على بدايـة السنه تحذفت المصايب علي !!!!!!!
عنوان الموضوع : على بدايـة السنه تحذفت المصايب علي !!!!!!!
مقدم من طرف منتديات نساء الجزائر
على بدايـة السنه تحذفت المصايب علي !!!!!!!
8بسم الله الرحمن الرحيم
السلام عليكم ورحمة الله وبركاته
كيف اموركن خواتي؟؟
والله تـوني صغيره 18 سنه وهالايــام هموم×هموم
والله تعبت نفسيتي
موعارفه من وين ابتدي مدري هي كثيرره ولا انا يس اشوفها كثيرررره
ببدآ بـ اول شي
فيــني خوف بـ ليلة داوم الجامعه وتوتر شدييييييييييييد واحاااتي كل شي
وبالصباح لجلست اعصابي مشدوده ومتشنجه حالتي وعصبيه ومااتحمل اسمع صوت خفيف
والاختبارات الشهريه مرررررت والله احس مرت مثل الموس بحلقي
مااقدر اذاكر مااحب امسك الكتاب اجس شي يبعدني عن المذاكره
اطفش ويضيق خلقي والله احاول اغصب نفسي على المذاكره نفس ايام ثنوي وامشي الحمدلله
اما الحين اجبر نفسي مو قاااادره وبـ ليلة الاختبار امرررض فجأه وقسسم
والله لازم يجي شي يمنعني عن المذاكره
وكل درجاتي متدنيه عكس ثنوي
واصلآ الاسئله سهله وانا مخي مفهي وضاااااااااااااااااااااايع ومااقدر امسك المعلومه
وبعد اسبوع الاختبارات النهائيه ...و اسووي ابي رايكم علاجكم؟؟
=============================
ثاني مشكلــه صديقتيصديقة العمر
اللي احبها اموت فيها وهي بعه نفس الشششششي
والله احسبها بوقتي وشغلي وحتى مشترياتي
حتى اهلي يعرفونها عددددددددل ومن يشوفوني اسوي شي قالو اكيد لخويتك
شريت شي قالو اكيد لها ووووووووووووووووووو حيل حيل حنا مع بعض
ممممم هذا اايام ثنوي ..دخلنا الجامعه مع بعض وهذا حلمنا نكون مع بعض
وللاسف دخلنا وياليتها ماصارت معي كان عذرتها شوي
تتجاهلني ..ماتتصل فيني...ولو رساله نوو ..عاتبتها صارحتها وكل شي وهي ولاهامها
وعرفت وفهمت انها خلاص تبي تتركني ..وانا بعد كرامتي اهم منها
لاتقولون عذريها ظرووف وحاله ..حبايبي انا اعرفها واعرف اهلها زييييييييييين
تخيلووو حتى اخوها ملك ماقالت لي ..واختها ملكت ولا قالت لي ...بس تقول اذا اخذت المناسبه عليها شهر اوشهرين ..امممححق تخاف من العين
والله مقهووووورررررررررره منهاااااااااااااا ابي انساها خللااااااااااااااااص
شسووووووووووووي ؟؟ والله ماتستاهل احلى ايامي معها اااااخ بس
---------------------------------------
المشكله الثالثه :خطيبي(ولــد خالتي)
طبعآ هو بدا وحبني قصصصصصصصصصصصصه
مممم انا حبيته كمان واهله لمحو لنا وفهمنا خلاصص
المهم انا عرفت ان عنده حساب بالفيس بوك ودورت عليه ولقيته
تخيلوووووو شنو شششششششفت آآآآآآآآآآآآآآآآه
كاتب هذا رقمي اي شي تبونه انا حاضر
خييييييييييييييييير هذول اهلك مكلف فيهم>>بيني وبينكم احس يبي يغازل بس باحترام
وكمان كاتب خابرين لي زواج مسيار اتصلو على جوالي اوكيه 0569....
