عنوان الموضوع : الكل نسى الا انا!!<<الله يسعدها ويرزقها اللي تتمناه اللي بترد -تم الاجابة
مقدم من طرف منتديات نساء الجزائر

الكل نسى الا انا!!<<الله يسعدها ويرزقها اللي تتمناه اللي بترد



السلام عليكم ورحمة الله وبركاته
الله يرزقها اللي تتمناه اللي بترد علي او حتى تدعي لي بظهر الغيب
انا مشكلتي بدت من سنتين تقريبا
كنا انا واحدى قريباتي نكلم شباب وانا تعرفت ع شاب حبيته كثير وهو لعب في مشاعري حسبي الله عليه وصارت مشكله وعرفو اهلي واهل قريبتي بالموضوع ولما وااجهوني اهلي وسالوني انتي تكلمين شباب انكرت المووضوع ونفيت التهمه عن نفسي وقلت انه هي اللي تبي توهقني<<اقصد قريبتي
واهلي حسيتهم ماصدقوني بس يبوني اعترف
وبعدها بااسبوع تقربا انهرت ودخلت المستشفى وطلعت من المسشفى
وحالتي النفسيه مره زفت لدرجه اني اصحى من نومي وانا ابكي من دون سبب وربي عانيت كثير والكل لاحظ هالتغير اللي صار لي
ومره جاء اخوي وسالني انتي لك علاقه مع شاب ويهددك بشي
انا طبعا فقدة اعصابي وجلست ابكي وهو سكت لان الدكتور قايل لهم لاتعرضونها لاي ضغوط
والحمد الله انا اللحين قدرت انسى الموضوع مع اني مازلت احب الولد اللي كلمته وخدعني وطبعا انا تبت لربي يعني مستحيل ارجع اكلمه او اكلم غيره ومتااكده انه حب مرااهقه ومصيره بينتهي
بس بنات انا ابي ارجع علاقتي مع قريبتي لان الولد اللي كنت اكلمه كان يعرفها وانا متاكده انها قال لها كلام مو فيني لانه حقير يبي ينتقم مني مع اني ماضريته بشي
وانا بصراحه ماابي يكون فيه مشاكل
لان هذا المشكله ممكن تاادي الى قطاعة رحم بين اهلي واهلها ابي نرجع مثل ماكنا ماابي مشاكل لاني وربي تعبت واحس الكل نسى الموضوع الا انا مو قاادره انسى لاني اشوفها داايم البنت ومااقدر اكلمها ع جنب لان جمعتنا كلنا مع بعض وهي الظاهر اهلها خذو الجوال منها كيف اكلمها !!!
عشان كذا عرضت عليكم مشكلتي اللي كاتمتها في قلبيي من سنتين
وابيكم تقولون لي كيف افاتحها بالموضوع ؟!وكيف ترجع علاقتنا مثل اول واحسن؟؟؟ علما بان البنت تاابت وماصارت تكلم احد بس احسها تكرهني
ومااتحب تشوفني واكيد اني مااهمها بس مو مرتااحه وابي ارجع مثل مااكنت صحيح كنت انطوائيه شوي بس ع الاقل ماكان احد يكرهني لانها كرهت كل البنات فيني وانا وربي صرت اتضايق اذا اجتمعت معهم مااحد يحبني ومااحد يبيني والله تعبت خلاص مو قاادره
تكفوون بناات سااعدوني
والله يوفقكم ويبعد عنكم الهمووم يارب..

>>>>> ردود الأعضـــــــــــــــــــاء على الموضوع <<<<<
==================================


اولا استخيري ربك في اي شي تسوينه ..بعدين استغفري كثير وادعي ربك ان هذا الامر ينتهي على خير وترجع الامور مثل اول وألحي دايما .. الشيطان من اولها خربها عليك من كلمت الشاب بعدين كذبتي ...الخ

حاولي تكلميها وتبيني لها ان هذا كان اول ..ويمكن هذاك الشاب كذب علي ..حتى يفرق بيننا ..
وحاولي تجتمعي بالناس كثير .. حتى ما يقولو صح السالفة ..

ولاتنسي الدعاء والله له فائدة عجيبة مع الالحاح .. ولا تقولي دعوت وما استجاب لي .. ادعي وانتي موقنة ان الله مع التائبين ..

والله يبعد عنك الهم


__________________________________________________ __________

استغفري الله و حاولي تفهميها موقفك و تحكي الي ببالك في اي مكان تكون استغليه و ما تتخفي عن الانضار لانه هاد مو لصالحك و ان شاء الامور ترجع بينك و بينها طبيعيه بس بالصبر


__________________________________________________ __________

اللهم يفرج همك وكربك والعلاقه ترجع ذى الاول واحسن انشاء الله
اللهم امين


__________________________________________________ __________

ان شاء الله ترجع المياه لمجاريها حاولي معها ولا تيئسين مره وثنين وثلاث اكيد بتدون زي اول واحسن الله يوفقك وانتبهي ثاني مره


__________________________________________________ __________

الله يبعد همك وضيقتك يا اختي كلنا خطاء وخير الخطاؤن التوابون

احمدي ربك على انك افتكيتي منه وبالنسبة لقريبتك حاولي تتتقربين منها ارسلي لي احدى صديقاتها المقربات تجس نبضها او حتى تصارحها ع طول

اسأل الله ان يلم شملكم في القريب العاجل انه بالاجابة جدير وع ذلك قدير

ربي يريح قلبك ويزيح همك ويبدل همك فرجا ومخرجا ...