عنوان الموضوع : زوجي ما يعرف يتصرف -تم الاجابة
مقدم من طرف منتديات نساء الجزائر

زوجي ما يعرف يتصرف



السلام عليكم ورحمة الله وبركاته
انا صراحه مستغربه اشوف مشاكل مالها اي معنى وداخله بأمور محرمه والأداره تنزلها
ومشكلتي صارلي شهر اكتبها والأداره مو براضيه تنزلها مع أن ما فيها اي شي معيب


بدش بالموضوع
صديقاتي وأخواتي وامهاتي
انا اليوم طايحه في مشكله وهي كبيره جدا مشكلتي زوجي بالعربي ما يعرف يتصرف وحمل نفسه ديون ما يعلم فيها الا الله والمشكله اللي اكبر من كذا ما يرضى احد من أخوانه يساعده مع ان كل اخوانه مقتدرين يقول انا رجال واعتمد على نفسي مو منتظر احد يساعدني
والمصيبه اللي اكبر من كذا انه عن قريب بيدخل السجن عشان مديونياته واذا دخل السجن والله اني بروح فيها انا وأولادي الأثنين بعدها ما عاد نقدر نصرف
لأنه هو شغال في شركه خاصه والقطاع الخاص من ينقطع عن العمل راح يوقفون راتبه وبالحاله هذي بتزيد حالتنا فقر وتعاسه
يأ خواتي انا ابغى حل اقدر اساعده فيه عشان يقوم فينا بس المشكله العين بصيره والأيد قصيره
فكرت اتوظف قدمت على وظائف كثييييييييييييره عن طريق المنتديات المتعاونه للتوظيف
بس واجهتني مشاكل كثيره واهمها هذهي المشاكل ان اي وظيفه انقبل فيها لازم يكون فيها اختلاط وانا مستحيل اتوظف بالوظائف اللي فيها رجال ويتكلمون معانا بطريقه مباشره
خواتي انا ابغى منكم تعطوني حل وتساعدوني في مصيبتي
اي شي يدلني على طريق يفك كربتنا
والله بدعيلها بصلاتي اللي بتساعدني حتى ولو بنصيحه
واسفه على الأطاله

>>>>> ردود الأعضـــــــــــــــــــاء على الموضوع <<<<<
==================================


ياليت تراسليني على الخااااص ان شاء الله اقدر افيدك


__________________________________________________ __________

اختي اولا انتي طيوبه وبنت ناس ماقصرتي معه ودورتي كذا طريقه عشان تساعديه
بس اذ لاقيتي وظيفه وانتي بحاجتها وكان فيها اختلاط وانتي عارفه اللي لك وعليك ومتحجبه وماتكلمي الرجال الا للضروره ليه ماتتوظفي

يعني احنا مانكلم صاحب السوبر وبالاسواق والخياط والسواق يعني اذ كانت الوحده تخاف الله ومتحجبه والكلام في حدود انا من وجهه نظري مافي شيء يمنع توظفي وبس تصير امورك زينه عادي انسحبي من الوظيفه

الله يعينك اختي بجد حاله كل ذا الديون عليه ومايبي اخوانه يساعدونه
هذا اش فيه ذولا اخوانه سنده به الدنيا ولازم يساعدونه

حبيبتي كثر الدق يفك الحديد يعني دوم افتحي معه سالفه المساعده من قبل اخوانه
قولي بسك تهور تهورت الين حطيتنا بديون مالها اول ولاتالي والحين وبتهورك بتدخل السجن
قولي لاتضيعنا وتضيع عيالك والسبه هالديون
هو بياخذ الفلوس من اخوانه دين موصدقه ولا منه من اخوانه

وبس تتيسر ضروفكم يرجع لاخوانه اللي اخذه منهم

حبيبتي ربي ييسر اموركم ويفرج همومكم وييسر لكم الرزق الحلال

مووووفقه خيتو


__________________________________________________ __________

لا توقفي رزقك بيدك

أغلب الوظائف فيها اختلاط
يعني البنات والحريم للي يشتغلون بالمستشفيات والمحلات وغيرها حريم مش كويسات ؟
طبعا بنات أصل وشرف ومحترمات .. أنتي إذا محجبة فقط استعملي النقاب
وإذا الوظيفة ممنوع فيها النقاب استعملي الحجاب الكافي لوجهك مش مشكلة ..

وساعدي روحك وانقذي زوجك من المشكلة للي هو فيها

أنتي ها الحين خيرتي روحك بين سجن وديون زوجك وبين الإختلاط
وأشوفك اخترتي أن يبقى زوجك غارق في مشكلته

غيري رأيك وربنا هو الرحيم والغفور وانتي ما اذنبتي حبيبتي

والله يفرج همك ويرزقك رزق واسع يااا رب


__________________________________________________ __________

والله ماادري

الله يوفقكم ويرزق زوجك


__________________________________________________ __________

الله يفرج همك ياربي
وييسر الله عليك وعلى عيالك ياربي