عنوان الموضوع : مااعرف نفسي -تم الاجابة
مقدم من طرف منتديات نساء الجزائر

مااعرف نفسي



بسم الله الرحمن الرحيم
السلام عليكم ورحمة الله وبركاته

كيفكم بنات شخباركم عساكم بخير
يابنات اناودي افضفض واقول اللي بخاطري ابي احد يشاركني همومي ومعانأتي واعذروني اني بطول بس والله من الضيقه اللي فيني
انا بنت عمري 22 لي 12 اخ واخت
طبعا من وعيت بالدنيا ابوي وامي مشاكل وطق مطاقق وامي مالها شخصيه ابد ولا عمري حسيت يعني وانا صغيره انها امي في 3 اصغر مني من عيالها تهتم فيهم اكثر كنت دايم بالشوارع وبس مع عيال الجيران وبالمدرسه اروح شعري معفش والابله تهزئني قدام البنات ومره علي امتحان وكتابي مقطع ومره طلعت قران حقي وكان مقطع مره والابله بعد فشلتني هذا بصف ثاني ابتدائي وابوي ماكانه ابوي كنه زوج امي من طلعت ع الدنيا يضربني ويصرخ بوجهي ويشتمني ويلعني طبعا ابوي معاملته وحده مع كل عياله وامي ولما كنت صغيره كنت اعلمها ع نفسي وابوي يضربني بقوه وامي مالها دور ابد بس كذا شغلتها بالحياه تولد وبس مالها اي حقوق مالها شخصيه وكل شي ع الشغاله ولما كنت برابع ابتدائي اخواني مشخبطين على دفتري القرأه والابله جابت عصا واضربتني قدام البنات ومره مسافرين عمري 12 كبيره يعني افهم وكنت لابسه قميص البيت ومرينا من مدينه وصديق ابوي حلف عليه يتعشى عنده ورحت للناس بقميص البيت مره موقفي محرج وهاذا ابوي بس يضربني وعلى اتفه شي وربي كان يتحرش فيني وانا صغيره ولما كبرت فهمت حركاته
وبعدها تضارب مع امي وراحت عند اخواها وتملك على بنت عمه وكانت مغصوبه عليه بس عشان ابوي غني امها وابوها غصبوها عليه وكان مالنا داعي بالحياه حطنا ببيت اختي المتزوجه وراح عشان يتزوج وطاير فيها وبعد زواجهم بأسبوع الحرمه ضربت ابوي بالكعب وطلقها وبعدها بشهر رجع امي ووبيوم رجعت من المدرسه كالعاده الشغاله هي امي راحيه اقولها ابي بيض مقلي ومريت من عند المقلط وكانت اني فيه كنها حرمه غريبهماحسيت ولا عبرتني ولا ضمتني ولاشي تقرأ جريده

