عنوان الموضوع : طلقني وانكر قولولي وش الحل ؟؟؟؟؟ مجابة
مقدم من طرف منتديات نساء الجزائر

طلقني وانكر قولولي وش الحل ؟؟؟؟؟



السلام عليكم ورحمة الله وبركاته



المشكله يابنات بزوجي طلقني فوق 5 مرااات واخر طلقه كانت قدام أبوي قبل يومين كانت بيني وبينه مشكله ودقيت على ابوي يجي ياخذني
وقال لابوي بنتك ياعمي طالق بالثلاث
وابوي قال خلاص انا باخذها عندي مدامك طلقت وانا ابوها وماني عجزان عن عيشتها وللأسف اني فظلتك على كثير ناس وانت ماتستاهل المهم قام يعتذر من ابوي وحبه على راسه وقاله ياعمي انا معصب ومدري وش اقول واوعدك اني بتغير وبحط البنت بعيوني واذا ع الطلاق خلنا الصبح نروح لشيخ ونسأله ولما راحو عند الشيخ قال للشيخ ان هذي اول مره يطلقني فيها قاله الشيخ اذا اول مره يصير ترجعلك وجاني هو وابوي وقالي انتي للحين زوجتي انا انجنيت قلتله شلون زوجتك وانت مطلقني اكثر من 5 مرات قال لأ مو صحيح ولا تتبلين علي أنا بس طلقتك مره وحده وكنت معصب وقتها ولما راح أبوي قلتله انت تبيني اعيش معاك بالحرام ولا كيف ؟؟
قال لأ اعوذبالله قلت طيب انت مطلقني كذا مره وهي 3 طلقات وبعدها احرم عليك قال لا كلهن بحالة غضب ومايقع الطلاق فيهن أحس أنه ماخذ الدين على كيفه قولولي وش الحل ؟؟؟

وهل أنا زوجته ولا لأ ..

>>>>> ردود الأعضـــــــــــــــــــاء على الموضوع <<<<<
==================================


كلمي ابوك اليوم وقولي له السالفه قولي طلقني اكثر من 3 مرات في حالة غضب وإذا ابوك مايعرف اسألو شيخ

انتبهي تتغاضين عن هالمسأله وتقعين في الحرام ماعليك من كلام زوجك ابراء لذمتك خبري ابوك

الله يحنن قلب زوجك عليك ويسخره لك ويهديه


__________________________________________________ __________

والله زوجك ذا !!!!
مالك يا قلبي الا انك تسألين شيخ وتحكين له القصة كلهاااا
وهو يفتي لك .. والشرع في الطلاق ياخذ بكلام المراة .. ممكن يكون كلام زوجك صحيح
لاني قرات كثير وسمعت كثير ان الطلاق وقت الغضب لا يقع
ولاحظي كمان وقت ما تكون المرأة عليها الدورة لا يقع
بمعنى .. حالات كثير لا يقع فيها الطلاق
بس تسألين شيخ .. هذا دين ...
وربي يعينك
.


__________________________________________________ __________

تصدقين مشكلتك نفس مشكلة وحدة اعرفها وزوجها انكر انه طلقها خمس مرات مرتين متفرقة 3مرات متصله
والشرع ياخذ بقول الرجل في هذه المواضيع وحكم الشيخ ان كان كاذب الذنب عليه وهي ما عليها ذنب وتعيش معه طبيعي حتى لو هي طلبت منه العلاقة يعتبر حلال بالنسبه لها وحرام بالنسبة له ومع كذا هي حرمت نفسها عليه لكن بعد انه اجبرها وحملت ولكن شاء الله انها تسقط بدعاءها وانها ماتبغى اولاد زنا منه وانتي شوفي وش يريح ضميرك وهل انتي متاكدة انه كان في حالة غضب لانه لايقع طلاق الغاضب
وما اقول غير قلبي معك ومع صديقي فعلا انتم عايشين في بلاء عظيم ربي يصبركم


__________________________________________________ __________

فسألوا اهل الذكر إن كنتم لا تعلمون
المسألة خطيرة لا تتهاونين فيها واذهبي انتي وزوجك لشيخ وحكي لهكل شيء وهو يفتيك وفيه فتوى بأن الطلاق بالثلاث في المجلس الواحد تعتبر طلقة واحدة
والله يفرج ويفتح عليك يارب


__________________________________________________ __________

انتبهي بس تاكدي يا اختي احسلك
حسبي الله ونعم الوكيل بس