عنوان الموضوع : أبى وحده عاقله وحكيمه -تم الاجابة
مقدم من طرف منتديات نساء الجزائر

أبى وحده عاقله وحكيمه



بنات أنا موظفه ومتزوجه من فتره طويله وعندى عيال الله يحفظهم


مشكلتى بزوجى كرهنى حياتى وانا بعد كارهته من كثر ما يؤذينى


تخيلو حامل ويجى يمزح معاى مزح جامد ويضربنى ع ظهرى واذا صحت جلس يهاوش انى ما افهم وإنه على حق اسلوبه عدم


واشياء كثيره يسويها من عصبيه وهواش ع العيال وبخل احيانا


اخر مشكله كنت مسويه انا وصديقاتى حفله بمناسبه نقلنا الوظيفى لمكان قرب مدينتنا فسألته قبل الحفله باسبوع هل بيوافق اكون معاهم ولا

قال ماعندى مانع قلت اوكيه وصرت انا وصديقاتى على قدم وساق ننظم لها الحفله وتعرفون خسرت عليها كثير بحكم انى ابى اطلع بالصوره المناسبه قدامهم من ناحيه التجهيزات والفستان والكوفير وكل شى يختص بذاك اليوم لاننا ما صدقنا ننقل من ذاك المكان يعنى بالعربى نبى نفرح ونستانس

وقبل فتره راح السواق حقى اجازه له اسبوعين وصرت اروح مع زوجى الصبح والرده مع صديقتى فقلت لزوجى قبل الحفله عشان يعمل حسابه انه هو اللى بيودينى لمكان الحفله قال اوكيه ومشيت على هالاساس


يوم جا موعد الحفله جا قال دبرى عمرك مانى موديك قلتله وشلون منت مودينى قال انا بسافر مع اخوياى اغير جو قلتله خلها بكرا لانك لازم تودينى وماعندى احد

قال مولازم تروحين تخيلو يابنات

وقمت اصارخ لا شعوريا وانخفض عندى الضغط تخيلو حامل ونفسيتى زفت وصرت ارجف

اتذكر التعب اللى تعبته عشان هالحفله والخساير اللى خسرتها وفوق هذا كله وعدى لصديقاتى لو إنه من البدايه رافض هالحفله كان هانت على

بس يجى باخر لحظه يخرب على

المهم بكيت وصارخت عليه وقمت اسب واشتم لانى فعلا فقدت الصبر بسبب انانيته قام يضربنى ويهاوشنى ويوم شاف إنى معصبه وماقدرت اهدأ قال خلاص بوديك وماخلا كلمه وسخه لين قالها حسبى الله ونعم الوكيل


تخيلو رحت حفلتى وانا بنفس مليانه حقد عليه وبنفس منكسره وحزينه


الله لايسامحه

موكفايه شايل يده من مصاريفى بحكم انى موظفه


بترك الحكم لكم خواتى صراحه فقدت احساسى بوجوده الحين ينام بجهه وانا بجهه واحس براحه فضيعه

وصلت لمرحله انه لو يطلقنى ما راح احزن لا عليه ولا على عياله

كرررررررررهته حسبى الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================


الصدق كلكم الاثنين غلطانين ناقشوا اموركم بهدوء مو بصراخ الله يهديكم


__________________________________________________ __________

اذا اناني مثل ماقلتي فها الاسلوب ماراح ينفع لانه راح يزيد عليكي شره نصيحتي طلعي الي بقلبك وقوليله كل الي بخاطرك بأسلوب هادي وبعدين الي يصير يصير


__________________________________________________ __________

عزيزتي الله يعينك على هال بلوابس ياعزيزتي انصحك لاتفكري بطلاق اطلاق هودمار الحياة ياعزيزتي انتي متوتره بسبب الضروف التي تعيشينها مبين الحمل وادوام والبيت والمشاكل عزيزتي فكري حال المطلقات عايشات بتعس يتمنن الزج الي يسترهن انا والله اني حاسه في معاناتك بس انصحك لاتفكري بطلاق ان اطلاق دمار واول مايبي يفرحون اعدائك عزيزتي اناجربت الحمل وتغير الهرمونات والضغوط النفسيه وجربت بعد عواجات الرجال الياقام الواحد يطالب علا الفاضي بس النصحك الياشفتيه معصب اسكتي حتا لو الحق معك لين تشوفيه يهدا ثم قولي له الله يهديك يابو فلان انت مافهمتني وابدي كلميه بهدو ترالرجال ماهم واحد بعضهم مايجيبه الا الهدو وبعض مايجيبه الا العصبيه عزيزتي وانتي ابخص بشخصيت زوجك تر والله بعض الرجال مايبي لحرمه ترفع صوتهاحتالو الحق معهايبيهابس تسكت انامجربه ببواعياليبس يقولي اسكتي اسكتي والله لو اطلبه اغراض للبيت وبعدين عرفت شخصيته وقمت اي شي ابيه الرسله رساله بسكات الاالياتهاوشناهوشه جامده التفاهم معه ونوب والله مايبي يسمعني ويطلع ماكمل كلامي والرسله رساله بس بتفاهم لابل مشلكل تقبلي تحاتي اختك المنصحه لك


__________________________________________________ __________

اختي الكريمة انتي عندك اطفال حتى لو تطللقي الاطفال راح يكونوا الضحيه ابعدي الطلاق عنك حبيبتي
حاولي معه فهميي ان في تصرفات تصدر منه ما تعجبك ولا تملي وتوكلي ع الله وصلي ودعي اله بالهدايه في جوف الليل واختي انا كمان مش راح انساك من الدعاء الله يسر امرك


__________________________________________________ __________

الطلاق لاااا ابد يبدو انه هذي اول مشكله تمر عليج صدقينى يمكن يمر الوقت وانتو متخاصمين بس راح ترجعونمثل اول دايما يحصل خلاف بين الازواج ويصل الى الشيطان الرجيم
خذي وقتج واذا جاء يصالحج لاترفضين ابد وحاولى انج تبينين له غلطه وانج ماتحبين انه يتكرر الغلط
والله يوفقج وياااااه ترى مالنا الا هم شئنا ام ابينا
لاتقولين اهلي ماراح يخلون قاصر على وعندي وضيفتى وش ابي به لالالا ماشي يغنى عن الرجال وخصوصا اذا فيه اولاد
طمنينى عنج يا قلبي