عنوان الموضوع : اهـل الولــد اللي بيخطبني اشكالهم ماتريـح ساعدووني -لصحتك
مقدم من طرف منتديات نساء الجزائر

اهـل الولــد اللي بيخطبني اشكالهم ماتريـح ساعدووني



السلام عليكم
يااخواتي

اتمنى انكم تنصحوني وتوجهوني بتجاربكم خصوصا المتزوجات

انا بنت جامعيه وعمري 25 سنه
انخطب لأول مررهـ من فترة قريبـه بس الى الان ماصار شئ رسمي يعني بس اهل الولد زرونـا بالبيت عشان يشفوني لانهم مايعرفون عني شئ وانا نفس الشئ كنت اول مره اشوفهم

هم ناس من جماعتي من نفس قبيلتي لكن من بعيييييييد ومانعرف بعض زين ابدا

طبعا بعد ماشربوا القهوه قالوا لأمي نادي لنا بنتك وانا لبست بسررعه وتضبطت ودخلت عليهم (ام الولد واثنين من اخواتـه )وسلمت عليهم وانا واقفه وطلعت على طووووول

بس يابنات انا مصدومه منهم لا ابتسامــه ولاهرجه ولاترحيب احس انهم مايعرفون بالذوق والادب شئ حتى اصواتهم خافته مو قصــة مااعجبتهم او شئ لا وربي انا الحمد لله واثقه من نفسي اني مقبوله وكل شئ لكن احس ان اخلاق اهل الولد مرررره بايخه ونظراتهم مافيها ذووق حتى الابتسامه مافيه كأني داخله اعزيهم بعزاءء بارررردين مررره وانا اكره الانسان اللي وجهه مافيه ابتسامه

وكمان في شئ ثاني احس انهم بدوو صح عايشين بمنطقه مو بخيام لكن مبين انهم فيهم بداوه وجهل بأشياء كثيره واخاف ان ولدهم مثلهم
والمصيبه اني مااعرف عن ولدهم اي شئ غير انه عسكررررري يشتغل بجده وانا اكره هالوظيفه واحتقرر اصحابها لأن ادري انهم مالهم لاطموح ولا همه بالحياه
والله اني مو متكبرررررره يابنات ولاشئ بس من جد اتمنى يكون اتزوج انسانس جامعي وعائلته ذوق واخلاق اقل شئ اخاااااف اوافق عليه واندم

ياربي وش اسوووي

اخاف محد يخطبني لو رفضته

يابنات تكفوووون ساعدوني هل اخذ واحد اهل كذا

واما الولد الله اعلم وش فيه للحين ماادري عن علومه

شوروا عليا ؟

هل فيه بنت منكم تزوجة وندمت انها تزوجت من شخص اهله زي كذا ولأ شلوون

علما ان هالولد اول مره اسمع له صيت وذكر بجماعتنا يعني كأنه ميت مو حي

تو اللي اكتشف اسمه
اخاف يطلع واحد مافيه فايده

والله اشكال اهله ماتطمن


ساعدوووووني الله يساعدكم بدنيا والاخرررره يارب واللي ترد عليا بكلمه او نصيحه صادقه وربي ماانساها من دعووووتي

انا بأذن الله راح استخير الله اذا تقدمووا لي رسمي بس حبيت تعطووني نصائحكم وتجاربكم وتساعدوني لوجه لله بأي نصيحه صادقه

اخيرررا

اتمنى اللي تدخل وتكتب رد بكل ذووق واحترام وانها ماتجرحني بكلامها اما تقووول خيررر او تصمت

دعواتكم ليا واللي ماعندها رد ترفع موضوعي الله يرفع درجتها بالجنه


انتظررررررررررررركم


اختك بالله

>>>>> ردود الأعضـــــــــــــــــــاء على الموضوع <<<<<
==================================


اول شي سئلي عن الولد وكيف صايره حياته وعيشته

اما اهله ماعليك منهم

اذا مابتسكنين معاهم بنفس البيت


__________________________________________________ __________

شوفي ياعمري الحياة تجارب اذا الولد سمعته زينه ومصلي اتكلي على الله اما بالنسبة لاهله انتي موساكنه معاهم على مااتوقع وانتي خذيهم بحسن نيه لان الفترة القصيرة اللي شفتيهم فيها ماتعطيك الحق انك تحكمين عليهم انتي نظرة وازعجتك انا حمواتي اثنتين طالعوني من فوق لتحت وكان اسلوب اخته الكبيرة وهي مومتزوجة زفت وهذا كان وقت خطبتي بس انا تقاضيت واستخرت وسبحان الله وافقت اذا انتي مومرتاحه لاتوافقين والعمر قدامك انتي موكبيرة واخذي الشخص اللي مقتنعه فيه اذا الولد فسنك ومصلي ويخاف ربه استخيري واللي فيه خير يقدمه ربك والله يوفقكك ويسعدك


__________________________________________________ __________

اختي مو شرط يكون الولد زي اهله

انتي استخيري وشوفي

الله يكتب لك اللي فيه الخير امين.....


__________________________________________________ __________

اختي القديرة/ تبيني اريحك وترتاحي من ورجع الراس

استخيري الله فإنه خير من استخرت

وربك ييسرها ومن ناحية الطموح عادي اهم شي يكون

اخلاقة والصلاه ويخاف من الله واسالي عنه كيف وضعه مع اهله

لان الا فيه خير في اهله في خير مع الناس واولا واخير ا استخيري

وربنا يوفقك.

مني ودي واحرامي

دمتي بسعاده


__________________________________________________ __________

والله ياحبيبتي استخيري أحسن شيء وأسألو زين عن الولد
ولاتحكمي ع الولد من خلال أهله ييمكن غير
أهم شيء أسألو زين والله يوفقك