عنوان الموضوع : استشارة بلييييز رأيكم -لصحتك
مقدم من طرف منتديات نساء الجزائر

استشارة بلييييز رأيكم



السلام عليكم ورحمة الله وبركاته
اعزائي بدي استشيركم بشي
انا كنت بقرا مواضيع عن الاستخارة وكيفية صلاتها وكاتبين انو من استخار الله واستشار الناس فلا يضل يعني حاجة متل هيك نسيت الحديث
المهم انا قصتي
انو من فترة متقدملي عريس بكون صاحب بابا هو شافني مرة مع بابا بالسيارة وعجبتو وطلبني وانا ما عطيت الموافقة الا قلت لازم اشوفو الاول
هو انسان الكل بحكي عنه انو محترم وخلوق ومرتب لكن لما شفتو في حاجات خوفتني
انو هو عمرو 34 وانا 21
وكمان عندو شوية شيب بشعرو من قدام

وفوق هاد اقصر مني بفرق واضح
وكمان عايش هو واخواتو فقط في البلد اللي انا في يعني مغترب واهلو عايشين في بلدهم
لكن هو مقتدر ماليا وحالتو منيحة
انا خايفة ما نتفاهم بالمستقبل خايفة ما احبو وتنحسب علي خطبة
مع اني ارتحتلو ولكن لما شفتو خجلت كتير وعلى طول فتت ع البيت وما حكيت معو ولا كلمة يعني ما بعرف شي عنو غير شوية هالمعلومات
اونا خايفة ازا رفضت ما يجيني حدا بهالصفات يعني محترم ومقتدر
وخايفة من اخواتو الشباب
وبعدين انا ما بعرف عن طبعوو شي لا حكيو وانا نوعيتي بنت بحب المزح والفرفشة كتير وخايفة يكون طبعو متل الكبار وخايفة الناس يحكو عني اني اخدتو عشان فلوسو وبتعرفو حكي الناس وانو اكبر مني وطمع بس والله ش قصة طمع بس على اد ما بحكو انو محترم وخلوق يعني بدي هيك راجل وما بعرف بدي رأيكم
انو هل فرق العمر هاد طبيعي
وفرق الطول عادي يعني ازا اخدت حدا انا اطول منو
بعرف انو الموضوع مش مرتب ولكن والله محتارة شو ارد
ارجوكم انصحوني من خلال تجاربكم وخبرتكم بالحياة والمتزوجات يقولولي هل هاد شي طبيعي وما هيسبب مشكلة بالمستقبل انو يخجل يطلع معي او العكس ؟؟
صليت استخارة قبل شوي ومستنية استشارتكم .

>>>>> ردود الأعضـــــــــــــــــــاء على الموضوع <<<<<
==================================


حبوبة

ربي يوفئك يارب وينورلك دربك وتختاري الصح

جوزي كمان في فرء عمر بيني وبينو .. فرء عمر كبير يعني
بالنسبة الي .. في بعض الاشياء الي منختلف عليا ..
بس كتيييييير مرتاحة معو .. لانو واعي وصاحب مسؤولية ..

حسب رأيي .. شباب هاد الجيل .. بتحسيون اصغر من عمرون ..

سدئيني فرء العمر الو ايجابيات والو سلبيات بس ايجابياتو اكتر
يعني السلبيات بتكون اشياء بسيطة .. وبتعدي ..
دائماً البنت بتكون اوعى من عمرا .. يعني لازم يكون في فرء عمر بيناتكون ..

هاي حياتك حبوبة .. مهم انو الواحد يحسب حساب لحكي الناس وسمعتو ..
بس هاد الشي مانو اهم من مستأبلك .. بالاخص اذا كنتي بتعرفي حالك ماعم تعملي شي غلط

يعني خطبيه اذا متل ما انا شايفة انو عندك قبول ..
وتعرفوا ع بعض ئدام اهلكون ..
لانو قرار الزواج مانو شي سهل .. هاد مصير حياة ..
وانتي رح تحسي اذا هاد هوي قدرك او لاء ..
ولاتردي ع فرء العمر ..

انا عم ئلك من تجربة شخصية .. اهم شي التفاهم ..

موفأة حبوبة .
......


__________________________________________________ __________

انآ برأيي الطول والشعر الابيض شي تافه صرآحه لان بلاول والاخير راح يطلع الشعر الابيض ومع تقدم العمر راح يقصر الرجآل وهذا الوآقع
صرآحه انآ برايي العمر منآسب دام انه كبير وواعي احسن ماتاخذين واحد بعمرك لازم تربينه عارفه جيل هل ايام صايع ونادر ماتلقين واحد فيهم عآآقل وهو بعمر العشرينآت

طبعا استخيري واسئلي عنه واذا ارتحتي وفكري الف مره حبوبه تراه زواج مو لعبه والفرصه تجي مررره وحده يعني لا تضيعينهآ اذا تشوفينهآ منآسبه

والله يكتب لك الي فيه الخير ويسعدك

مووفقه خيتوو


__________________________________________________ __________

فرق العمر بشوفه كويس
اما كلام الناس ارميه ورا ظهرك
شوفي اذا انتي ارتحتي له فتوكلي ع الله
موفقه


__________________________________________________ __________

حتى انا عندي عقدة من هالشغلة
انو يطلبني حدا اقصر مني ما بظن اني هوافق ابدا
بس هالشي مو معناه انك ترفضي كل حدا وقناعتو
وانشالله ربي يقدملك اللي في الخير


__________________________________________________ __________

استخيري والله يكتب لك اللي فيه الخير بس فيه شغله بنبه عليها ..

الثلاثيني شخص ناضج ومتزن وعواطفه تطلع بحكمه وعقل وحبه افعال وليس اقوال لو انتي رومانسيه رح تتعبين العواطف عندهم مو شي مهم اقصد في التعبير عنها ..

الهشي حبيت انوه عنه لان خطيبي ثلاثيني وفعلا مافيه اية عواطف لانهم كبار ..