عنوان الموضوع : وانا طفله كانت شخصيتي قويه ماخاف من حد وعدوانيه الطبيب يجيب
مقدم من طرف منتديات نساء الجزائر

وانا طفله كانت شخصيتي قويه ماخاف من حد وعدوانيه



انا عندي مشكله

انا بنت ابلغ من العمر 20 سنه وجامعيه ومخطوبه بس مشكلتي اني لازلت طفله
وحابه تساعدني وتقدر لي ضروفي

انا وانا طفله كانت شخصيتي قويه ماخاف من حد وعدوانيه نوعا ما...وكنت اواجه مشاكل كثيره في مرحلة الطفوله وانضرب واهرب من البيت وانضرب بالمدرسه كثير ..وكبرت وانا اواجه مشاكل وتتراكم اكثر واكثر
بس لما وصلت لهذي المرحله...حسيت اني صرت انسانه ثانيه...
صرت اخاف من المشاكل كثير وبسرعه تزيد دقات قلبي على اقل شي...احساس فضيع بالخوف من اقل شي...
مرت علي فترات تعبت نفسيتي وهملت نفسي وصحتي وشربت سجاير...ومرت علي فترات منعت نفسي عن الاكل لمدة خمس ايام بدون اكل اي شي الا ماء فقط..كنت حابه اعاقب نفسي وبس
ولما كبرت زادت عندي رغبه غريبه اني اميل للشخص اللي يعاقبني ويعذبني...احب الشخص اللي يعاقبني وانجذب له
وجاتني فتره حاولت انتحر وبلعت 9 حبات بندول وفي الحبه التاسعه بديت استفرغ كل اللي بلعت..ولاقدرت اكمل كمية الحبوب..رغم اني كنت اعرف اني لما باخذ اكثر من 9 حبات راح اصاب بتسمم في الكبد بس معدتي رجعت كل اللي اخذته في اخر حبه
وجاتني فتره حسيت بالاهمال من كل شي ...وتعبت نفسيتي ..وحاولت انتحر للمره الثانيه وشربت ديتول..ونوموني بالمستشفى وارسلو لي دكتور نفسي مختص من المصحه النفسيه عشان يشوف حالتي وانا بالمستشفى وقال لي اني اعاني من اكتئاب ولازم بعد ماخلص علاجي في المستشفى ويطلعني الدكتور اللي يشرف على حالتي الصحيه انه يرسلني ع المصحه النفسيه ويعالجني ويراعي حالتي النفسيه
وكنت متردده اروح بس قلت ابي اروح عشان بس اتخلص من الاجواء اللي اعيشها..بس صديقتي وقفت لي ورفضت اني اروح للمصحه وقالت لي بمجرد ماتخلصي علاجك يطلعك الدكتور تعالي البيت ..وسويت نفس ماقالت لي وطلعت من المستشفى بدون اعطي خبر للدكتور النفسي اللي اشرف على حالتي
ولازالت عندي رغبه بالانتحار ولاندمت اني انتحرت للمره الثانيه...

حاسه نفسي كارهه كل شي حياتي والناس ونفسي ...
افقتقد للاراده...بعض الاحيان ماقدر اتحرك ولاقدر اسوي شي..حتى الاشياء اللي احب اسويها وامارسها ماقدر اقوم فيها...
بعض الاحيان اضل بملابسي 3 ايام او اكثر احس بالكسل اني ابدلها
احس بالكسل من جميع جوانب حياتي
كبرت ووصلت للمرحله الجامعيه بس لازلت طفله اعتماديه ولاتتحمل مسؤوليه
ماعرف شي بالدنيا رغم اني مثقفه ومتفوقه بدراستي...بس في الحياه انا جاهله
انا مخطوبه ولاقدر اتحمل مسؤوليه..ماعرف اطبخ ولاعرف حتى اسوي قهوه ولاحتى شاي...ولاعرف اغسل ملابس ولاكون ربة بيت ولاعرف حتى كيف اشغل غسالة غسيل الملابس
حتى مكافئتي للجامعه ماعرف كيف اسحبها من البنك..اهلي هم اللي يسحبوها...ولاعرف شي بالتكنلوجيا ولا بالجولات ...جوالي قديم ولا افكر حتى اغيره والناس دايما تنظر لي اني بخيله على نفسي
ماتحمل المسؤوليه ابدا ابدا...واعتماديه لدرجة لاتطاق...لازلت معتمده على امي بكل شي...هي اللي تحط لي الاكل...وتوكلني واذا ماوكلتني ما اكل عادي عندي...هي اللي تفتح لي التمر والفواكه او اي شي..
وما انام الا اذا جات امي وغطتني ...
كسوله حييييييييييل...ولامره في حياتي حلها صحيت من النوم ورتبت سريري...بعض الاحيان يوصل الكسل عندي لدرجة افتح دولاب ملابسي واحس بالكسل اني اسكره يضل مفتوح حتى ادراجي مفتوحين وفوقهم اغراض متراكمه فوق بعض
حياتي فوضى ...ومو قادره اغيرها...حاولت اتعلم الطبخ بس ماقدرت لاعرفت..احس تركيزي مشتت وذاكرتي من هذي الناحيه حييييييييييل منخفضه
الشي الللي متعبني اني مخطوبه وعلى وجه ملكه وزواج...كيف بكون زوجه وكيف بكون ام...
وانا نفسيتي تعبانه وافكر بالانتحار بشكل جنوني ...ولا اتحمل مسؤوليه نفسي ولا اعرف شي...
اول مادخلت الجامعه اعتمد فيها على زميلاتي يحملون الكتب عندي..هم اللي يسجلون لي جدولي وموادي الدراسيه ..بس بعدين هم رفضو اعتمادي وجهلي وخلوني اتعلم بروحي كل شي بس تهاوشت معهم لهذا السبب
انهم سحبو عني ولا ساعدوني
لازلت على وضعي كسوله ماتحمل اي مسؤوليه...
حساسه وادقق على ادق التفاصيل...حتى النظرات والهفوات الصغيره
رغم اني لما انتحرت وتنومت بالمستشفى كنت مستعده اقول لخطيبي بكل شي ويعرف عني كل شي بس ترددت
مدري ايش اسوي بنفسي انا بحاله صعبه مررررررره واحتاج للمساعده من جد

