عنوان الموضوع : تعالوا احكيلكم زوجي ايش عمل وبالاخر ضربني ..
مقدم من طرف منتديات نساء الجزائر

تعالوا احكيلكم زوجي ايش عمل وبالاخر ضربني ..



تعالوا احكيلكم زوجي ايش عمل وبالاخر ضربني ..

بتمنى الاقي عندكم طول بال ورحابة صدر وتسمعوني لاني تعبانة نفسياً وجسدياً (( حسبي الله ونعم الوكيل ))

من حوالي 8شهور صارت مشكلة بيني وبين زوجي تركني في بيت أهلي وراح وماسأل عني قضيت شهر بحاله كان مرات يتصل فيني وكل مرة كان يسب ويخانق وما خلا شي ماعملوا من ناحية اهلوا ماحد فيهم سأل عني لا انا ولا ابني ولا حتى بالتليفون بصراحة زعلت واخدتها في نفسي .. اهل زوجي عايشين ببلد تاني وبنكلم بعض بالموبايل بس اخته متزوجة وعايشة بنفس المنطقة يلي احنا فيها .. المهم انحلت المشكلة وارجعت بس كنت حاسة ان زوجي مش صافي وفعلاً مامر يوم واتخانق معايا خناقة كبيرة وماخلا شيء ما حكاه (( على فكرة زوجي لسانة سليط جداً ومابيراعي مين قدامه حتى لو شخص عمره 70 سنة وهدا الشيء اللي بكرهه فيه ))
المهم عدت الحكاية وفي يوم قلتله خلينا نروح نزور اختك مع انهم حتى سؤال ماسألوا عني وانا كنت قلتله هما ماسألوا عني وانا خلاص مابدي اكلمهم ولا أزورهم .. طبعاً زوجي المحترم فرح كتير وماصدق على طول رحنا .. والله يابنات ان اخته استقبلتني بوجه ناشف وطول ونحنا قاعدين ماحكت معي كانت تحكي مع زوجها واخوها بس وانا ولا كأني موجودة ورجعنا بيتنا وماحكيت شي لزوجي لانه المفروض لاحظ بس طبعا بيطنش مادام الموضوع ضد مرته .. المهم أخته تكون راضيه
بعد أقل من شهرونص في يوم قلتله بدي احكي معاك بخصوص الخلفه والحمل (( انا عندي ولد وحيد عمره 3 سنوات ونص وربنا مارزقنا بعدها )) يومها لو تشوفوه متل المجنون صار يصرخ علي ويقولي انا مابدي خلفه منك ولولا هالولد كان من زمان رميتك وانت بدك تربطيني بالاولاد وانا مش متحملك وو و ... كلام كتير صعب وقاسي صرت ابكي بهستيريا انصدمت من اللي قاله (( طبعا الكلام كان كتير بس انا هحاول اختصر )) قلتله خلاص مادام هيك شعورك طلقني وهادي اول مرة بحياتي انطقها الكلمة )) قلتله بدي اروح عند اهلي قالي هطلقك بس مش هالحين واذا بدك تروحي عند اهلك خلي ابوكي مش اخوانك اللي يجي وياخدك ... تاني يوم الصبح اتصلت بأخوي اللي بيدرس في منطقتنا وقلتله جيب تكسي وتعالى وصلني عند اهلي .. اهلي ساكنين بمنطقه بعيدة شويه عننا .. اخويا الله يسامحه اتصل بابويا وقاله.. ابويا قال خليكي وانا جاي اشوف ايش المشكلة لما جاء ابي واخي الكبير قالوا احكي كل شيء وماتخبي (( طبعاً زوجي المحترم من النوع اللي مابيحافظ على اسرار بيته نهائياً واي شيء يحصل بينا مشكله ولو بسيطه بيحكي لأهله واصحابه وأهلي والمصيبة الأكبر انه بيكذب )) المهم حكيت اللي صار .. قام زوجي صار يصرخ ويقول كذابه انا ما قلت كذى وجاب المصحف وصار يحلف عليه والله يابنات حلف كذب .. صدقوني مظلومة . المهم ابويا قال خلاص ماصار شي لانه عارف زوجي كداب والناس كلهم عارفينه .. سالنا اذا كنا بدنا نضل مع بعض ولا لأ كل واحد فينا قال بدنا نضل عشان ابنا ابي قاله خليها تيجي معانا تغير جو .. بعد يومين لقيته بيتصل بيهددني اذا ما جيت قبل نهاية الاسبوع ما افكر اني ارجع تاني وقالي ابوكي هو اللي يجيبك ويعتذر مني كمان .. وصار يتصل في اخويا ويسب في اهلي وفي ابي واخواتي ويحكي في كل مكان عني انا مرته ويقول قالت وعملت وسوت كلام كتير كنت انصدم لما اسمعه وطبعاً هادا كله واهلوا مافي واحد