عنوان الموضوع : ومافيه راحه إلا إذا الواحد مات الطبيب يجيب
مقدم من طرف منتديات نساء الجزائر

ومافيه راحه إلا إذا الواحد مات



مشكلتي غريبه
وكتبتها بس بكتبها ارتاح شوي
ومافيه راحه إلا إذا الواحد مات


وأتمنى قرآت المشكله للآخر
مشكلتي
أني مو مثل أي بنت تحب ابوها موت
فيه بنات تحب أبوها وتحكي عنه كثير
أنا قسم بالله مافي يوم حسيت أني أحب الوالد
حتى بايام الدراسه ماكنت اكتب اسم الوالد بالدفاتر
ابوي
من صغري كان يضربنا بدون سب
وهو سليم مافيه مرض نفسي ولا شي
ولايعاني من اي مرض
وتاجر ماشاء الله
ولما كبرت في العمر
مافيه يوم حسيت بحبه لنا
وربي حتى لو تمرض وحده منا كان يقول ماعليكم مو ضروري تروحون المستشفى
أنا تعذبت
وربي اقول لو يتقدم لي رجال بعمر50 او 60 بوافق بس اطلع من القهر اللي اعيشه
تخيلو ابوي تاجر
وللأسف ما يعطينا فلوس على قد حاجتنا
اللي مثلنا تشتري ملابس غاليه
لكن إنا والله مانشتري إلا الرخيص
مو مشكله عندي أشتري رخيص
بس ليته يعطينا فلوس تكفينا
يعطينا قليل
وإذا احتجنا يقول تصرفو
أتمنى اشتغل لو مستخدمه عشان أصرف على نفسي
وفوق كذا ما يحترم مشاعرنا
إنا كبار ونسمع منه كلام جارح
اللي اسمعه الأب يدلع بنته
ويعطيها اللي تبي
وأنا عايشه بقهر
أسمع كلام جارح وأسكت اروح ابكي بغرفتي
لو اطلب مبلغ اشتري غرض ضروري
قال انتو تحبون الفلوس
ويتظايق
وعلى وجبة العشاء
هذه الوجبه الوحيده اللي نجتمع عليها
يبدأ في الكلام الجارح
قسم بالله أنواع القهر
اقوم ودمعتي على خدي
أحيانا نتعشى شي خفيف عشان مايقول إسراف
ولو مانتعشى قال وينكم
بس عشان يسمعنا كلام جارح ونقوم مانتعشى
يعني بنت بعمرال20 وال30
تسمع من ابوها انتي ماتفهمين
انتي حيوانه
انتي طفله
انا اتحمل
بس كل هذا ينعكس على صحتي

ساعات افكر اطلع من البيت
بس وين اروح
دموعي كل ليله على خدي
ادعي ربي كل يوم انه يهديه
المشكله انه راعي صلاة
وامام مسجد
ويتصدق على الناس
بس عياله ما يحب يصرف عليهم
بيتنا مثل البيت العماله
مو بيت واحد تاجر
أنا ادري كلامي ماله حل
بس أنا اقول دايم ربي بيعاقبني
لاني ما احب ابوي
حطمني وحطم مشاعري
اقسم بالله لواتزوج واحد عمره
60 ولا اعيش بالقهر
كل لقمه يتبعها دمعه
والله العظيم دموعي بعيوني وانا اكتب
هالكلام
سبب قسوته اخوي جاه مرض نفسي
وأخوي الثاني بالطريق
وشكلي أنا بيجيني مرض نفسي
حتى قبل لا اتخرج من الجامعه
كنت البس بلوزه وحده بس
واشوف البنات كل اسبوع بلوزه
تعبت من القهر
ليش عنده فلوس وتجاره
ويبخل علينا
والله اني اتسلف لو احتاج شي
وش اسوي اذا طلبت منه فلوس
يقول ماعندي
وهو تاجر
وش هالعيشه
لا احد يقول امك
امي مثلنا المسكينه يسمعها كلام يغث
آخرها اليوم سمعنا كلام يبكي
وش اسوي
والله اني ما احب اجلس في المجلس اذا كان موجود
لانه يجرحنا بكلامه
والله اول اذا صحينا من النوم
نقبل راسه
وقال لنا
لا احد يقبل راسي
ماله داعي
يعني نبي نكسبه باي طريقه
بس هو يحب الفلوس
ويكره عياله
لا احد يقول لا
اول ما اصدق ان الاب يكره عياله
لما عشت الواقع
لو يحب عياله ما بخل عليهم
لو اكتب لبكره ما وقفت دموعي
قاسي بمعنى الكلمه
كل يوم ابكي بسببه
ما حسيت بيوم بعطفه وحنانه
لو نقول بنطلع نتمشى قال خساير
والسياره تبي بنزين
ليش نطلع
اجلسو بالبيت
طلع لونا اسود من القهر
الحمدلله تجارته حلال
وأنا اعرف في ايش يتاجر
حلال ولله الحمد
بس
ما ادري وش اقول
أدري فيه آباء معاملتهم قاسيه
بس ليش حرام والله

أتمنى يوم ابوي يخسر تجارته
اتمنى بس عشان نصير فقراء
ونشتري مثل الناس
آآآآآآآآه
ياشين القهر
أدري من العقوق لأني ما أحس بحبه
بس وش اسوي هو أجبرنا على كذا
قسوه بمعنى الكلمه

تتوقعون يجي يوم وأحبه...............................



الله يسامحني

>>>>> ردود الأعضـــــــــــــــــــاء على الموضوع <<<<<
==================================


صباح الخير يالغاليه ما أقول غير الله يفرجها عليكي ويسخر ولدك لكم يارب ومعليش ياعمري تحملي واصبري الله يكون في عونكم يارب ويرزقك بولد الحلال يارب انتي وخواتك ان شاء الله ربي يسعدك وكتري من الستغفار فهو مفتاح الفرج


__________________________________________________ __________

الرسول عليه الصلاه والسلام قال : فيما معنى الحديث: (( لاتكونوا سببا في عقوق ابنأكم لكم ))

اصبري واحتسبي وربي يفرج لك همك وعلى كل مسلم امين يارب العالمين


__________________________________________________ __________

الله يسااعدك ويكون بعونك ويحنن قلب ابووك عليك وعلى اخواانك ويسعدك برجل صالح يعرف قيمتك ويسعدك ويعوضك عن الحنان اللي انتي منحرمه منه ..اصبري انا الله مع الصابرين وكثري من الاستغفار..


__________________________________________________ __________

الله يعينك ويصبرك على ماابتلاك,,بس توكلي على الله وفوضي امرك لربك
كثرري استغفارات,,وان شاء الله..الله ماينسى عباده,,الله يرزقك بالزوج الصالح قريبا عاجلا
وترتاحي من الهم


__________________________________________________ __________

صدقيني مافي شئ يدوووووم على حااااله هونيها وتهون ولاتقولين يارب عندي
هم كبير قولي يارب عندي رب كبييير تقربي من الله اكثرررر راح تنحل مشاكلكم
اهم شئ تداااااومين على القرااااان راح تحسين براااااحه بال ولا تنسي الاستغفار
استغفري الف مره باليوم واهم شئ كثري من الدعاء
والله يرزقك بالزوووج الصالح اللي ينسيك احزاااانك