عنوان الموضوع : ليــش مــايــبــي؟؟؟؟ -تم الاجابة
مقدم من طرف منتديات نساء الجزائر

ليــش مــايــبــي؟؟؟؟



الســلام عليكــم ورحمة الله وبركاته

انا بنيه عمــري 23 سنه متملكه من 3 شهور ..
طاعت الوالدين واجب علينا كلنا صغير وكبير بس مشكلتي انـه زوجي رافض يسعدني ولا يسوي شي يونسني بس لانه احتمال (عمتي) مايعجبها الموضوع الي انا ودي فيهـ

دايما يقول انه هذي امه وربته وكبرته مابجي انا وباخذه بارد مبرد طيب من قالك اني ابي اخاذك منها ولا اغيرك عليها والله شاهد علي اني ادور رضى امه حتى انها فرضت علي اشياء انا ماني مقتنعه فيها بس رضيت عشان لايزعل مني..السالفه انه اهلي يبون يهدون شي وهو عباره عن حفله اعزم فيها الي ابي من صديقاتي وغيره وانا فرحت فيها لانه امي راح تتكلف فيها والي شجع امي انها شافتي كثير متحمسه للحفه قامت وشدت حيلها فيها..طبعا هذا كله نخطط انا واهلى لانه الحفله راح تكون من جهتنا..ماتوقعت انه راح يرفض الفكره لما اقوله..راح وقال انه امه ماتحب الطرب بالمره واذا انا عملت هالحفله اكيد امه مابتحضر..وبعدها الناس راح يتكلمون ..انا قلت له كلام الناس مايهمنا و (عمتي) هي حره اذا ماتحب الطرب انا ماقدر ارفض شي جاني هديه منهم واهلي استانسو لوناستي..قال لا انتي فكري فيها مش حلوه تعلين هالشي بامي..وانا قلت له ماقدر اعمل هالشي لاهلي مثل ماانت تعز امك انا بعد اعز امي..وكل ما افتح له هالموضوع يزعل ومايكلمني..ياناس والله ابي الحفله وابي رضاه ورضى امه..شورو علي ايش اسوي..كيف اكلم عمتي واقنعها لانه لين الحين هي عندها علم انه في حفله راح تصير وماعلقت على الموضوع نهائيا كل الي قالته انه خساره عليكم(على اهمل البنت قصدها)
الي مستغربه منه انه هي ماتحب الطرب تقدر وبكل بساطه تقعد في البيت ما اعتقد انه راح تقول لولدها لاتخليها تسوي الحفله

والله محتاره..
اول شي قولولي اتفاهم مع امه بالاول بعدين معاه ولا كيف..
واذا صار وامه قالت ايه مابي الحفله تصير شنو اقوللها..لانه الحفله من طرف اهل البنت مب من اهل المعرس..
ولو كبرت المشكله بيني وبيني بخصوص الحفله هذي شسوي؟؟؟


ردو علي الله يجزاكم خير والله انه اقلقتني من شهر

>>>>> ردود الأعضـــــــــــــــــــاء على الموضوع <<<<<
==================================


