عنوان الموضوع : جاهله وماعرف شي بالدنيا -لصحتك
مقدم من طرف منتديات نساء الجزائر

جاهله وماعرف شي بالدنيا



السلام عليكم .انا بنت عمري24
عندي خوات متزوجات وأخت وحده ماتزوجت وأخو واحد مريض نفسي / وامي وأبوي )
انا جاهله ماعندي غير شهادة المتوسطه_ومن خمس سنوات تركت الدراسه بسبب أبوي ظلمني بشي ماسويته ومن بعدها طابت نفسي عجزت احب الدراسه على اني كنت فرحانه بأولى ثانوي _الحين انا مخطوبه و زواجي بإذن الله نص شهر خمسه __ اخوي مريض وشكاك وأبوي طبعه صعب يبي يمسح شخصياتنا وتفكيره قديم يحسب كل شي مثل زمن أول_احنا مانطلع السوق إلا برمضان نقنع ابوي يعطينا فلوس _نشتري للعيد يعطينا250واخواتي المتزوجات يعطونا احيانا _مانطلع السوق عيب عند ابوي البنت تتعود ع الطلعات_نوصي خواتي يشترون لنا_ اتذكر عيد الاضحى الي طاف عطانا فلوس وفرحنا و بعد رحنا الملاهي وبعدها بشهر جت عزيمة زواج ومارضى يعطينا قال انا عطيتهم فلوس للعيد وللملاهي ماعندي اعطيهم بعد / عبايتي هذي والله عندي من كان عمري19 قديمه وحتى نقاب ممنوع _واختي بعد ابوي فصلها لانها ارسبت بأولى ثانوي_يحسب الحياة بس أكل و نوم_ حنا نبي نتعلم_ والله انا استحي ارفع عيوني بعيون بنات عماتي دايم نجلس لحالنا بالعزايم مايحبوننا لان ابوي دايم يهاوشنا ع أتفه الاسباب قدامهم احسهم محتقريننا _وبعد عشان ملابسنا مو كشخه إلا أقل من عاديه_ يغصبنا نروح لعزايم أهله مايدري اننا نروح والعبره بحلوقنا آه ياربي ليش كذا _وممنوع الجوالات _خواتي جايبين لنا من ورا ابوي واخوي _ انا ودي اروح السوق واشتري ملابسي ع ذوقي مو ذوق اخواتي_ نفسي ادرس أو اشتغل _ليش حنا مومثل كل هالبنات _انا استحي اسولف مع صديقاتي بالجوال لاني ماعندي شي اقوله_ وش اقول؟__بقول شي يمكن تضحكون فيه شي اسمه موكا _والله العظيم ماعمري ذقته غير بعيدالاضحآ بالملاهي / انا الحين مدري كيف ابشتري اغراض الزواج؟ اخوي اذا رحت معاه شكاك وابوي ماراح يخليني اشتري شي غالي_ آه بس نفسي امشي لحالي بالسوق بس مره وحده بحياتي واشتري براحتي_ _تدرون ماعندي اسلوب اتكلم مع الناس مدري كيف زوجي بيستحملني_ ضايق صدري مليت من كل شي _ يوم كان ماعندنا تلفزيون كنت اكذب ع صديقاتي واقول اصلا انا ماحب اتابع التلفزيون ويوم ماعاد رحت للمدرسه اقولهم انا ماحب المدرسه وانا اتمنى بس ابوي _ واقولهم انا احب جلسة البيت ماحب الطلعات وانا اكذب / افكر اخلي اخواتي يجهزون لي اغراضي آه حتى بزواجي بلبس من ذوق اخواتي_ نفسي اهتم تشكلي انا حتى كريمات لجسمي ماعندي واشيا كثيره ماعندي بس الحمدلله انا احسن من غيري / كتبت هالموضوع عشان ارتاح نفسيآ واتمنى احد يرفع معنوياتي /رجاء لاأحد يدعي على أبوي واخوي مهما كان هم أهلي

>>>>> ردود الأعضـــــــــــــــــــاء على الموضوع <<<<<
==================================


الله يعينك خيتووو ومبرووك مقدماً .. خلي خواتك يشترون الك على ذوقهم ومن تكونين فبيت زوجك وتكونين متحررة من تسلط ابوج واخوج تشترين الي تحبي وتبي ,, وحاولي تأقلمين وضعك بيت زوجك حتى ماتصير مشاكل وترجعين بيت حق اهلج .. حاولي تكسبين زوجك من البداية وربنآ معاكي خيتوو


__________________________________________________ __________

الله يفرج همك وكربك يارب اوافق كلام اختي الماسه كلامها صح


__________________________________________________ __________

الله يسعدك دنيا واخرة تحمليهم وجزاك الجنة ان شاء الله


__________________________________________________ __________

الله يفرجها عليك وعلي وعلي جميع المسلمين
بتتزوجين وبترتاحين الله يسعدك


__________________________________________________ __________

مبرووووك خيتووووا مقدمااا
ومالك وانا ختك غير الصبر
وانشالله ربي يعوظك خير
ويسعدك في حياتك الزوجيه
بس حاولي ان ظروووفك وحياتك مع اهلك ماااتاثر على حياتك الزوجيه
وحاولي على قد ما تقدرين يكون ماضي وندفن
وكمان ماشاكلك مع اهلك لا يطلع عليها لا زوجك ولا اي مخلووووق في الدنيا
ونشالله تكملين دراستك لما تتزوووجين انت باقي صغيره لا تشلين الهم من اليووووووووم
الله يوفقك ويسعدك
ويهدي اهللك