بوح مراهقه مجابة
عنوان الموضوع : بوح مراهقه مجابة
مقدم من طرف منتديات نساء الجزائر
بوح مراهقه
بسم الله الرحمن الرحيم
السلام عليكم ورحمة الله وبركاته
أشكر الاداره على القسم بالبدايه
ــــــــــــــــــ
انا فتاة عمري 14 سنه بثاني متوسط
حياتي كلها أحسها مو عاجبتني !
انا نفسي مو عاجبتني ابي اتغير
انا ببارده جدا وأطنش وزهقانه من نفسي ومو عاجبه امي
ما اسولف ودايم سرحانه كرهه الدنيا وحياتي !
دايم نظرتي سلبيه وعقلي احسه أكبر من اللي بسني =( !
احسني مختلفه وما ألقى الصديقات اللي احلم بهم َ في فصلي
يا اما تكون مو عاجبتني او تمشي مع شلة مايعجبوني
انا قليلة كلام أطفش من الشيء بسرعه والمفروض البنت تعتني بنفسها انا ابد مو مهتمه بجمالي :/ عجازه و24 ساعه على اللاب توب وطفشانه
حتى نظري نقص وصرت البس نظاره =( مافي شيء يشغلني او أهتم فيه عائلتنا محافظه ممنوع الافلام والاغاني والطلعه دون امي
انا عصبيه وسهلة الاستفزاز كتومه وما احب احد يدخل في خصوصياتي
مافي شيء يفرحني زي اول !
كل شيء مو عاجبني ماعاد اعرف نفسي او شخصيتي
جد ودي اتغير ابي اصير بنت متفائله حبوبه اي شيء تنبسط فيه وإجتماعيه وماعندها فراغ ابد ........
طول يومي على اللاب ما احب الاطفال ولا أحب جلسة الكبار
اكره الخكريات او الدلوعات او العربجيه او النعومه الزايده والدلع الماصخ ومو عارفه اي نوع من الصديقات ابي !
حاسه اني وحيده وحياتي تضيع بدون هدف
مو هامني شيء ولا اشوف نفسي اميل لاي مجال
عشان اشترك فيه =(
كيف تغيرت كذا مدري !
ماعاد ادري ايش ابي وليش انا كذا وحزينه وحالتي حاله
ودي بصديقات وسيعات صدر بالمدرسه معاي بس بالمقابل هالنوعيات يبون وحده فرفوشه تسولف وانا مو كذا ابد =(
حتى صديقاتي الحين مو مره معهم امشي حالي وبس وكارهه المدرسه
مو واثقه بنفسي وماما معي بالمدرسه ودايم اتعرض لمواقف مالها داعي وتعليقات سخيفه ف السنه الجايه ماودي اكون بنفس مدرستها
انا ككككل وقتي فررررراغ طفش !
ايش اسوي مدري =(
جدا ابي اتغير حتى فتحت على قوقل " عدة خطوات تغير حياتك او تجعلك سعيد او اجتماعي والله ما اذكر :$ " المهم زي كذا وحاولت أطبقها ما نجحت لزقتها على جدار غرفتي انا مو قنوعه وما افرح كثير واذا ابتسمت مو لاني ودي بشي هذا بس مجامله للي حولي وعشان مايقولون كئيبه انا جددددا حسسساسه واتاثر بس ما ابين اللي يشوفني يقول قلبي حجر وما احس
*
كيف اغير حياتي ؟
كيف اصير مبتسمه وسعيده وراضيه ؟
كيف اكون صداقات واكون انسانه اجتماعيه وادخل مع الناس بسهوله ؟
كيف اتعامل مع اللي يضايقوني ؟
كيف ما اكون عصبيه
كيف اتخلص من البرود واللامباله عندي ؟
كيف اهتم بنفسي ؟
كيف اشغل وقت فراغي واترك اللاب والاجهزه عني ؟
كيف احدد هدفي واعرف اي نوع من الصديقات ابي ؟
ــــــــــــــــــــ
اسفه على الاطاله =$
>>>>> ردود الأعضـــــــــــــــــــاء على الموضوع <<<<<
==================================
وعليكم السلام ورحمه الله وبركاته
حبيبتي إذا كانت حياتك مو عاجبتك صدقيني هذا معناته إن صلاتك فيها خلل
حتى لو كنت محافظه على صلاتك انتي شوفي قلبك هل إنتِ من الناس اللي يصلون عشان يرتاحون منها
او من الناس اللي يصلون عشان يرتاحون معاها
حبيبتي الافلام والاغاني والطلعات مو بهذه الوناسه على مايفهمونه البعض
السعاده هي التقرب من بيده السعاده
تقربي ألى الله عزوجل وراح تلاحظين فروووووق كثيره بحياتك وجربه من قبّلي انا
عمري الصداقه مو كل شئ
في هذا الزمان ومع كثره الفتن والبويات ما في احسن إنه الواحد يجلس لحاله
انا كنت دائما من يوم في المتوسط كان عندي شله وناسه بس مع ذلك مشااكل
وبعدين سافرت مدينه ثانيه وافترقنا
ودخلت الثانوي وبعد كان معاي شله وجلست معاهم تقريبا بس اول ثانوي وتركتهم
لانهم اغلبهم حق شباب وإعجاب وقله أدب
وبعدين جلست مع شله ثانيه لانه صحبتي عرفتني على شلتها وجلست معاهم
الله لايوريك شله افففف صح إنها محترمه وهذا اللي عاجبني فيها بس مشكلتهم الغييييره
ودق في الكلام وتجريح عيني عينك ونظرات خبيثه بصراح انا حساسه مرررره وزعوليه
تركتهم وجلست لحالي وكانو يطلعون لي بالفصل ويسون حركات مالها داعي ...الخ
صحيح أنا ما اقولك إنهم كانو كلهم وسخات لا
بس قله منهم كانو واقفين بصفك
بس انا قررت إني اتركهم ولا أبالي فيهم بس سلام من بعيد لبعيد
لانه مايجوز تهجرينهم اكثر من 3 أيام
بس لمان جلست لحالي ومع اختي والله حسييييييييت براحه ومستواي الدراسي إرتففع
لانه حنا لمان كوّنا الشله ماكوناها على طاعه الله عزوجل
ماحبينا بعضنا في الله عزوجل وهذا السبب هو اللي يقرفنا عن بعض بس ميييين اللي يفهم ؟؟!
