عنوان الموضوع : قصة زوجي مع بنت -تم الاجابة
مقدم من طرف منتديات نساء الجزائر

قصة زوجي مع بنت



انا يا بنات الحمد لله متزوجه جديد وزوجي خلص دراسات عليا مرة ساعد صاحبه بالجامعه في رسالة دكتوراه وطلب منه صاحبه انه يساعد بنت في دولة عربية وصار يتواصل معها ويبعت الها موضوعات وهيك انا ما كنت بعترض عادي بس الحين خلصت رسالتها بس ضلت متواصلة معه بتبعت اله ع ايميله رسائل دينيه واضافته ع الفيس وبتبعت اله رسائل ع موبايله بتطمنه ع حالها واليوم بعتت اله انها بالحرم وبدها تدعي اله بس انا حاسه انه في غيرة صارت عندي معي حق ولا لأ لانه المرأة بطبيعة حالها بتغار سواء كانت البنت بتبعت اله رسائل دينية او غيرها مزبووووووط اصلا حرام هالحكي في 100 وسيلة تخلص دراستها دون ان تتعامل مع رجل غريب حكيت اله انه انا مش عاجبني هالحكي حلف انه ما بحكي معها وانه امسح كل شي منها وهو كتير منيح بالرد معي بعتت الها رسالة انه ما تبعت اله شي وشكرتها ما بعرف غلطانه ولا لأ والله دخلت حياتي متل السوسة شو رأيكم والله محتارة ما بحب احكي لحد لانه بخاف يشمتو فيني وخاصة انه زوجي بحبني كتير

>>>>> ردود الأعضـــــــــــــــــــاء على الموضوع <<<<<
==================================


الله يكون بعونك والله البنات بهالايام ما بعرف شو مالهم بطل في حياء ابدا عندنا الوحده بتحكي مع غريب في قمة الحياء وبما انه زوجك بحبك اطمني ما في مشكلة


__________________________________________________ __________

هي بتتعامل مع زوجك كزملاء او اصدقاء بس هاد الشي ازا ما صار اله حد ممكن يزيد
بس جوزك بينو مو تاع هاي اشياء الله يحفظك انتي وياه


__________________________________________________ __________

اهممممممممممممممم شي زوجك يحبك ومو معطيها سالفة

المشكلة فيها هي مو زوجك ,,, شافت زوجك مهتم فيها (حتى لو هو نيته طيبة) والظاهر انها تعلقت فيه
حلو انك ارسلتي لها رسالة باسلوب راقي ولاتهجمتي عليها
بس اذا مصختها وضلت تراسله هنا راح تضطرين انك توقفيها عند حدها بس بعلم زوجك عشان مايقول ليش وليش,,,

ربي يخليلك زوجك ويبعد عنه بنات الحرام ,,
موفقة


__________________________________________________ __________

يالله بهالزمن صار تواصل البنت مع رجل اجنبي عاادي

شوفي اختي اكسبي زوجك ولاتخلي الغيره تسبب مشاكل بينكم انتي حاولي تنسينه البنت باهتمامك فييه وتقومي بحقوقك الكامله والله يبعد عنك كل مكروه انتي وزوجك


__________________________________________________ __________

اكيد لك حق تغارين ولازم تقولين لزوجك كلمها وقول لها لاترسل لك خلاص اللي بينكم خلص بعد مانتهت الجامعه وش رابطهم حاليا