>>>>> ردود الأعضـــــــــــــــــــاء على الموضوع <<<<<
==================================


للرفع


__________________________________________________ __________

حبيبتي انا قرأت موضوعك كامل
ما شفت فيه شي عن الدين
ممكن اسألك سؤال
انت بتصلي؟
بتقرأي قرأن؟
هاي المواضيع الي في الدين في بالك اساسا؟


لانو الي عندك عزيزتي و بكل سهوله نقص في الوازع الديني
الله يهديك و يرجعك لعقلك و يبعدك عن المعاصي

تحياتي


__________________________________________________ __________

اختي ليست هذه التصرفات الا تراكمات من الماضي
انتي كانت شخصيتك عدوانيه وقويه واكيد تضربي الاطفال وهذا الطفل العدواني وطبعا اكيد صار لك موقف قوي خلاك تفقدي ثقتك بنفسك وخلاك تحسي بالخوف ..فاولا عالجي الخوف الي انتي فيه وابتعدي عن اي مشكله وطبيعي الي بيصير لك ..
اما حبك للشخص الي يعذبك فبعض الفتيات في سنك يميلون للشخص القوي او العصبي او ذو الشخصيه القويه لانه يمثلك حينما كنتي صغيره .. حاولي ان تبتعدي عن اي اثارة مشاكل حتى لاتتعاقبي من اي شخص واحفضي كرامة نفسك ..
بالنسبه لاعتمادك ع امك هذا يدل انك دلوعة البيت وطلباتك مجابه والدليل امك تاكلك وتغطيك وانتحرتي ولا احد عاقبك .. وشخصيتك العدوانيه في الطفوله تدل على الرفاهيه الزايده من الاهل لو كانو يعاقبوك ماصرتي عدوانيه..
الانتحار يدل على ضعف شديد بالوازع الديني والاكتئاب ياتي بعد الابتعاد عن ذكر الله او الحسد او العين ومااظنك سوى مقصره بالدين وبقراة القران فعليك بالاستغفار ,,
الكسل والفوضى وعدم الاهتمام طبيعي فهي مراهقه متاخره واحيانا الكسل والاعتماد يجعل الفرد لايريد ان يجهد نفسه ..
من الان ضعي في بالك ان لك شخصيه وانتي محيتيها ولكنا سترجع من الان لازم تكوني ست بيت تعلمي الطبخ والغسي والكوي كلنا قبل مانتزوج كنا كذا بس اتعلمنا ماحد طلع من بطن عارف كل شي
خلاص انتي راح تكوني اسره وراح تكوني ام فلا تخلي زوجك واطفالك مستقبلا يعانون من فشلك وماضيك السيء ..
الانسان الذي اختارك زوجه له رسم عليك احلامه وحياته ومستقبله فاياك واياك ان تحطمي احلامه خليك بنت اهلك وارفعي راسك قدامهم وخليك قد المسؤليه وبنت رافعه راس ابوك وامك الي تتعب عليك وتؤكلك وتغطيك .
يلا قومي وضي وصلي واقري قران واذا ارتحتي روحي وتعلمي كل شغلات البيت وخليك بنت ناس وشيلي كل الافكار السودا ابني شخصيتك من جدييييييييييييييييييييييييييييييد وخليك قد الثقه
وزميلاتك معاهم حق انهم تركوك لازم تعتمدي ع نفسك ولازم تجتهدي بنفسك سيبي دلع البنات عنك ههههه الله يوفقك.....
الله الله بالصلاه الصلاه ..


__________________________________________________ __________

الصراحة انا زيك بس على مصغر انا عمري 16 هههه

زيك بالزبط ماختلف عنك الا في نقطة الخطوبة ونقة الانتحار انا بس قد فكرت جديا بالانتحار


ماتدري ان كتابتك لقصتك اعطتني الامل احس نفسي وحدة غريبة في الحياة ماما دائما تخاصمني اني مدلعة زيادة عن اللزوووم

كل شييييي زييييك الدولاب وباب الدولاب والكسللل

ههههههههههه بس خلااص انا جالسة احاول اتقبل نفسي لاني حاولت اتغير

بس مادري هل هذي اعراض سحر ولا عين لاني تعبت صدق ومافي نتيجة لاي تغيير


__________________________________________________ __________