عنوان الموضوع : تعبت من زوجي ومزاجيتة -لصحتك
مقدم من طرف منتديات نساء الجزائر

تعبت من زوجي ومزاجيتة



موعارفة من وين أبدأ مشكلتي أنا متزوجة من 17 سنة وعندي 4 أطفال
عمري 33 سنة
زوجي محيرني أذا راضي يعطيني الشمس في يد والقمر في اليد الثانية وإذا زعلان الله يعين
مشكلته مزاجي درجة أولى وعلى أتفه الأشياء يزعل ويبيني أراضية المشكلة كيف أراضية وهو الغلطان وهو اللي يتم ساكت عني بالشهور(طبعا ياخذ حقة الشرعي منى في خمس دقايق أذا زعلان)
قوانينة في الحياة متغيرة حسب مزاجه
في أشياء اسويها أعرف انها ماتزعله في يوم ولليلة يزعل ويسكت عني فجأة ولما أسأله أشفيك يقولي ليش تسوين كذا أنت تعانديني صار ماعندي ثقة في أي شئ اسوية لأني صرت أخاف من ردة فعلة
آخر مشكلة معاه
هو علاقتة مع اهلي كويسة لأنه مو شايف منهم الا كل خير واحسة يحترم أخواتي أختي تبي تروح العمرة لانها ولا مرة راحت والله هدى زوجها وقال بوديها لكن احتارت وين تخلي أولادها امي حرمة كبيرة
وما تقدر على ثنين اتفقت معها ان الكبير يصير مع امي والصغير بو سنتين يصير معي وخبرته طبعا هو ما علق كعادته يعني راضي حتى هو صار يسألني متى اختك بتسافر؟؟ لما جبت ولد اختى البيت ما قال شي
بس بعد يومين صار كله ساكت وما يكلمني ،، برغم انه لما يكون موجود اخلي بنتي الكبيرة تدخل معاه غرفتها وتحط له رسوم متحركة وينام مع اولادي بعد أسبوع ولد أختى مسكين كان يلعب فجأة ضربة وقام يصارخ الواحد مو عارف يرتاح في بيته وأنا موراضي على أنك تجيبية وأنت ما سألتيني يوم أنك تجيبينة !!روحي مهاه بيت أهلك((طبعا هذه السنة هذي نغمته الجديدة كل ما صار شي اذا مو عاجبك روحي بيت أهلك))
وصار يدعي على أختى الله لا يوفقها ولا يحللها ،،ان هنا من القهر قلت له انااعطيتك خبر قبل لا أجيبة وخبري الموضوع عادي عندك وصار يدعي على أختى وانا تميت اصارخ عليه واقوله الله لا يوفقك انت ولا يبيحك انت على ضربك للياهل
والله العظيم انا ساكنة في شقة في بيت اهل زوجي
وأنا من تزوجت من نصبح لين ننام وأولاد أخواته وأخوته عندي في البيت يلعبون ويوصخون حتى تكرمون يدخلون الحمام أن أنظف لهم أخواته يطلعون مع ازواجهم يجيبون اولادهم لامهم ام زوجي عادي عندها تطلع او تنام لانها عارفة ان الاولاد راح يركبون لي ولا عمري شكيت له ولا عمري تكلمت لولد منهم دايما اقول حرام ما ابي الاولاد يكبرون ويتذكرون اني عصبت على واحد منهم وأنا يوم ولد أختى جا عندي أسبوع ما استحمله (على فكرة أنا وأخواتي نلتقي في بيت أبوي يعني ما نتزاور الا كل سنتين او ثلاث سنين مرة بعني اهلي مو مثقلين عليه بشي ) طبعا أن أتصلت الى امي وقلت لها أنا حرارتي مرتفعة وبجيب ولد أختي عندك اليومين الباقين وجا أخوي وأخذة طبعا حضرته ما جا من بره الا الياهل وديته بيت أبوي طبعا بدل ما أنا أزعل شاف له حجة وزعل مني لمدة 15 يوم وهو عنده دورة تابع عملة قال لي من قبل شهر انه بروح لكن لسه ما تحدد التاريخ
و في يوم من الايام قالوا له العيال نبي نروح بيت خوالي وصلنا وتأخر علينا لأنه مو عادته يتأخر دقيت عليه قال أن في المطار صرفوا نفسكم أنا هنا حسيت غصة في صدري سافر من غير ما يعطيني ولا يعطي أولادة خبر وبدون مصروف !! ومن سافر لحد الآن ما تصل صار له أسبوع ،،أنا محتارة كيف اتعامل معه لما يرجع .