حبيبتي لا أوصيك على التقرب إلى الله عزوجل وأي بنت تحسينها وسخه إتركيها من غير ماتحس
وحددي هدفك من إللحين بس ها لازم يكون الهدف يفتخر الإسلام فيك
واسفه لو طولتِ عليك
__________________________________________________ __________
شوفي حياتي انا والله مدري وش انصحك فية بس قبل ماحاولتي تسوين كل شئ حاولتي تتقربي من ربك يمكن قصرتي بشئ عشان كذا منتي مرتاحه بعدتي عن ربك شوي وترا هاذا عادي يمكن يصير لاي شخص تبين الصراحه انا اول وربي ماكنت اصلي من النوع الي بس ضحك ووناسه واغاني وكل شئ عندي عادي كل مواصفات الي تخلي الانسان فال ابو امها مع ذلك مرت علي ايام كنت احس في شئ ناقصني في شئ بحياتي لازم يكون موجود وش هو الي ناقص مدري اهلي والحمد لله امي معوضتني عن ابوي حب والحمد لله عندي من احبها صديقات وعندي صديقات مافي مثلهم بس وش ناقصني لكن الي غير حياتي هي بنت تعرفت عليها يوم كنت بالثانوي بالتحديد ثاني ثنوي غيرت حياتي كلها اعترفتلها بالحقيقه باني مااصلي وهي ساعدتني علمتني انو الضحك والهستره والوناسه ماتخلي من الصلاه وعبادة ربي وجد لقيت الراحه النفسيه فيها صدق انو مافي شئ مااسويه ويمكن كمان اذنوب كثيره ارتكبها بس يوم اصلي احس اني مدري ارتحت يمكن انتي شخصيتك الي تولدت لك عباره عن ضغوطات مرت فيكي وصدقيني الضغوطات تغير فش شخصيتك كثير او انو الاشخاص الي حولك تغيروا وتغيرت نفسيتك لا تستغربي يمكن شئ واحد بس كان بدايه كل شئ اتا اقولك تهةري قومي يوم تروشي بمويه بارده انتي قولي لنفسك انا اليوم رايقه غني وسشوري شعرك اضبطي روحي واقعدي مع بنات انتي دايم تشوفيهم فرفوشات تعرفي عليهم مايخالف الواحد احيانا لازم يخرج من منطقة الراحه حقتي عشان يحس بالتجديد والراحه وش بتخسرين تهور واحد يمكن يغيركي جذريا استهبلي استعبطي اوحتى صيري سامجه يعني وش بصير يمكن شخص واحد جديد عليكي يغيرك انا صدق الي حولي كانو ا عاجبيني بس ماارشدوني ولا ساعدوني لان كان عاجبهم وضعي اني ماني مهتمه باحد ومازلت لكن الحمد لله الحين افلها واصلي يمكن الناس الي مايعجبوك يعجبوكي يمكن بنت فيها شئ مميز يعجبكي جربي وحاولي وخذي بنصايحي شمدريكي ايجوز تتغير نفسيتك وامنى جد انها تتغير مع تحياتي boyah mejoo
__________________________________________________ __________
أحبك يا الله : جدد ششششششششكرا والله يعطيك الف عافيه ولا يحرمك الثواب انا جد مو مهتمه كثير بالصلاة الله يتوب علي يارب =( ان شاء الله بحاول وبصير أحسن عسى يدك تنحرم على النار يارب
ـــــــــــ
boyah mejoo : ششكرآ والله ارتحت لكلامك َ وبحاول اغير نظرتي وأتقرب لربي اكثر وادخل مع الناس أكثر الله يكثر من أمثالك ويرزقك باللي تتمنينه ييارب ولا يحرمك جنته
__________________________________________________ __________
حسني علاقتك مع ربك ,,, راح تتحسن علاقتك مع عبيده
موفقــــــة
__________________________________________________ __________
تعرفي على اختي اسمها شتات قلب عمرها 13
راسليها بالخاص ياحياتي هي حبوبه وتحب تتعرف وهي قالت لي اقولك
رد مع اقتباس
