجت
بدا زوجى يقول قبل ما تطبخى اسالى اختى تطبخى اذاى
وانا الحمد لله بطبخ كويس وبصراحة اتغظت لما هى مش عاجبها اكلى مبتتطبخش هى ليه
دا انا يوم بنتى كانت تعبانة ورحت بيها المستشفى تعلق محاليل وقلت لها ولعى على اللحمة قالت لى لما تيجى ابقى ولعى عليها ومرضيتش
يبقى اذاى اروح اسالها كل يوم اطبخ اذى بقالى 15 سنة متزوجة ووالله مش شكر فى نفسى وزجى نفسه يقولى اكلك لا يعلى عليه
حتى زوجها عملت كبدة ومكرونة قعد يشكر فى الاكل ويقول لها ابقى اساليها عملتها اذاى
المهم بصراحة مقدرتش اسالها
وطنشت
حسيت انها غضبت جدا هى وامها وحسيت ان هما الى طلبو منه كدة وقالو له خلى مراتك تسال اختك تطبخ اذاى قبل ما تطبخ
المهم لاحظت ان اخته كل اما تسرح شعرها تحوشه فى كيس وانا مش عافة السبب
وبعد ما سافرت لقيت الحمام البلدى مكتوم جيت اسلكه لاقيت اكرمكم الله كومة شعر الى كانت بتحوشه رميتة فى الحمام قبل ما تسافر
احنا دلوقتى قربنا ننزل بلدنا وطبعا هترجع تقعد معانا وانا بين نارين بر الوالدين وفى نفس الوقت خايفة مقدرش استحمل تصرفاتهم
اعمل ايه واتصرف اذاى دلونى ربنا يفك كربى وكرب كل مكروب
اسفة للاطالة ولبعض الكلمات بس مش لاقية حد احكيلة





وحماتى بدات تتكلم فى

اول ما تزوجت كان حماى وحماتى قاعدين معايا
وقبل الزو

>>>>> ردود الأعضـــــــــــــــــــاء على الموضوع <<<<<
==================================


رفععع


__________________________________________________ __________

ربي يعينك ماللك الا تلغي النزول او تستقلي بمنطقة بعيييييييييييدة عنهم ببلدك لانو بكرة رح يخربوا اولادك عليكي وبالتوفيق حبيبتي


__________________________________________________ __________

انتي عاطيتهم وجه مره
وش دخلك تطبخي وتنفخي لهم منتي مسؤوله عنهم عندهم بنات
وبيتك ليس تخليه مفتووح اقلب الدنيا اذا احد دخل بدون مايستأذن حتى لو من الصغار اجل كيف وانا بغيابي خليهم يعرفوا ان شخصيتك قووويه مايتدخلو فيك وفي خصوصياتك وزوجك لازم يفهم هالشيء انتي زوجه مو خدامه لهم
اقلبي وجهك فيهم وقفلي شقتك وماعليك من احد ليش تبهذلي نفسك عشانهم
انا لو مكانهم كان خليتهم ينتحروون من زمااان
لاتكوووني ضعيفه
ترا اهل الزوج اذا انعطو وجه مره يشوفوا حالهم انا اشوف كذا فلازم تكون علاقتك معهم رسمممميييييييييه جدا
اهم ماعليك زوجك واولادك وووووووووووبس


__________________________________________________ __________

انتي عاطيتهم وجه مره
وش دخلك تطبخي وتنفخي لهم منتي مسؤوله عنهم عندهم بنات
وبيتك ليس تخليه مفتووح اقلب الدنيا اذا احد دخل بدون مايستأذن حتى لو من الصغار اجل كيف وانا بغيابي خليهم يعرفوا ان شخصيتك قووويه مايتدخلو فيك وفي خصوصياتك وزوجك لازم يفهم هالشيء انتي زوجه مو خدامه لهم
اقلبي وجهك فيهم وقفلي شقتك وماعليك من احد ليش تبهذلي نفسك عشانهم
انا لو مكانك كان خليتهم ينتحروون من زمااان
لاتكوووني ضعيفه
ترا اهل الزوج اذا انعطو وجه مره يشوفوا حالهم انا اشوف كذا فلازم تكون علاقتك معهم رسمممميييييييييه جدا
اهم ماعليك زوجك واولادك وووووووووووبس


__________________________________________________ __________

طنششيى و غيظيييهم وبردي قلبك