عنوان الموضوع : تعامل ابوي مع امي !!! الطبيب يجيب
مقدم من طرف منتديات نساء الجزائر

تعامل ابوي مع امي !!!



آلسلام عليكم

حابه اطرح مشكلتي مع ابوي وتعامله معانا

علاقتي مع ابوي موقويه مررره لانه انسان عودني ع سفره الككثير من كنت باولى متوسط

كان كلامه لسبب شغله يسافر بس بالاجازات الكبيره اخر السنه الي المفروض يكون معانا فيها

مرت 4 سنين وهوا سبب سفره شغله برابع سنه لمن صرت باولى ثانوي

رجع من اخر سفره له وانا الي رتبت ملاابسه من شنطة سفره لان الشغاله كانت تعبانه وامي نايمه

لقيت فيها عقد زواجه من امي وورقه مكتوب لها اسم وحده ثانيه وحساب بنك باسمها

استغربت كثير وش يجيب عقد زواج امي معاه وهوووا رايح لشغله ع حسب كلامه ومن ذي كمان الي

فاتح لها حساب بنك باسمها ومعطيهااا بيتين باسمها

لمن رجع البيت سالته واعترف انه متزوج ع امي وطلب مني م اقول لها بس امي سمعت كلامنا وارتفع ضغطها وطاحت علينا ووديناها المستشفى

بعد م امي كلمت ابوي اعترف لها بندمه انه تزوج عليهاا وندمان

بعدها هوا سافر لهااا من جديد بفتره دراستي وجدتي ام امي كانت تعبانه
وبالمستشفى وامي كانت تطلب ابوي تسافر معاه يوديها لامها وهوا رفض وسافر وتركها بالرياض
بعد يومين وصلها خبر موت امها لانها كانت بين الحياه والموت لخطاء طبي بالمستشفى
من هناااا بديت اكره ابووووياا
ليش م تركها تسافر ورفض وتركها بالرياض عباله ان امي رح تخرب عليه وترووووح لزوجته مكان مصدقها
ككسر قلبها
من يومها وانا اسمع بكاء امي باليل ولاني قادره اروح لهااا اكلمها واخفف عنها وتدعي عليه ليل ونهار
لمده 4 شهور صارت م تبكي ولا تدعي على ابوي غير بحسبي الله ونعم الوكيل
وصابره عشاني ولاهي ودها يطلقها وتروح لبيت ابوها
بعدها هالسفره رجع واخذ الشغاله لبيت زوجته الثانيه وانا رفضت ان امي تشتغل بالبيت
صرت اشتغل بالبيت وامي م راضى عليها تشيل ولاحاجه يكفي اني شايفتها قاهره قلبها وصابره وجالسه ع ذمه ابوي

صاير ابوي بسس يرجع عشان شغله ويرووح لزوجه الثانيه ولو امي تطلبه ريال واحد صار يصارخ عليها
مع اني ربي رازقه وماهوو قادر يدفع مصروف لنااا بس كل الفلوس تروح لزوجته الثانيه
واخوي عشريني مشتغل معا ابوي ابوي م يعطيه راتبه ويسحبه عليه اخوي طفش من هالوضع وحلف يمين انه يطلع برا البيت ويشتغل ويشوف حياته ويتزوج
ماهو براجع غير لمن يكون حياته ويشتغل

الحين اخر سفرررره سافرها ابوي بالاجازه هذي من اول ماسافر مايتصل علينا
بدايه رمضان امي جاتني تسالني اتصل ع ابوكي واعاوده برمضان ابي ابارك له بالهشهر
قلت لها لاا لاتصلين خليه هوا يتصل
رفضت وقالت لاابتصل عشانك
ولمن اتصلت مارد عليها وللحين م تصل من اول م سافر ولايرد ع اتصالات امي
مومن قلبها تتصل عليه

-

من اسبووع عرفت ان ذهبي الي امي بايعته وفلوسي الي امي حاطتها بالبنك ليا
ابوي ساحبهااا ومعطي الفلوس لزوجته
امي مخبيه عني هالشي ومكذبه علياااااا وحطت بالبنك فلوووس من ورثها بعد وفاه امها
وتقولي هذي فلوسك
ابوك مومخذها بس انا سمعتها تكلم خالتي وتقولها ع هالشيء

-

ومن فتره امي صارت تلمح ليا انوو باقي لي سنتين بالثانوي
الحين انا بثاني ثانوي
تلمح ليا انها بتزوجني بعد م اخلص ثانوي لواحد من اولاد خالتي اهله خاطبيني
تبيني اتزوج عشان تقدر تطلق من ابوي وم يوجعها قلبها م يطاوعها قلبها
تطلق منه وتشتت حياتي تبي تزوجني من وولد خالتي ولمحت ليا
بس انا م بي اتزووج شايله فكره الزواج من راسسسي
مووقد مسؤؤليه ولا شيء
ادري امي مارح تقبل هي وابوي باي احد
بس مابي انا


ماودي اشووف تعامل ابوي مع امي كذا لوهوا ندمان بهشكل ليشش يتعامل كذا

ولاودي اشووف ابوي بعد ميرجع بعد العيد عشان شغله وبس
اليوم كله يقضيه صراخ ع امي ويتهاوش معاها ع اتفه سبب
هذا كله من بعد م تزووووج
واهله كلهم واقفين ضد ابوي وزواجه ع امي
اعمامي وعماتي وجدتي ام ابوي
عاتبووه ع الي سواه
الكل يشهد لاامي بطيبها وانها مومقصره معاه بشيء

مدري وش اسوي مرره متضايقه منه

مقلت كل الي يسويه هذا اقل شيء اقدر اكتبه
ابي حل لاابوي ؟!

>>>>> ردود الأعضـــــــــــــــــــاء على الموضوع <<<<<
==================================


يابنتي
استخيري الله وتزوجي وكملي دراستك عند زوجك
وخلي امك تفتك من هالأسر-تكفيييييييييييين.


__________________________________________________ __________

والله وجعها اذا كان مطنشها مابعده وجع-الموت اهون عليها من شوفة وجهه


__________________________________________________ __________

الله يكون بعونك ويسسخر ابوكم لكم وهو القادر ع كل شي ياحبيبتي مالك الا رب العباد هو اعلم بحالكم ادعي بجوف اليل ان ربك يسسخر لكم قلب ابوكم ويريح قلب امك وينصرها


__________________________________________________ __________

الله يصبركم


__________________________________________________ __________

الله يصبركم
بس انا من رأيي ترضي بالامر الواقع و تتزوجي ابن خالتك
ما بتعرفي يمكن زواجك يحلحل كل الامور