عنوان الموضوع : مشكلتي مو مشكله!.. ادخلوا الله يسعدكم -لصحتك
مقدم من طرف منتديات نساء الجزائر

مشكلتي مو مشكله!.. ادخلوا الله يسعدكم



السلام عليكم و رحمة الله وبركاته
اتمنى تقرأون قصتي زين و تحكمون مين الغلطان..؟ انا عشت قصة حب قديمة مع ولد عمتي بالطفوله
انا كنت تقريبا عمري 12 سنه وهو 17 كنت احبه من وانا صغيره بس ما كلمت احد الا اخته اللي كانت بعمري
وكانت قريبه مني.. بعدين هو ارسل اخته تقولي انه يحبني وانه متعلق فيني وكتب لي رساله بجواله كلها احبك يا فلانه
اهواك يا فلانه ..الخ.. انا أكيد فرحت بس قلت لها لا تردين عليه .. كان يحبني بجنون حتى انه كلم اخواني واذا جا اخوي
عندهم يقول جيب اختك معاك.. يعني اهلي واهله يدرون ان فلانه لفلان وفلان لفلانه.. كان يحتفظ بأغراضي بالسر
وما كنا نكلم بعض لا بالجوال ولا بالايميل ولاشي الحمدلله.. لما تخرج هو من الثانوي حسيته تغير صار ما يجي بيتنا
وقلبي حسسني انو في شي صاير.. بعدين اكتشفت انه (يكلم بنات!).. وانه على علاقه مع وحده اجنبيه ساكنه بالرياض
وسافر يقابلها!!.. انا انفجعت بس قلت قلعته.. وكنت اسبه قدام اخته وطلبتها تجيب اغراضي اللي اخذها مني بدون علمي
وكانت تتعذر وما جابتها.. مرت السنين وانا تجي علي فترات كثيره افكر فيه ومرات حسيت اني (باقي احبه).. ومرات ادعي ربي انه يصرفه عني لاني ما عدت اثق فيه.. كنت مشوشه مرره
لحد ما صار عمري 18 وهو 23 سمعت انه خطب بنت جيرانهم!! ..لما سمعت الخبر وكأن واحد عطاني كف على وجهي
بس ما بينت اني مصدومه.. شعوري هذاك اليوم مو حزن.. ولا فرح.. مدري كيف اوصفه شعور غريب
بس اكثر شي جرحني شكلي بين العيلتين!!.. كلهم كانوا يدرون اننا نحب بعض وانه واعدني بالزواج بس لما خطب
حسيت ان شكلي غلط.. وكأنه تركني بعد ما وعدني.. كسرني بعد ما حبيته وحبني.. حسيتهم يناظرون لي بنظرات شفقه
خصوصاً لما اخواته يتكلمون عن خطيبته وانا ما ادري عن مين يتكلمون.. ولما اسألهم يقولون فلانه ويناظرون وكأنهم ما
يبون يجرحوني... حطوا نفسكم مكاني بالله!..بعد خطبته جاني اكتئاب بس ما عرفت سببه رحت عند طبيبه نفسيه
قالت لي انه هو السبب هو اللي لخبط لي حياتي وتفكيري.. بس انا انكرت لانه ما جا فبالي انه هو السبب ابداً!!
كنت اظن سبب الاكتئاب هو الوسواس القهري اللي كنت اعاني منه وربي شافاني منه الحمدلله.. مرت الايام
وتحدد زواجه.. ما كنت ابي احضره ابد.. اخاف يراقبوني ويشوفون رد فعلي.. مع ان والله ان حبه مااات
جرحني جرح قلب حبه الكبير كره اكبر منه!! امي قالت لازم نحضر قلت بقلبي امري لله.. وجهزت حتي الفستان
.. ما ادري ليه تركني؟! ما كلمته وكنت اتجنب احتك فيه ومره جاب لي ورده ورجعتها له.. مع اني كنت احبه بجنون
واللي اعرفه ان الرجال يحبون البنت الثقيله!!.. وانا الحمدلله حلوه وهو عارف شكلي من زمان.. واحلى من خطيبته.
اليوم الصبح سمعت انه فسخ الخطبه وانه الغى موعد الزواج بسبب مشكله سببها اخت خطيبته.. لما سمعت الخبر خفت
وفرحت!! خفت انه يتقدم لي وابوي اكيد ما بيرفضه لانه يبي يزوجني ولانه ولد اخته.. وفرحت لانه انكسر قلبه زي ما هو كسر قلبي!!
وعيوني دمعت من فرحة النصر!! الحمدلله انا ما احب الشماته لكن كسر قلبي كسر فظيع وعميق! وهو الحين صار فيه
زي ماصار فيني ..صار له سنتين خاطب ويكلم خطيبته.. يعني اكيد حبها وتعلق فيها!.. ادري اللي كتبته مو مشكله
لكن فرحانه بالنصر! وابي اكلم حد بقصتي بس بسألكم يحق لي افرح للي صار له؟! مره احسها شماته ومره اقول لا يستاهل!
ولو جا وتقدم لي لا قدر الله اكيد بأرفض.. كفايه اللي راح من كرامتي!.. ولو ابوي غصبني بأقول له ولاخواته اني ما ابيه
خلاص قلبي كرهه وحقد عليه..
ربي عوضني عن(..) بزوج صالح يعوضني ما نقصني من حنان.. زوج صالح تقي نقي يخافك يالله.. ويخافك فيني
ولا ينظر لغيري.. انا ومن قرأ قصتي ومن قال آمين..
رجاءً علقوا على موضوعي .. وبدون تعليقات جارحه الله يحفظكم.. دعواتكم ان ربي يرزقني بالزوج الصالح
اللي يعوضني عن ولد عمتي.. وشكراً