يمآآآآآآآآآآآآآآآهبموت وش ذااااا
والله الدنيا خيانه بخيانه ليه كذاااااااااا
وعلى فكره انا حلفت مااخذ من عايلتهم ولا من المنطقه اللي هي اصله منها
وبعدين حلفت مااتزوج مرااا وحده ..............والله جنيت مو دنياااااااااااا
يارب ذي الجمعه تقوم القيامه مو قادره اتحمل هالدنياااااا
سلام
>>>>> ردود الأعضـــــــــــــــــــاء على الموضوع <<<<<
==================================
اوب صح باقي المشكله الرابعه ولعلها الاخيره
فيني اعراض قولون واحرااااجات بالمحاضره اذا داومت ..فشييييييييييله والله
وتزيد مع البقول والحليب ومشتقاته
وماقمت اشرب او اكل الاشياء اللي تسبب لي مفجرات بالبطن
تيب انا اقلق مشان المستقبل وانا حامل يعني معقوله مارح اشرب حليب والسبب القولون عندي واصوات
مو حاله ذي
وبعدين على ذي السنه ملكتي شسوي لو جلست مع خطيبي وفجأه بطني صررخ وفرقع يمااااااااه فشله
واذا تزوجته وبنام معه وبطني طييييييط وواااااااااااااق حااااااااله الله لايبليكم مابلاني ولا تععععععععععب
ابي حل علااج
لان المستشفى اللي عندهم مهدئات فققط ماعندهم حل قاطع
__________________________________________________ __________
خيير وش تحسين ترا بقوم وعطيك كف يصحص مخك المقلوب
صديقتك بلعنه فيه احسن منها
خطيبك هههههه كل ارجال كذا ايذا تزوج بيعقل
وخوفك خوذي كاس ليمون ودغيه عسات المر وبترتاحين
اي قيامه يامال الوجع
واي مشاكل هذي مشاكل الحمدالله وشكر احمدي ربك
وتذكري ان تكرهو شي فهو خيرا لكم
يالله طسي
__________________________________________________ __________
يمممممممممممممممممممه
وشهالمشاكل اللي مالها حل؟؟
لو انا كنت بمكانك اقول لأهلي وجهوني على القبله ورددوا الشهاده بوجهي .. خلااااااص انا راحله
هههههههههههههههههههههههههه
امزح معاك بس حبيبتي
ياعمري كل اللي حكيتيه مشاكل بسيطه جدا
راح نتناولها وحده وحده
حلوه نتناولها صح؟؟
شوفي حبيبتي
بالنسبه للمذاكره استخدمي ورقه وقلم واكتبي اي معلومه تذاكريها.. راح تشوفيها انطبعت بمخك ولا عاد تنسيها
بالنسبه لصديقتك هذه ولا يهمك منها عزيزتي
من باعنا بعناه لو كان غالي.. هذا الكلام تعلمته منكم حبيبتي
وانا اشوفه كلام حلو
بالنسبه لخطيبك هذا التحفه اللي ناشر رقم تلفونه ويبحث عن زواج مسيار.. هذا محتاج كلمتين ثلاثه ينسوه العافيه منك او من والدتك عشان يبطل يلعب بذيله
حلوه ذيله صح؟؟
يمممممممممممممه
الولد صار عنده ذيل من يوم اللي حبك وخطبك
شنو سويتيله وصار عنده ذيل؟؟
هههههههههههههههههههه
دمك عسل وعجبني امزح وياك
طيب الان نجي على موضوع النفخه اللي بالبطن
ياعمري تجنبي اكل كل مايسبب تجمع الغازات بالبطن
وان كان ولا بد كلي بعد اي وجبه تسبب الغازات ملعقة كوب من حبة البركه
راح تشوفيها تريحك
الان نجي على موضوع الحمل المستقبلي وكيف راح تحملين وماتشربين حليب
والطفل راح يكون معوق لا سمح الله او ناقص ايد او رجل
بالله هذا حكي؟؟
عزيزتي .. الى هذاك الوقت يحلها الحلاّل .. والطبيبه تكتبلك على فيتامينات ومقويات تساعدك .. زوجة ابني هلكتنا بموضوع الاكل في فترة الحمل ..احترنا واحتار زماننا ويانا عشان تاكل وتشرب حليب ولا من مجيب ..الان تعالي شوفي حفيدتي .. تقول للقمر قوم وانا اقعد مطرحك
واذا عندك مشاكل اخرى ياعزيزتي نبهيني عليها .. وكلنا تحت امرك ونساعدك
ربي يسعدك ويوفقك
تحياتيييييييييييييييي
__________________________________________________ __________
باكيزااا مشكوره لبى قلبك
واللي فوقهااا ...بعض الكلمات منك مابلعتها ياليت تتلطفين شوي
__________________________________________________ __________
المشاركة الأصلية كتبت بواسطة مشكلتي 
باكيزااا مشكوره لبى قلبك
واللي فوقهااا ...بعض الكلمات منك مابلعتها ياليت تتلطفين شوي
العفو حبيبتي
ولا تاخذين على خاطرك من مشاركة العضوه مشكلتي
تراها تمزح وياك
انا ضحكت كثير من قريت مشاركتها
وكنت ناويه اكتب مشاركه مخصوص موجهه لها
ترى باين ان دمها عسل وتمزح وياك
وانا فهمت مشاركتها على انها تلطيف للجو وليس اساءه
تحياتيييييييييييييي
رد مع اقتباس
