عنوان الموضوع : زوجي بخيل ...... الطبيب يجيب
مقدم من طرف منتديات نساء الجزائر

زوجي بخيل ......



بسم الله الرحمن الرحيم
عزيزاتي وأخواتي
وجدت عندكن النصح والعقلانية عند طرح المشكلات والرد عليها وهذا ما شجعني على طرح مشكلتي
أنا سيدة متزوجة منذ 18 سنة وعندي أولاد والحمد لله
أعاني من بخل زوجي علي فهو لا يعطيني مصروف مثل باقي الحريم
وتعرفون متطلباتنا حنا الحريم ..مع العلم انو حالتنا المادية وسط يعني زوجي مو غني .
كل كم شهر وبعد زعل ومطالبات يعطيني مية ريال ومدري هالمية شتسوي؟؟؟
والله اني يوم أروح لأحد اظل بعباتي مع العلم اني ولله الحمد الله معطيني جمال ولا تقولولي انو المظهر مو مهم والله ادري لكني يوم اشوف هالحريم لابسات ومتكشخات أحزن على نفسي وأقول أنا وش ناقصني
العيد ما يمر علي زي الناس .نادراً ما أري للعيد أو غير مناسبات ..
والزواجات أجلس بعباتي مستحية أحد يشوفني لأي نادراً ما أحصل لبس
يمكن تشوفون هالمشكلة بسيطة لكن والله انها تجرحني وتحطمني من داخلي حتى صرت ما أحب أطلع للمناسبات ...
والمشكلة ياليتها وقفت عندي ...ااه
المشكلة انو بنتي حبيبتي اللي هي بكري ..بنتي الرائعة الجمال ..الناعمة الهادية المحبوبة من الجميع صارت بنت 17 سنة وتعرفون البنات بهالعمر ودهم يلبسون ويتكشخون لكن هي مثل معاناتي أبوها يالله يعطيها بالأشهر مية أو ما تحصل شي ..والله اني أوفر الخمسة والعشرة وأجمعها وأشريلها بلوزة أو تنورة .. والحين عندنا كم عرس بالعطلة ورفض يعطيني مصروف والمشكلة زواجات ناس أقاربنا يعني ما أقدر أغيب وما عندنا شي نلبسه ويوم أقولله لازم نشري لبنتي أقل شي يقول مو ضروري روحوا بثياب البيت ؟؟بالله عليكم شلون أتعامل معاه ..ولا تقولولي وين أهلك لأن أهلي بغير مدينة
وحالتهم على قدهم وأستحي أطلبهم
معليش أخواتي طولت عليكم بس غصب عني الكلام طلع ما قدرت أكتم مع العلم إني كتومة وما أشكي لأحد لأني أستحي مرة

>>>>> ردود الأعضـــــــــــــــــــاء على الموضوع <<<<<
==================================


السؤال كيف صبرتي عليه كل هالسنين صراحة الله يعينك مالك الا انك تضغطين عليه او تخلي احد مهم يتفاهم معاه وانا اشوف انك ما دامك صبرتي عليه كل ها السنين صعب يتغير لاكن مافي شي بعيد عن الله الله يسخره لك وعينك عليه بس انتي اضغطي عليه وادعيله الله يهديه


__________________________________________________ __________

عليكييييي بصبر ودعاء وقيام الليل بخشوع ويكون عندك يقين الاستغفاااااااااااااار ثم الاستغفااااااااااار لاتتركي ابداا والللله ثم والله مفعووووووووله عجيب


__________________________________________________ __________

الله يكون بعونك


__________________________________________________ __________

في البداية الله يكون في عونك
لكن هل تستطيعين ان تأخذي منه مال دون علمه ؟
مع العلم ان هذا حلال وليس بحرام ولا تعتبر سرقة فقط خذي منه المال بقدر حاجتك ومن دون علمه
لكن اختي لا تأخذي منه مبلغ كبير مثلا كل يومين ثلاثة خذي 10 ريال وجمعي وربنا سوف يبارك لك بهذا المال


__________________________________________________ __________

بصراحــــــــــة أختي الغلط منـــــك أنتي ... ولاتزعلين مني ... أنا قلتها من القهـــــــر..
المهم وضعكـ كذا موووووو حلــــو ومووو مريــــح لو أنا بدالك طقيــــــت من الهم..
ومبين من كلامكـ إنك خجولة وصبورة ,,, الخجل حلو في وقته والصبر له حدود,,
فهمتيني؟؟؟
اطلبيه باللين ..مانفع اطلبيه بشده شوي ..وفهميه عن احتياجاتك واحتياجات بنتك كمان وان صورتك قدام الناس تعكس صورته هو كمان .. ولو قالك وش عليك من الناس قولي له أنا عايشه بوسط هالناس وما أرضى أكون أقل منهم .. وذكريه بحديث الرسل صلى الله عليه وسلم ,, إذا أنفق الرجل على أهل بيته فهي له صدقه,,
وأبغاك تحطي ببالك إنك راح تتعبي معاه لين يتغير لأنك انتي الله يهديك اللي ساكته وصابره من اول...
على فكره حبيبتي هذي من ابسط حقوقك انه يصرف عليك وعلى عيالك وتعيشوا حياتكم ... أعرف ناس والله على قد حالهم بس أزواجهم في المناسبات والأعياد مايبخلوا عليهم حتى لويستلفوا ...
في النهايه إذا مانفع معاه الأسلوب .... دخلي واحد من أقاربكم ‘عـــادي لاتستحين خليهم يشوفون مع زوجك حل ... مو أحسن من أنه يشوف وحده غيرك تكشخ وتلبس ويمكن يتزوجها عشان كشختها وانتي السبب في اهمالك في نفسك وسكوتك على بخله ’ سامحيني بس مقهوره عليكـ

الله يسخره لك ان شاء الله ويغيره للأفضل يــــــارب