>>>>> ردود الأعضـــــــــــــــــــاء على الموضوع <<<<<
==================================


حبيبتي أطلعت على قصتك وتأثرت بها بالحييييييييل
وحاسة بتألمك ومعاناتك
تبين نصيحتي ياغالية أوصيك بهاالفترة يلي غايب عنكم فيها زوجك بصلاة قيام الليل والاكثار ياغالية من الدعاء أثناء السجود أن يهدي الله عزوجل زوجك ويسخرة لك ويؤلف الله بينكم بالخير فوالله أن بها من الفضل الكثير
وأسأل الله عزوجل لك التوفيق والسعادة ياحياتي


__________________________________________________ __________

اهنن قلبي وعيدك مبارك انا اقولك ياقلبي كيف تتصرفين معه اول شي عاتي لما يجي قابليه بكامل اناقتك وابتسسسامه عريضه ولاتقولين له ليش سافرت ولا تفتحين اي موضوع وطنشيه لاتعاتبينه بس ابيك بكامل اناقتك واطلعي وتمشي وخذي حقك وزود وسوي ولا كانه موجود حتى لما تكونون نايمين لاتحسسينه انك مره مشتاقه له خليه يتربى ويفكر ويحوس وش مغيرك كذا ماينفع معاهم الا اننا نخليهم يهلكون من التفكير وطمنيني عليك قلبو تقبلي مروري


__________________________________________________ __________

الله يعينك مزاج الرجال اعظم من البحرو امواجه

Up


__________________________________________________ __________

لا حول ولا قوة الا بالله

الله يهديه يا رب وحصني نفسك وعيالك وبيتك بالأدعية المشروعة والرقية

بالنسبة له اذا ما وقفتيه عند حدها ووضحتي له إنك متضايقة راح يزيد عليك ويعتبر طيبتك ضعف منك

بصراحة لازم مواجهه وحساب .. أو شيء الآن اهتمي بنفسك وعيالك وجمالك ونظافة بيت وخذيها فترة راحة وعيد .. وانبسطي

بس يرجع هنا ابدائي معه المحاسبة .. او خطوة رحبي فيه عدل .. وبعد ما يرتاح يجي العتاب جلسي معه جلسه حوار وأكيد راح يتهرب او بيلقي اللوم عليك .. معليش .. كوني ذكية بالحوار وقولي له اذا كل مرة تقول روحي بيت اهلك أهلي مو عجزانين عني وتعال نحكم أهلي وأهلك عليّ وعليك ونشوف مين الغلطان أنا والا أنت ؟!!

حاولي تكوني هادية وتختارين كلمات جميلة وحسنه ما فيها سب ولا شتم ولا استفزاز وحتى ان استفزك واذا كثر كلام أو خطوة هي تتصلين على أحد من عائلته تشوفين فيه الخير والحكمة وتتحكمين عنده قصتك ..!!
ومن الآن تخبرين أحد من اخوانك أو إبوك باللي بينكم تعطينهم خبر وفكرة عن الموضوع .. عشان ما يتفاجائون اذا لا سمح الله كبر القصة ويمكن ما تدرين يكون متزوج عليك وحاسة بتأنيب الضمير والخوف من ردت فعلك أو عنده مشكلة صحية ومو حاب أحد يعرف بعد يمكن عنده اسباب مأثره على نفسيته ما تعرفين وش هي .. عطيه فرصة وعذر وحكمي المنطق والفكر قبل العاطفة

وقلت الكلام طنشيه ولا تتكلمين معه واستخدمي اسلوبه معه عشان يحس شوية واكثري اهتمام بنفسك وبصحتك وطالبيه بمصروفك وحقوقك بالفحوصات الطبية .. وبكل حق لك طالبي فيه لأنه بصراحة ما يستحي ..!! لكن تذكري الطلب يكون بذكاء بهدوء ولين ..

يعني كوني قوية بس مو شرسة وهذي يبي لها موازنة صعبة وطولت بال لأنك ممكن تفقدين أعصابك مع الكلام الجارح اللي ممكن يتفوه فيه .. وتعلمي فن التطنيش واذا ما رديت عليه بوقتها يعني الموضوع انتهى وذاب وفكري بالغد وبعيالك خلي محور حياتك هو أنت مو هو يعني لا تسألينه وش تحب تأكل اليوم
لا أنتي وش حابة تاكلين وتطبخين

ما أنتي مضطرة على استقبال عيال اخواته ولا عيال اخوانه بكل بساطة انا بطلع .. بروح عند اهلي بنزل تحت عند امك ..
حاولي تقلليين زيارة اهله عندك وكوني رسمية بالعلاقات من ناحية أهله بس باعتدال ولين ..

مثل ما تحبين ان تتعاملي بطيبة كوني طيبة ولكن مو ضعيفة أعرف ان هذا شوية صعب نجي على انفسنا عشان غيرنا يرتاح لكن هذا غلط ..!!

موفقة باذن الله والله يهديه ويسعدك دنيا وآخره يا رب


__________________________________________________ __________

الله يهديييه يارب