عنوان الموضوع : اكره الدراسه مجابة
مقدم من طرف منتديات نساء الجزائر

اكره الدراسه



السلام عليكم و رحمه الله وبركاته
بنات انا عندى موضوع و ابى ارائكم او دعوه منكم
بنات انا ادرس اخر سنه فى الثانوى و انا اكره الدراسه و
ابى اتزوج اليوم قبل بكرة حتى لدرجه اني احيانا اقوم
نص الليل و ادعي ان الله يرزقنى بالزوج الصالح
و انا ما ابى ادخل جامعه من كثر ما سمعت سوالف الجامعه
و الخرابيط و الحب و المخدرات و حقد الدكاترة خفت و لا افكر
ادخل الجامعه انا و دى ادخل معهد وش تنصحوني فيه
معهد حاسب او معهد انجليزى و اى وحده ممكن اتوظف فيها بسهوله

اتمنى منكم الدعاء ان ربي يرزقنى الزوج الصالح

>>>>> ردود الأعضـــــــــــــــــــاء على الموضوع <<<<<
==================================


مافي وظايف بمعاهد انتي ادخلي الكلية اا ذا مامشيتي الصحبة السيئة ماعليك شر اما غير كذا بجيك بلاوية كلية ماهن كل البنات سؤء فيها الصالحة فيها الطالحة اهم شي تعرفي علي بنات فصلك خليك من محاضراتك الي باب الكلية


__________________________________________________ __________

حبيبتي هذا السوالف موجود كل مكان
مو بس في المدارس او الجامعات
في فالبيوت فالحارات فالاشغال
كل مكان في العالم حبيبتي اهم شي
ثقي بنفسك وهذا اهم شي
اذا ما تبين تدرسين علشان هاي الاسباب
شو يضمن لج زوجك ما رايح يكون جذي او
اخوه او اخت الخ (بعيد الشر )
حبيبتي درسي علشان تحققي الي تبيه
الحين الرجال يحترم بنت الي دارسة
والحياه الحينه صعبة لازم تتدرسين
هذا اخر سنه هاااا شو صار يعني درستي 11 سنه
قدرتي ليش تخبرين لانفسسك في اخر مطاااااف
يالله حبيبتي ادرسي علشان ترفعين راسسس اهلج
وتتزوجين وابي اسمع انج طبيبه او مهندسة و
بعد دااااشة احلى الجامعات حبيبتي انتي تخيلي
عندج بيت كبير واحلى سيارات واحلى مزارع بحسسابح مو من جيب زوجج
ما تتمنين حبيبتي
يالله شيدي حيلك وانتي تحبين الدراسسسة
انتي شاطرة
وبتكونين الي تبيه
مااا شاء الله
اللهم وفقها في دراستها
وانا بدعيلج في صلاه بس هااااا!!!!!!!!!!!!
شدي حيلج
واادعيلي بتوفيق في دراستي +الغفران +البعثة


__________________________________________________ __________

ياقلبي الله يعينك ماعليه هي اخر سنه بالثانوي تجيب الكأبه هههه
بس الجامعه والله حلوه مو كل ماسمعتي شي صدقتيه اهم شي صحبة الخير
غير كذا ايش موقفك لو تزوجتي ويكونون كل زوجات اخوانك وزوجات اخوان زوجك واخواته متعلمات الا انتي بينهم
وبعدين اللي بالجامعات مو لاقين وظايف بسرعه تبين تلقين بمعهد؟؟؟؟
هذا ايام قبل يتوظفو بالمعهد الحين صارو يدرسو جامعه وياخذو دورات فوقها من معاهد عشان يتوظفو
الدكاتره ترى الكلمه الطيبه تمشيهم زي العسل معااااك وترى مره سهله وحلوه الجامعه
وبعدين تقولين تبين تتزوجين يعني لو جلسستي بالبيت بيجيك لا حبيبتي كملي الجامعه ووقت بيجيك بيجيك
افرضي الله ماكتب لك تتزوجي بدري مين تبين يتحمل صرفيتك ماحد دائم لك فكري بمستقبك حبيبتي الله يوفقك
والاخت اللي قبل الله يوفقك يارب وتجيك البعثه انا وانتي ان شاء لله


__________________________________________________ __________

ترا وربي الزواج هم هم هم هم هم هم لين بكره هم كملي هالسنه وادخلي الجامعه اذا في شي مو عاجبك اجلسي بالبيت اختي بالجامعه وكل شيء ماشي ربي يوفقكك ي قمر


__________________________________________________ __________

اوتحسبين ان الزواج متعه في متعه
اولا زواج وعرس وووووفرح
بدين تحملين وآه لى الحمل وتعبه ثم الولاده وما ادراك ما الولاده الم غير طبيعي بدين طفل انتي مسؤله عنه يبكي بالليل مريض ماتروحين ولاتجين تفضلين الجلوس في البيت من تعبه اذا خرجتي بكاء وصياح وكل ماتبين
ثم ناتي للزوج وطلباته قومي زيني لي فطور لااجي الا والغداء جاهز
وغسيل ومطبخ وبيت انتي وحدك مسؤله عنه وووووووالزواج اختي ليس بالموضوع السهل
خذي شهاده تنفعك وتفع راسك وعلم تنتفعين فيه والزواج حبيبتي لاحقه ان شاء الله عليه توك صغيره استمتعي بشبابك ولاتروح اجمل ايام حياتك هم وحسره بانتضار فارس هالاحلام