حبيبتي اول شي مبروووووووووووووووك وعسى ربي يتمم لك على خير

وبعدين انتي خذي المواضيع ببساطه

اهم شي انك تكوني سعيده في حياتك الزوجيه صح؟؟

طيب ام العريس ماتحب الطرب

شي حلو وزين .. انتي استغلي هالموضوع وخليها تحبك وتكبرين في نظرها

وبالمرة تكسبي رضا رب العالمين

بتقولي لي كيف

اقولك بكل بساطه.. خلي امك تسوي الحفله وتكون اول المدعوات فيها عمتك

وتقولي لها بنشغل اناشيد اسلاميه ((لاتكشرين))د

والله في اناشيد رهييييييييييبه جدا جدا وعليها يصير رقص وكل شي

انتي لاتعندين وتسوين لنفسك وجع راس من اولها مع اهل زوجك

وخليك دبلوماسيه في التعامل

وراح تلقس الليله عدّت ومن أبدع ما يكون ان شاء الله

والكل انبسط وأولهم عروستنا الحلوة اللي هي انتي


ربي يسعدك ويحقق امانيك


__________________________________________________ __________

يااااربيه هذي مشاكل زواج الاهل بكل شي يتدخلون..عشان عمتك لازم تجاملين واشياء كثيره من حقج تروح بنفسج..ترى مو جريمه لو سويتي حفله واستانستي مع صديقاتج..واذا عمتج تبي تحضر عادي ياهلا فيها ومسهلا..وخلوا مجلس بعيد عن مكان الرقص للعجايز يقعدون فيه يسولفون ويحشون براحتهم..من زمان وانا اقول مفروض يكتبون على كروت الدعوه ممنوع اصطحاب الاطفال والعجايز خخخخ<<لاتكفخوني مجرد دعاابه..بس بالنهايه هذولا اهل الزوج يعني مامنهم فكه..وانتي امسكي العصايه من النص وخليك سياسيه..خلي الوالده تعزمها..وقولي له انت ماعليك احنا حريم نقدر نصفي امورنا فيما بينا بس انت اطلع منها..اخاف هو اللي مو مشتهي الحفله ويتحجج بأمه..؟؟..عاد انتي حجريله واعزميها من وراه وشوفي ردة فعلها بعدين علميه..ياشين الرجال لاصار ماعنده راي من نفسه وبكل شي يقول امي وابوي..ماادري احسه بزر..بس موو مشكله اخذيه على قد عقله..وفرحيه..بحيث انج تشترين هديه وتغلفينها وبنهاية الحفل تهدينها لامه..لان سيدنا محمد صلى الله عليه وسلم يقول تهادوا تحابوا..وقوليله انج بتهدينها هديه بلكن يلين شوي..وربي يسخره لج ياارب..ويهدي فيما بينكم ويوفقكم..


__________________________________________________ __________

اتناقشي انتي معا عمتك وحولي تقنعيها ولو رفضت خالي الطرب اسلامي يعني انشيد اسلاميه والله يعينك وسيعدك دنيا واخره..


__________________________________________________ __________

حبيبتي انا رح احكي لمصلحتك ويمكن تزعلي لكن الطرب والموسيقى حرام ليش تبدي حياتك الزوجية بأمر يغضب الله بإمكانك تعملي الحفلة اسلامية وتعزمي حماتك فتكوني رضيتي ربك اولا ثم حماتك وزوجك وهيك بتكبري في نظر زوجك ان شاء الله اكون افدتك واتمنالك السعادة في الدنيا والاخرة


__________________________________________________ __________

على فِكره ..
احب انبهِك لشي جدآ مهــــم ..
المشكِله مآهي مشكلة حفله المشكله اكبر من كِذه ..
(وش اللي تآخذي زوجك بآرِد مبرَد؟؟)
فكــري فيهآ ..
لآي مدى متسلطه عمتك هذي؟؟
من بدآيتهآ قآلت كذه طيب بعد الزوآج وش بتقوول ؟؟
بعدين زوجِك "آسمحيلي" الوآضِح عليه (مآله شخصيه) عند امــه !!
هذي مشكــــــــله كبييييره ومصيبه كمــآن ..
يعني لمآ تتزوجو امــه بتتدخل بحيآتكم في كل صغيره وكبيره بتعفسكم عفس !!
لآزِم تشوفي حَل لهالمشكِله فآتحي زووجِك بالموضووع وفهميه ان لمن تتزوجو لآزم يستقِل ومآ يكون تحت سيطرة امــه ..

بالنِسبه للحفله ...
(لآزم تكوني شوي صآرمه مع زووجِك) وتفهميه انك تطيعي اهلك مثل مآيطيع اهله
وإن هالحفله من عندهم ومآتقدري ترديهم وفهميه ان هالحفله بتتم (بإصرآر) <-- لآزم تفرضي شخصيتك من البدآيه عشآن يضربلِك حسآب .
وفهميه ان امه مجرد معزوومه والحفله ماتتوقف عليهآ وإنك منتي ملزوومه بكلآم النآس إذآ مـآحضرت حبت تحضر حيآهآ الله مآحبت تحضر شي رآجعلهآ ..
موفقــــــــــه إن شآء الله ..