عنوان الموضوع : زوجي يريد ان يسكن معنا ابن اختو على طول الطبيب يجيب
مقدم من طرف منتديات نساء الجزائر

زوجي يريد ان يسكن معنا ابن اختو على طول



السلام عليكم ورحمة الله وبركاته

كيفكم بنات

مشكلتي هي ان زوجي حاب يساعد ابن اختو وهو من مدينة اخرى فدبرلو شغل هنا بس حيسكن معانا لان راتب الشغل مش حيكفي ياجر بيت لوحدو

انا اعترضت اساسا على الفكرة والنتيجة ان زوجي زعل مني ومش عارفة ابرر لو زاي بس السبب الحقيقي ورا رفضي هو الي حصل قبل 7 سنوات

اول شي لازم اوضح ان ابن اختو عادل هو من نفس عمري وزوجي اكبر مننا بسنوات كثيرة وقبل 7 سنوات كان عمرنا 21 سنة كان ابني بعمر 5 سنوات .. الي حصل ان عادل قضى معنا شهر معزز مكرم وكنا انا وهو متفاهمين وبنهزر وبنحترم وبنفهم بعض على اساس اننا من نفس الجيل وزوجي كان مبسوط لان كوني مرتاحة معناه مش بعارض ان عادل يعيش معانا بس انا كنت رافضة فكرة انو يعيش معانا على طول بس مكنتش بقول لان عادل شاب طيب جدا محبوب وبيهزر فبيخليني احس اني هبقى شريرة لو طردتو المهم زوجي لقى لو شغل وكان فاضل يومين ويقابل صاحب الشغل بس عادل رغم انو طيب جدا والكلمة الحلوة بتملكو بس لميقدرش يستحمل كلمة واحدة فيها اهانة على طول بيتخانق وهو دا سبب عدم استقرارو باي شغل بس الي حصل .....


كان ابني طالع من المدرسة وجاي مع اولاد جيرانا وبالصدفة عادل كان جاي وشاف العيال بيضربو ابني فتعصب وصرخ على الولاد وكانت بنت جارنا عمرها 12 سنة معاهم فحست بالاهانة وراحت اشتكت لاخوها الكبير راح اخوها عمل نفسو راجل وشتمو عادل حاول يوضح انها بتكذب بس من غير فايدة ومكملتشي دقيقة حتى كان الحي مليان بالمتفرجين على الخناقة فخرجت انا علشان ادخل ابني لاني خفت يضربوه لقيت عادل ماسك الراجل ورماه على الارض كانو بطيخة فعرف انو مش قدو وانو حيموت بين ايدو فقام بيصرخ وبيشتم واندفع داخل لبيتهم علشان يجيب سلاح عصى او سكينة فشافو عادل دخل هو التاني للبيت انا عرفت ان القيامة حتقوم ... فقفلت الباب على عادل بالمفتاح علشان ميطلعش فدخل للمطبخ جاه عندي قدام الباب بايديه فارغة قالي افتحيلي الباب قلتلو لا ابدا المشكلة هتكبر واحنا مش عايزين مشاكل ....


وكان هادي كانو خارج في نزهة وقالي افتحي الباب ومتخافيش الي زي دا انا بطويه بين ايدايا زي الورقة ومسكني من دراعي الاثنين علشان يزيحني من طريقو بس للحظة حسيت انو مش عايز يشيل ايدو وقام بيبص ف عيني بطريقة خلتني احس انو سرح بذهنو وحسيت بايديه بتحرك وصوابعو بتتحسس في دراعي.. انا كنت اساسا خايفة من الي حصل برا بس حسيت بالارتعاش اكثر لما عرفت انو بيبصلي بنظرة كلها رغبة ودا الي عمرو ما حصل بينا ابدا وانا بحب جوزي وهو بيحترمني جدا جدا وبيعتبرني زي اختو بس الي فهمتو ان الي حصل انو مد ايديه بشكل تلقائي علشان انا معترضة طريقو بس في لحظة في حاجة جواه تحركت غصب عنو لانو شاب في قمة قوتو وشبابو... المهم بعد اللحظة دي رجع لوعيو قبل ميتصرف تصرف غلط والسبب هو اننا سمعنا ابن الجيران بيشتمنا برا وبيقلو لو كنت راجل اطلعلي والعصى بايديه وبيقول للناس دا مستخبيس جوا زي البنات

