عنوان الموضوع : انقذوا صغيرتي تكفوون مجابة
مقدم من طرف منتديات نساء الجزائر

انقذوا صغيرتي تكفوون



--------------------------------------------------------------------------------

السلام عليكم ورحمة الله وبركاته

اخباركم بنات حواء اكيد استغربتوا من العنوان بس معليش اعذروني

من القهر اللي فيني على بنتي بقولكم قصتها باختصار وياريت وحده منكم تساعدني

بعد الله باستشاره او اذا تعرف احد في المستشفيات النفسيه الحكوميه وليست الأهليه

بنتي عمرها 9 سنوات من يوم كانت صغيره وهي حساسه مره وخوافه صارت مشكله كبيره

بيني وبين ابوها يومكان عمرها سنتين ونص تقريبا وضربني قدامها ضرب مبرح ورحت بيت اهلي

زعلانه وهي واخوانها عند ابوهم قعدت 3 اسابيع عند اهلي لين جا زوجي واخذني كان في هذي الفتره

تقولي الشغاله يامدام البنت تصارخ بالليل وماتنام ويجي بابا ينومها عنده صارت ماتتكلم ابد تطالع فينا وماتنطق

بكلمه وصار اصبعها دايم في فمها بعد هالمشكله يعني تكسر الخاطر ولا تتجاوب معانا بشي بس ساكته

او لازقه فيني واذا تكلمت قالت ماما بابا سوى في يدك كذا عورك يعني تذكر الأحداث كلها صارت منطويه على

نفسها ماتلعب الا لحالها ونفسيتها زفت اذا كلمناها او احد اخذ منها شي وديتها مركز تشخيص بالرياض وسوو

لها اختبار ذكاء طلع ذكائها طبيعي مره و وصوني اني ادخلها روضه وتمهيدي وبعدين المدرسه عشان تختلط


يتبع

>>>>> ردود الأعضـــــــــــــــــــاء على الموضوع <<<<<
==================================


الله يشفيها ان شاء الله البنات يفيدوك


__________________________________________________ __________

شكرا على الموفقه وسرعة تنزيل الموضوع

اكمل لكم

دخلتها المدرسه مثل ماوصوني لكن البنت لازقه بالمعلمه تبي تدمجها مع البنات مو راضيه

وصايره تبي كل الألعاب لها ومانجح الدمج لكن البنت بدت شوي شوي تتكلم وتقص علي اللي يصير

معها بالمدرسه عبارات مو مفهومه مره لكن اعرف وش تقصد عندها ضعف في التعبير اللغوي واصلح لها كلامها باستمرار

ومع ذالك مانسيت اني اقرا عليها وارقيها وادهنها بزيت مقرري فيه تحسنت شوي لكن برضوا اللي يشوفها ويشوف حركاتها

وكلامها يقول البنت عندها توحد لكن انا ماعلي من احد اعرف بنتي زين

لكن المشكله الكبيره لمن دخلت اولى ابتدائي تبي تلعب مع البنات مو عارفه كيف صارت تلحقهم وتضربهم واحيانا يتجمعون عليها

ويعيبون عليها وعلى حركاتها وكللامها وربي تعبت كل يوم اعلمها كيف تتواصل مع البنات بس البنت مادري اش فيها المهم المدرسات لمن شافوها ماترد عليهم يسألونها عن اسمها ماترد طلعي كتاب كذا ماتطلع الا بالعافيه اقري سورة كذا ساكته ماترد

مع اني احفضها بالبيت وماشاءالله عليها قوة الحفظ عندها كويسه تحفظ بسرعه وتفهم معاي قالوا البنت شكلها فيها اعاقه قلت بنتي

مافيها شي بس تخاف من الناس الجدد وماتاخذ عليهم بسرعه وتعبت معاهم لمن رضوا يجربون البنت شهر اذا شافوها تفهم خلوها

واذا ماتفهم بيرسلونها للتشخيص المبكر المهم مع الأيام عرفت لها الأستاذه وصارت البنت تتجاوب وعرفوا انها شاطره وتفهم وتعرف

تقرى وتكتب احسن من البنات اللي معها بالصف ارتحت بعدها لكن صارت مشكلتها كل ما تغيرت استاذه بالفصل رجعت لنفس

المعاناه مع الأبلات ولازم افهمهم عشان يتقبلونها ويعرفون انها تفهم والمشكله الثانيه اندماجها مع البنات صعب جدا مو عارفه

كيف تتواصل معاهم وكل يوم تقولي البنات يطالعوني ياماما البنات مايبوني العب معاهم وربي تعور قلبي بس ماني عارفه كيف

اتصرف بتقولون وديها لطيبيه نفسيه وديتها لكن يقولون البنت عندها ضعف في التواصل مع الناس دايم دخليها بمجتمع فيه اطفال

عشان تندمج

يتبع


__________________________________________________ __________

تابع الموضوع


بعد مانجحت البنت والحمدالله وعرفوا انها تفهم نقلها ابوها

لمدرسه بجنب بيتنا ويمدحونها ومثل ماقلت لكم رجعت لنفس المعانها

مع المدرسات والبنات وارسلتني المديره لمركز للتوحد تبي تتأكد ان البنت

مافيها توحد رحت مع اني واثقه ان بنتي مو توحديه بس ابي شهاده تثبت للمدرسات

واسكتهم عن البنت

سوا لها اختبار ذكاء و كل شي وسألني وش السبب اللي وصل البنت لهذي الحاله علمته بكل شي

وهذا اللي عرف لها من دون الدكاتره اللي وديتها لهم

قال البنت عندها اضطراب مابعد الصدمه

وهذا تاخذ له علاج وترجع البنت طبيعيه مثل اقرانها

و وصاني على دكتوره نفسيه بالشميسي اسمها عزه

بس مارحت لها لأننا نقلنا للدمام نقل نهائي وتعرفون الرجال

مايحبون المشاوير والسفرات قال نشوف لها دكتوره بالدمام اقرب

الحين ماني عارفه وين اودي البنت ياريت اللي تعرف دكتوره شاطره بمستشفى

حكومي تقولي عليها شاكره لها تعاونها وربي لأدعيلها من كل قلبي

لأنها الحين بصف ثاني ورجعت معاها لنفس المعاناه الى الحين المدرسات ما ارسلولي

لأنها بداية السنه والى الحين ماعرفوها زين


__________________________________________________ __________

ام فارس وملك تسلمين على الدعوه ولك بمثلها


__________________________________________________ __________

الله يشفيها يارب ويخليها لكم