عنوان الموضوع : ثاني زواج لي وراح اتطلق اقراو موضوعي وعطوني رايكم خواتي الطبيب يجيب
مقدم من طرف منتديات نساء الجزائر

ثاني زواج لي وراح اتطلق اقراو موضوعي وعطوني رايكم خواتي



اشكر ادارة المنتدى على هذا القسم لطرح المشاكل المعقده
بنات انا قبل كنت متزوجه وتطلقت لانه عنده مشاكل بالانجاب بعدها تزوجت واحد متزوج جلست معه10شهور تخيلو هو متزوج وعنده اطفال واستغربت اني ماحملت يوم حلل هو طلع عنده مشاكل كثيره نقص في هرمون الذكوره انا ماني فاهمه وش معناته الحيوانات المنويه 20مليون ويمكن اقل وضعف بالحركه وصديد المهم يابنات هو معقدني بشقه ايجار واغلب شقتي اثاث مستعمل طيب انا سكت تخيلو بنات من فتره رحت لاهلي انا صايره نفسيتي متحطمه وتعبانه جسديا المهم اتصلت عليه قلتله بقدم على خدامه هو رفض المهم قلتله اجل ماني جايه الا بعدين وافق ويوم جيت الرياض رفض الخدامه وانا احاول فيه طبعا انا قلت له منت دافع قرش واحد يعني لو ريال مايدفع المهم قهرني يقول الخدامه اولى فيها زوجتي الاولى قلتله ماهمني روح جيب لها بس مالك حق تتحكم بفلوسي وانا كيفي اجيب خدامه على كيفي قهرني يابنات وغير كذا قلتله بكفل طفله رضيعه قالي اوك بس ماتقولين اجيب خدامه ولاغير كذا قلتله يقولي اذا لقيتي وظيفه زينه توظفي انا صراحه تعبت نفسيتي وبطلب الطلاق واحد يخاف من مرته وش ابي برجال كذاب ونصاب وكل فتره يجي ويطر مني ابي فلوس ابي اجيب مقاضي لعيالي والله انا كنت اعطيه لكن الحين يخسي ويعقب ليش ارحمه اذا هو مو راحمني يكفي انحرمت من الضنى ويبي يذلني باي طريقه وربي تعبت يابنات واهلي بعد راح انذل عندهم بس الشكوى لله

>>>>> ردود الأعضـــــــــــــــــــاء على الموضوع <<<<<
==================================


الله يفرررررررررج همك
التجأي الى الله


__________________________________________________ __________

ماني فاهمه شلون تقولين تحملت اني ما انجبت منه وهو عنده اطفال من اول؟؟!! وتقولين ان عنده ضعف ؟؟!! يعني متآكده انه مو منج انتي السبب ؟؟!! انزين اذا ماعندج مشكله بالانجاب ليش ماتخلينه يتعالج وتجبرينه بعد عشان يصير عندج طفل تلتهين فيه بدل ماتكفلين ايتام ،، اقنعيه يعني بالحيله والاسلوب اللي ينفع معاه ،، واذا ما اقتنع شلج تضيعين عمرج بعوار قلب ترى الوحده بتعيش عمر واحد واعرف حريم ومعاهم اطفال يوم حسوا ان مافيه امل برجالهم وعايشات معاهم وهم مستغلينهم اشر استغلال برواتبهم ووظايفهم وماسكها بس عشان تكد عليه وهي الله مغنيها عنه استغنت صج وخلته واعتمدت على نفسها ولا رضت بمذلة رجال وعاشت ملك نفسها وريحت راسها من عوار الراس ،، ياعمري اذا الرجال ماخذيتي منه الا المذله ترى تزوجتي عشان تنعزين وتنرزين وتستغنين عن كل الناس ،، ولا نهاية العالم عند رجال الدنيا مليانه يالغاليه باللي كفو ،، دامج الله غانيج عنه وقادره تكفلين نفسج اللي مافيه خير تركه ترى اخير .. استخيري واتركيه لعل ربي يعوضج بالاحسن وانتي اللي عايشه الحياه وعااارفه شكثر ممكن يتغير او يتحسن حالج لو استمريتي معاه او بدونه وربي يكتبلج الخيره ويقدرلج الخير وين ماكان ويرضيج فيه يارب...


__________________________________________________ __________

حبيبتي بقول لك شي كل شي ممكن ينحل باتفاهم قولي له ترى انا بنت وابغى احس بالامومه مو مشكله لو تعالجت اجيب لي طفل يونسني وبعدين عنده اطفال من الاولى يعني مافيه شي يمكن يصرفك عن الخلفه حاولي تجيبيه بالتفاهم والحيله
ثانيا هو مو خسران دام الخدامه من فلوسك فهميه انتي الي بتصرفي عليها

وياقلبي اخر العلاج الكي اذاشفتي العشره معاه مستحيله ومايتفاهم يغنيك الله عنه لكن خلي الطﻵق اخر شي لعل الله يكتب لكم الصلح ويجمع بينكم بالمحبه يارب


__________________________________________________ __________

عطوني رايكم بليز


__________________________________________________ __________

بنات قالي لمي غراضك وانا عطيته الدبل مدري وش فيني راح نتطلق جد