ساعتها عادل ترك دراعي وهو بيبتسم وبيقلي شفتي مش مكفيه الي عملتو فيه خليني اربيه واخد مني المفتاح وطلع وعينك ماتشوف الا النور طلع سكينة قد كدا من تحت التيشرت وحطها في رقابتو وقالو قول انا بنت هههه وهو بيضحك وخلا كل الناس ضحكت الا انا كنت برتعش

المهم افترق الجمع وبعد ساعة راح جارنا اشتكى للبوليس والناس كلهم حيشهدو ضد عادل بس اشتكو عليا انا كمان وقالو اني حرضتو وايتو السكين لولا ان جوزي وبابا تدخلو كان زمان البوليس جوه خدوني نا كمان بس جوزي حملني مسؤولية اني ممنعتوش من الخروج وبهدلني
وانا ببكي على الي حصل وعلى البهدلة الي بشوفها منهم كلهم

اما حماتي قامت الدنيا عليا واتهمتني اني عملت كل دا علشان عادل ميقعدشي معانا بس عادل دافع عني ووقف ضدها وضد جوزي وبرئني

والنتيجة جوزي قالو لم هدومك وروح عند امك وابوك كفاية لحد كدا وراح وهما زعلانين من بعض

وبعد 7 سنين جوزي نسى كل الي حصل ولقى شغل وقال حرام تضيع الفرصة وانا رفضت بكل قوتي وتخانقنا انا وجوزي وقالي ان لاقرار يعود لوه هو وانا مش عارفة اقلو ايه سبب رفضي

انا خايفة من حاجات كتير لو جاه تاني لهنا

هو دي الوقتي عمرو 28 يعني بقى راجل مش زي زمان كنا بنحس اننا لسا صغار بنهزر وبنقول نكت ونضحك احنا كبرنا مش هعرف اتعامل معاه زي زمان وجوزي اكبر مني بكثير ومش هيفهمني لو قلتلو كدا بصراحة خايفة يحصل في بيتي زي مسلسل العشق الممنوع كل دا بيشغل بالي ناهيك عن المشاكل الي ممكن تحصل بين ابن الجيران الي لسا حاقد عليه وكل دا شاغل بالي


قلولي اعمل ايه وجوزي هيتهمني اني مش بحب اهلو ومش بحبلهم الخير واني بوقف في طريق رزق ابن اختو


واعذروني على الاطالة حفظكم الله

>>>>> ردود الأعضـــــــــــــــــــاء على الموضوع <<<<<
==================================


بنصحك انو تحكي لجوزك مايجيبو عندكم ومابجوز لان حرام انتي محرمة عليه حرمة مؤقتة.واذا جابو خلي اهلك يعترضو واذا ماقبل روحي بيت اهلك احسن.لان ماجتمع اثنان كان الشيطان ثالثهم.يعني حرام. سمعتك ثم سمعتك


__________________________________________________ __________

بجد شي يحير الله يكون في عونك .. خلي نظرتك دينية للموضوع عشان ربنا يفرجها عليكي ..
قولي لي لزوجك انو عادل صار رجال و انا ما اقدر اخذ راحتي في بيتي ادا جاء نظام البيت كلوا حا يتغير .. و انت لازم تغير عليا و ما تخلي رجال معايا في البيت ادا انتى عندك دوام و عادل ما عندوا دوام حانقعد سوى يعني ؟؟ قوليلوا اشياء زي كدا خلي يفكر فيكي و يخاف عليكي و ان شاء الله يكون حل


__________________________________________________ __________

تفكرين بسالفه قديمه اكيد كان طيش شباب والحين عقل وانتي ليه تسكرين عليه الباب وبتهزري معه حرام يااختي اذا زوجك مصر اشرطي عليه يحط بينكم جدار يعني ينام بمجلس الرجال ويكون فيه باب بينكم تسكرينه انتي من جوا انتي اقفلي الباب الي بينكم وتغطي عنه ولاتعطينه وجه وتخلينه يمزح معاك اوكيه الله يفرج همك


__________________________________________________ __________

الله يكون بعونك يا اختي


__________________________________________________ __________

اوعي الله يقرف بيت الحمى على البلاوي اللي بتيجي من وراهم