عنوان الموضوع : ولد خالتي جرحني الله لايوفقه -لصحتك
مقدم من طرف منتديات نساء الجزائر

ولد خالتي جرحني الله لايوفقه



السلام عليكم
بقولكم مشكلتي على طول وحطوا مكانكم بدالي اناجمالي متوسط بس ماني قبيحه والله
المهم خالي قال لولده بنزوجك فلانه (اللي هي انا)قال ايش تبيني انتحر اخذ هالبومه اللي هي انا الكلام وصلني مثل الصاعقه الكهربائيه والله ثم والله ماحلفتوني اني كرهت نفسي وجاني ضيق بس حاولت اشغل نفسي بالدراسه والحمدالله
الحين بتسالوني كيف وصلك الخبرتخيلوا كيف هو عاد خطب وحده تقربلوه وتزوجها وقالها الكلام يقولها تدرين لو اخذت هالبومه تدرين ويش يصير راح انتحر وهي عاد انبسطت بالكلام اخذت الكلام وقالته
في مجلس فيه 30 حرمه وتقوله وتضحك وانا لماقالته انربط لساني
والله ماعرفت ارد تيب اذا انا موعاجبته مايحتاج يشهرفيني ويقول اصلا
اتحدى اذا فيه احد بياخذها ويضحك حسبي الله عليه وربي انه زوجته
مو حلووه بس علشان الحسب والنسب ,انا ماهمني والله بس السالفه
للحين اثارها ماراحت لدرجه
انه واحد من جماعتناامه قالت له ابخطبلك هالبنت قال لا الاولاد في الاستراحه يقولون شينه حتى عند الرجال ماسلمت منه شوه منظري في كل مكان حسبي الله عليه
وهو الحين متزوج وعنده ولد ومبسوط في حياته وانا اتعذب والجرح ينزف في قلبي انسى وارجع اتذكر وابكي
يارب انتقم لي منه يارب ينجرح زي مانجرحت في حياتي
ابي ارائكم شورو علي

>>>>> ردود الأعضـــــــــــــــــــاء على الموضوع <<<<<
==================================


حبيبتي ماعليك منه وخليك واثقه من نفسك
وان شاء الله يجيك سيد سيده
والمفروض رديتي على زوجته وقلتي اللي مايطول العنب حامض عنه يقول
ولوبعد رجعت وقالت هالكلام قولي حبيبتي اصلا انا ماراح أخذ زي هالأشكال
وعليك بالدعااااء ان الله يرزقك بالزوج الصالح عاجلا غير آجلا
واعرف وحده رفضها ولد عمها وقال عنها انها سمينه ماابيها وهي حلوه ومعلمه وماشاءالله تزوجت واحد يموت فيها وهو حياته بؤس مع زوجته


اهتمي بنفسك وبشكلك ولبسك وبمكياجك وبنظاره وجهك وماعليك منهم
اسأل الله العظيم رب العرش العظيم أن يرزقك وييسر أمرك ويفرج همك


__________________________________________________ __________

حبيبتي

وش لك بزواج القرابه

والله مامنه الا الهم

يدوسون على كرامتك

شوفيني متزوجه من قريب لي وربي معذبيني تعذيب

وزوجات حمواني من برى العايله وربي شايلينهم على راسهم

المثل يقول خلك بعيد وحبك يزيد

احسلك تزوجي من بعيد


__________________________________________________ __________

طنشيه هذا مايستحي ع وجه
ماعندو ذووووق ياحياتي طنشييييييييييييه انسي الي قاله
خليكي واثقه من نفسو هذا رايو
الناس ااذوااااق


__________________________________________________ __________

تعرفي اول ما قرات مشكلتك والله اتخيلت نفسي
بس والله مايستاهل دمعه من دموع القمر ياقلبي صح ان هوا حيوان
بس انتي خليكي قويه ولو اني مثلك والله ما ابكي علشان ما اخلي نفسي ضعيفه
ولا تخليه يهز ثقتك بنفسك وانت ربي راح يسهلك واحد يسعدك ويحس بقيمتك وانتي باتشوفي
وانشاءالله تكوني اسعد انسانه في الكون
الله يوفقك ياقلبي


__________________________________________________ __________

راح ينرد لة هالشي في بنتة
وخليك واثقة من نفسك مايهمك بس استغفري بنية اي شي تبينة
وبالتوفيق