عنوان الموضوع : وش الحل مع زوجي 0000000000000
مقدم من طرف منتديات نساء الجزائر

وش الحل مع زوجي 0000000000000



بسم الله الرحمن الرحيم
السلام عليكم ورحمة الله وبركاته
بنات انا متزوجه وعندي اولاد زوجي في بداية الحياه كان زوج رائع كريم
يحترمنى ويقدر أهلي وكان انسان رائع بكل ماتحمله الكلمه من معنى
ولكن مع مرور السنين تغيركثير اصبح انسان لايبحث الا عن سعادة نفسه
وهو انسان غني يلبس احسن اللبس ويركب احسن السيارات وانسان
سخي ولكن هذا السخاء لما يجي عندى انا واولاده يتوقف يعني يجيب
اغراض البيت الاساسيه ويتمنن فيها علينا
المشكله ماهي هنا المشكله انه كان مسوي لنا مصروف الف ريال كل شهر
وكل شئ فيها من لبس او اغراض ثانيه المشكله قرر الشهر
هذا يوقف هالمصروف ويقول مو لازم ناقشته حاولت فيه بس مافيه
فايده والله يابنات اكتب لكم ودموعي على خدي المشكله ماعليه قاصر
وكريم على الكل الا على انا وعياله
والله اني طيبه جدا والله شاهد على كلامي وصابره عليه ويعصب على
ويدعى واصبر عليها واترجى الاجر وانه يعوضني في عيالي
بنات شورو على وش اسوي انا احسب الايام لهالمصروف ومسويه
حساباتي عليه حتى اني مخصصه منه ميتين ريال اعطيها وحده ام ايتام
واكيد هي بعد تحسب على هالفلوس وش اسوي يابنات شورو على
لا ورافض اشتغل مع ان معي شهاده زينه وكنت موظفه واصر اترك الوظيفه ويقول شغلك يعني طلاقك
يارب وسعها على والله ساعات افكر اخليه واروح بس المشكله في
عيالي لو رحت بيضيعون خاصه انهم في سن المراهقه وخاصه ان فيهم بنات ماتتنرك مسؤوليتهم لاحد
لا وازيدكم من الشعر بيت له علاقات مع حريم بالتليفون مكالمات يصرفني
ويكلمهم غير زوجات المسيار اللى كل شهر وحده ويفكرني مادري
وانا عارفه ومطنشه اقول اثمه في رقبته
انتظر رايكم وياليت اللى عندها راي سديد تقووله واللى ماعندها تدعي
ربي يسخره لي
ومشكوورين ياخواتي

>>>>> ردود الأعضـــــــــــــــــــاء على الموضوع <<<<<
==================================


الله يكون في عونك انا من اول ماقرت القصه

قلت في نقسي اكيد ان زوجك له علاقات خارج المنزل

اول شئ انصحك بالدعاء ربي يقول اجيب دعوه الداعي اذا دعاء

وحسبي الله على زواج هالمسيار هدم كثير من البيوت

وبعدين عزيزتي حاولي انك تهتمين فيه اكثر يعني البسي احلى لبس

تدلعي عليه ومتعيه بالجنس ترى الرجال يتزوج مسيار علشان الجنس ويبي وحده تتدلع عليه

وترقص له والخ يعني يبي يتمتع انتي وفري له المتعه اللي هو يبيها

انتي تقولين ماقصرتي عليه شئ لكن الرجال طبعه تهتم فيه وتدلعه والخ

انتي ارسلي اطفالك لبيت اهلك وانفرد فيه لاتخلين بنات المسيار احسن منك

يمكن في البدايه يحطمك بس انتي ماعليك من تحطيمه

وصدقني اذا شاف هالاشياء فيك ماعاد يفكر المسيار المشكله انه تعلق في زوا المسيار

ويبغاء لك صبر علشان ترجعينه مثل اول

وراح اكتب لك دعاء هذا اذا انام حطي يدك على جبينه او راسه وقولي ويبيله شويه صبر


اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه

اللهم اجعله لي قرة عيني الوحيدة واجعلني له قرة عينه الوحيد

اللهم حببه فيه وحببني فيه

اللهم اطمس على قلب زوجي وسمعه وبصره أن لا يرى من نساء الدنيا غيري

اللهم سخره لي في سمعه وبصره وقلبه وماله

اللهم استر عيوبي عنه وأقنعه فيه وجملني في عينيه واجعلني أجمل من الحور العين في عين زوجي

اللهم أره الحق حقا واره الباطل باطلا
يا رب العالمين .....
اللهم إجعله قرة عين لي وإجعلني قرة عين له ، اللهم أرضه عني وأرضني عنه

، اللهم وإزرع محبته في قلبي وإزرع محبتي في قلبه ، اللهم وإجعلني في عينيه أجمل من الحور العين

، اللهم وإجعل ريحي عليه عطرا وريقي عليه عسلا وضمتي اليه أحب اليه من الدنيا ومافيها الا منك