>>>>> ردود الأعضـــــــــــــــــــاء على الموضوع <<<<<
==================================


الخيره فما اختار الله
يمكن انج تحبينه واهو شر لك
لاتشتمين بأحد


__________________________________________________ __________

الحسيتي فيه احساس طبيعي انت حسيت انو جزء من كرامتك اترتدت ليك وصدقيني كلنا مرينا بظروفك بس انت احمدي ربك انو انشفي ولو قليل من قليلك عليه وانو الايام نصفتك وصدقيني انت الان حتحسي براحة كبيرة وحتحسي انو اترد ليك اعتبارك خاصة وسط اهلك واهلو بنصحك ما تستعجلي في الرد اي كان وختي في بالك انه ممكن ما يطلبك للزواج عشان ما تتفجعي للمرة التانية وربنا يرزقك بابن الحلال ان شاء الله


__________________________________________________ __________

لايا اختي لاتشمتين ويمكن فعلا ربي نصرك
لكن بقولك لاتنسين انه لما حبك كان عمرة 17يعني في سن مراهقة سن الواحد ما يعرف وش يبي وحب المراهقة مايدوم ويصير ذكريات جميلة
وهو ما غلط تصرف على حسب طبيعته ولما نضج وحب يتزوج حب يتزوج وحده ما يعرفها لانه يعرفك ويمكن
شاف منك اشياء ما تعجبه في البنات
باختصار التمسي له العذر وحطي نفسك مكانه لو جاك واحد احسن منه ويحبك موكنت بتوافقين
ونصيحة اذا يخطب لاتوافقين لاني بصراحة انا من الناس اللي ما يأييدون زواج الاقارب لانه كله مشاكل
وتفريق بين الاهل
وربي يكتبلك الصالح والخير


__________________________________________________ __________

حبيبتي لاتتعلقي بأمل ان ممكن يجي يخطبك عشان ماتنصدمي لو كان بيجي كان جاء من البدايه وانتي قدام عينه وطبيعي ان مشاعر المراهقه تتغير مو شرط يحبك ف المراه ويحبك وهو ناضج وبالنسبه للشماته لاتتشمتي بالنهايه هذي مشاعره واختياره وهو المسؤؤل عنها

اسفه قلبوووووووووو اذا قسيت عليك بس قلتلك رايي بكل صراحه لأني مريت بنفس تجربتك مع ولد عمتي


ودي ~


__________________________________________________ __________