فيهم رفع السماعه اقل شيء وسأل عني وعن ابني اجا العيد أخته جت تعيد على اقارب زوجها في نفس المنطقة اللي فيها اهلي والبيت خطوات جنب البيت تخياوا ماجت تسأل عني او عن ابن اخوها ولا حتى تعيد على أهلي قعدت شهرين ماحد سأل وكان لما يتصل ماعنده غير يسب فيا وفي أهلي ويهدد مرة بالطلاق ومرة يقول هتجوز وحدة تانية واخليكي معلقة واذلك .. كل هادا وكنت طول الوقت ادعيله بالهدايه وادعي ربنا يحل المشكله بخير عشان ابني كان يقطع قلبي وهو يسألني وين بابا .. تخيلوا شهرين ماحن قلبه وقال بدي اشوف ابني
في يوم كلمني بالتليفون وكان بيسب وبيشتم في أهلي رحت رديت وغلطت في اخته وزوجها .. تتوقعوا ايش يعمل ؟؟؟ سجل المكالمه وسمعها لاخته وزوجها ولاصحابه .. لما عرفت ..مشعارفه كيف اوصف بس من يومها حسيت اللي كان ضايل كلوا انكسر .. انسان ماعنده شرف ..الكل حتى زوج اخته صار يتمسخر عليه ويقول بكره بيجيبلنا صور مرته وهي عريانه .. من يومها صرت أدعي عليه لانه ورغم كل اللي عمله لسه بيقول انا ماغلطت وبيعتبر نفسه اعظم واشرف رجل بالدنيا .. المهم وبعد كل شيء رجعنا واهل الخير رجعونا عشان خاطر هالولد .. طبعاً ليا 4شهور راجعه كمان مافي حد من أهله كلمني او اتصل فيا وانا قررت اني خلاص بقاطعهم ومابروحلهم تاني .. طبعاً نحنا نقلنا من المنطقة اللي كنا بيها لمدينة تانية وانا قلت هيك احسن لاني بصراحه خجلانه اقابل الناس بعد اللي عمله زوجي وبعدين اللي اكتشفته بعد زواجي ان أغلب الناس مابيحبوه بسبب تصرفاته واسلوبه المستهتر والطايش (( على فكرة زوجي عمره 32 سنة بس تصرفاته تصرفات مراهق طائش عمره 13 سنة ))
المهم حسيت ان حياتنا بدأت تتحسن شوي رغم اني مش صافيله وهو كمان باين عليه رغم بيقولي بحبك وبموت فيكي بس حتى الحب عنده كذبه ممكن تتغير حسب الحاله لانه انسان اناني طبعه الغدر
اليوم كنا قاعدين على الغدا وفجاءة بيقولي ان اخته وزوجها في المدينه اللي احنا بيها وبيقولي اتصلي بأختي وكلميها وقوليلها تتفضل عنا قولتله لا معلش مابتصل اتصل انت واذا حبوا ييجوا اهلاً وسهلاً البيت بيتهم قام عصب وصار يصارخ ويقولي اختي زعلانه مابدها تيجيني في بيتي بسببك قلتله انا ماغلطت فيهم هما اللي غلطوا معايا واكتر من مرة وبعدين انت اللي رحت تسمعهم المكالمه يعني انا ماجيت لعندهم وسبيتهم .. خلاص اتحمل نتائج اللي عملته .. قام صار يسب فيا وفي اهلى .. قلتله حسبي الله ونعم الوكيل فيك وفي اهلك .. قام شدني وضربني قريب ربع ساعه وهو نازل ضرب فيا كفوف بايده ورجله ويلوي ايدي حسيت بيخلعها من مكانها وجهي احس بألم شديد فيه أثار الكفوف باين وكان يشتمني ويهيني طول الوقت ...
حسبي الله ونعم الوكيل ربي ينتقم منك ويوقف حالك هادي دعوتي عليه من ساعتها .. تخيلوا كل هادا قدام ابني اللي ماكمل اربع سنين خايفة عليه من انه يتربى في هالجو ... حبسني بالغرفه واتصل بأخويا وصار يقولوا اختك مش متربيه سبتني وسبت أهلي ووو ... والله العظيم ماسبيت
بكرهه وبدعي عليه ليل ونهار ولاتقولولي ادعيله لانه انسان مريض اناني ...
ايش اعمل قولولي كيف بدي اتحمل باقي عمري هيك .. طلاق مابفكر فيه .. ليش مابعرف مع اني متوقعه منه الغدر .. مابحس بالامان معاه ولا بحس انه هو الانسان اللي يخاف عليا ويحمينا ... نفسي اشوفه مذلول في الدنيا ويدوقوا الظلم اللي ظلموني اياه هو واهله ... حسبي الله ونعم الوكيل .. حسبي الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================