ياذا العزة والجبروت ومن كتابك ونبيك ودينك ، اللهم وإجعلني عونا له على طاعتك وإجعله عونا لي ،

اللهم وإجعله حنونا عطوفا حليما رحيما كريما بماله وعواطفه ،اللهم وإرزقني معه التوفيق والسعادة

والذرية الصالحة ، اللهم وإشرح صدور أهله لي وإشرح صدري لهم، وسددني اللهم في كل أفعالي

وأقوالي بحولك وقوتك


ولا تنسين انك قلتي الكل حاسدك يعني ارقي نفسك بالقران وان شاء الله يرجع لك زوجك مثل اول واحسن


__________________________________________________ __________

اختى فى الله ما عليكى سوى الدعاء وربنا معك ومع كل البنات والمتزوجات


__________________________________________________ __________

جزاكم الله كل خير بس اختى هنووف انا ماقصرت معه اسووي زي اللى قلتي وزود المشكله مايعطيني

وجه ويقول لاعاد تلبسين كذا انتى مو صغيره احترمي سنك يحسسني اني عجوز وكله انتقاد على لبسي

هذا كمه قصير وهذا ضيق شوي وهذا بنطلون مايصلح ووووو0000

لا ويقول احنا خلاص انتى خذيتي حقك وزود خليني اعيش حياتي

لا وبعد كلمة حب ماسمع منه مع اني اسمعه وهو يكلم انواع الحب والرومانسيه واذا طاح جواله في يدي

وقريت الرسايل اللى بينه وبين بنات الحرام كل انواع الكلام الحلو في جواله لا واخر زوجه له مسيار عندها

ولدعمره 14سنه وشكلها استغفر الله شفتها في جواله وانواع الدلع والطلعات

والله كل من شافني يقول انتى كيف ماتكبرين ومحافظه على نفسي بس وش تقولين

المشكله اكبر مشكله بيننا الفلوس هو كذا والله اني صرت استحى زيي زي البزران اجيه اقول عطني عشره

وعطنى خمسه وقسم بالله مر ات يعطيني ومرات يردني ياناس نفسي ماعاد تهون على طفشت كني طراره

كل لما ابغى شئ حتى لو بسكوت من البقاله لازم اطلب منه يعني شئ اسمه مصرروف مافيه

اجلس بين الناس كل وحده يجيها ولدها ويقول ابي اشتري تعطيه وانا

شنطتي فاضيه واذا جاوني عيالي اقول بعدين واموت لما تقوم وحده

وتقول ليه تردينه اقول مابيه يتعود يروح البقاله تقول زيه زي هالبزران

بيروحون سواء ويرجعون سواء ولما ماعطيه تناديه وتعطيه وانا اموت

من القهر والحسره فلوسنا ماليه البنوك والناس يتصدقون علينا

لا وترى هالمصروف اللى يتمنن فيه ماحطه الا بعد مشكله كبيره وصلت بيننا الى حد انه ضربني

يعني المصروف ماله الا شهر وبس طفش ماعاد يبي يعطينا

والله اكتب وانا ماشوف الشاشه من دموعي طفشت من جد طفشت والله لولا عيالي ماجلس عنده يوم


__________________________________________________ __________

لاحول ولا قوة الابالله

لازم حد يتدخل في الموضوع طالما تكولين انك حكيتي معاه

وحاولتي تغيري اسلوبك ومانفع يعني مافي اله اهل تتكلمي معاهم

حتى يرده مثلا لو احد هو يتأثر فيه ويسمع كلامه

لاتضايقي حالك دوام الحال من المحال والله يهديه هو القادر على كل شيئ

بس انتي ادعي ربك يهديه ليل نهار وان شاء الله راح يتغير

واذا اولادك احتاجو شيئ خليهم هم يطلبون منه يمكن قلبه يحن عليهم

بس لازم تصبري هذا ابتلاء ولازم الصبر والدعاء هم مفتاح الفرج خلي

عندك يقين انو مافي مشكلة الا والها حل بمشيئة الله لاتضايقي حالك
وان شاء الله خير


__________________________________________________ __________

والله ياختى ماله احد اقدر ارجع له كان فيه امه الله يرحمها وكانت لي سند وعون بس توفت وتركتنا نواجه لحالنا

وابوه متوفي وعلاقته مع اخوانه رسميه ومحد يقدر يتدخل لانهم كذا كل واحد مايتدخل في حياة الثاني ممنوع

وانا خلاص مليت من كثر صبري عليه لاني كل لما اصبر احسه يتجبر اكثر

بنات مافيه احد يعرف من وين اقدر اجيب رقيه شرعيه لي وله ولبيت ولعيالي ياليت اللى تعرف تدلني وجزاها على الله

بنات لاتتركني لحالي خلوني احس ان فيه احد حاس فيني اللى ماعندها حل تدعي لي وجعل كل من دعت لي

ان ربي يجعل لها من دعوتها نصيب ويفرج همها ويرزقها