الله يفرجها عليك اختي يارب

والله يعوضك في ابنك

بس توصل لضرب خلاص ماعاد فيه شي تاني

والله يهدي زوجك


__________________________________________________ __________

أختي الله يكون بعونك ..
بصراحه قصتك آلمتني من الداخلـ ..لان شعور الاهانه مرهـ صعب ..ومن الصعب الانسان يتحمله ..
قرارك بعدم الانفصال والبقاء لاجلـ طفلك قرار تضحيه براحتك وكرامتك وايضا بتربية الطفلـ..
لان مثل زوجك رافض لكل طرق التفاهم او التنازل عن بعض افكاره ..
وكونه يتطاول عليك بالضرب ويطلع كلام عنك ويسمع صوتك لغيره هو انسان بلا غيره وبلا رجوله بنظري..
فمثل هالشخص لاتتحسفي عليه ولا تفكري تستمري معاه لاجل ابنك لانو بيعيش مهتز الشخصيه ..
الله يخلي لك ابنك ويعوضك فيه يارب ويعينك على تربيته ..
الله ييسر امورك يااختي ويفرج همك وينصرك يارب ..


__________________________________________________ __________

لاحول ولاقوة الا بالله ...... اختي الله يعينك ويكتب لك الاجر على صبرك ويهدي زوجك ويصلحه لك يارب ..اختي الحبيبه مادمتي لاترغبين في الطلاق .. فأنصحك نصيحه لوجه الله الزمي الاستغفار والدعاء بنية اصلاح زوجك وبأذن الله سوف ينصلح حاله ....اختي جربي تداومين على الاستغفار وبأذن الله سوف تنالين ماتريدي.. واهم شي سوف تكسبينه مع مداومتك للاستغفار الراحه النفسيه والاطمئنان


__________________________________________________ __________

خلاص حبيبتي اياكي تفكري ترجعي له

هذا انسان مجنون ... مو بس اناني

طنشيه ... وإذا اتصل فيك لا تردي عليه

ولو رديتي عليه عامليه بإستهزاء ... لو يقولك اهلك واهلك

قوليلو اهلي يشهدولهم الرجال انهم احسن واشرف ناس

والله يأخذلك حقك منه ... حسبنا الله ونعم الوكيل


__________________________________________________ __________

اعانك الله اختي..
بجد حزنت عليك وعلى هالولد,لكن الجئي لله تعالى صدقيني ماراح يخيب رجاك
انتي جربتي كل الطرق باقي يمكن باب ماطرقتيه من قبل,باب الله ماحد طرقه وندم,ياما سمعت قصص عن معاناة الحريم مع ازواجهم وهم يمكن عانوا اكثر منك خاصه الي ازواجهم مدمنين ومروجين ومذوقينهم الويل,لجئوا لله شافوا عجب العجاب,ومثل ماقالت اختي جريحة الجفا الزمي الاستغفار وخاصه(استغفر الله الذي لااله الا هو الحي القوم واتوب اليه)وواظبي على الدعاء وخاصه آخر الليل,ولا تستعجلي الله اذا احب قوما ابتلاهم ربما اشتاق لله جل وعلا لسماع صوتك الجئي لله وابكي وتضرعي بين يديه,ان الله يهدي زوجك ويسخره واهله لك,وباذن الله سيتحسن وضعك.
دعواتي لك بالفرج القريب.