واخوي الكبير مريض نفسي من المشاكل واخواني مافي ألفه بينهم ولا نعرف مصلحتنا ولا نعرف كيف نتصرف بالحياه كل حياتنا ضرب بضرب وتهزي وكان يضربني قدام بنت عمي ويهزأني قدام عمتي خلاص حتى الناس ماصاروا يشوفونا شي وطمعانين فينا وبالبيت يجن حريم ويدخلن ولا كان البيت به حرمه
ولا عشت لاطفوله ولامراهقه وكان يحبسنا بالبيت البنات مافي طلعه ولاعمرنا شفنا الدنيا ولا نعرف سوق كل الملابس من بنات خالتي وخالاتي وكرف باليت وكنت بأول ثانوي رحت مع اخوي اودي مرءولي الخياط بس الخياط ورجعت البيت وشوي ابوي جاء ويصارخ ينادي اخوي الي وداني وقاله من اللي كانت معك وقاله انا وضربني كف على اذني ووجهي واذني التهبت جلست اسوبع مااسمع فيها ومره بثاني ثانوي المديره رجعتني للبيت مخالفه غصبت علينا وعلى البنات تخبرون مراهقه وابي اكون مثل البنات ماعرف وين الصح واتصل على ابوي مايرد غصبت المديره قالت مو شغلي مايرد ماتقعدين هنا اطلعي برا المدرسهوقلت خلاص الفراش يوديني وخلت الفراش يوديني البيت مع زوجته وعلى نزلتي من السياره الا ابوي جاء وشافني وهربت داخل البيت ولحقني ودخلت الغرفه وضربني بالعقال ضرب سنه بيوم يحسبني طالعه مع شاب وراجعه البيت ومن الضرب والتعب نمت بعباتي حتى وطولت بالنومه حتى اخواتي انخرعوا علي وكرهت نفسي ولما صرت بثالث ثانوي كان شهر 2 خوي الكبير كان عندنا ع ساس ابوي راح ومطول ماهو جاي طلبته يوديني لصديقتي مسويه جمعه لصديقاتنا لو بس ساعه بس اروح اجتمع معهن خلاص اخر سنه رحت وبعد نص ساعه صوت الجرس ورات صديقتي تشوف مين وشوي جت وقالت اخوك يبيك انا ع بالي اخوي الكبير طلع اخوي اللي كان رايح مع ابوي واخذني البيت ولقيت ابوي وضربني كف لف رقبتي وخلاص النفسيه والششخصيه دمار وبشهر سته تقدم لي رجال وعمري كان 17 متزوج وعنده اطفال وانا اوافق عليه طز بالزواج كله اهم شي اعيش برا هالبيت ماهمني الرجال ولا همني متزوج ولا لا اهم شي لي بيت لحالي وابوي رفض وانا اصر على رأيي ولين وافق وملكت وابوي حتى كلمه مبروك ماقالها لي ومامني اصلن وفرحانه اخيرن بعيش طبيعي مثل الخلق وبعد شهر اتزوجت زوجي طلع ضهيف شخصيه وزوجته هي كلمتها الماشيه خاتم بأصبعها كان يكلهمامن ثالث يوم بزواجنا وسكت طنشت ماهموني وربي من العذاب اللي شفته وش ماقلته بس طولت كثير وقامت تشرط ياطلقها يامتشوف بناتك وكان مقرر يجلسني عند اهله بديره ثانيه وهو مع زوجته ويافرحتي انا ابي كذا مابي خشته وطلق الرجال وانا متعلقه فييييه حيل ابي اعيش عنده مو عشان وجهه كذا غباء ماني عارفه الوجهه الثاني للدنيا بس بطلع من هالبيت لو ادفع نص عمري وطلقني بعد 10 ايام من زواجنا وانمرضت وانعدمت شخصيتي ونفستي وكلام الناس واهلي ونضرات العالم ورجوعي للحبس ببيت ابوي والاحباط الكبيير اللي جاني ارجع للعيشه بالسجن ومرت سنه ومن الضغوط والتفكير والهم والغم والنكد والكأئبه نحفت 10 كيلوا صار وزني 42 وبدت تطلع معي اشياء غريبه كأنه انفصام شخصيه اي احد اعاشره مثلا صديقتي ملقوفه ومرجوجه وكنت معها 10 ايام انقلب نفسها كذا انتحل شخصيتها لا ارادي واقول ذي نفسي وبنت جراا وبنت خالتي واي شخصيه اقابلها بحياتي انتحل شخصيتها لدرجه قسم بالله خاتي مايفرقون بيني وبين بنت جارناحتى ططريقه الكلام واللكنه انطقها نفسها كذا حالي ولا احب امي واصرخ عليها ولا اطيعها ولا اتقبل منها اي شي اتذكر لما كنت صغيره وانقهرولا بينا رحمه وكنت ماااحب الشر واضر الناس الحين احس اني افتن بين الناس وانا مو راضيه بنفسي بس ماشيت بنت فتانه وانتحلت شخصيتها مررريضه انا واخاف ماانام لحالي واهملت نفسي واحب الس لحالي انا تعبانه مررررهشوي وانجن وقبل 7 شهورانتبهت لنفسي وصرت ارقي نفسي واقرأ قران باستمرار واذكار وصلاه ضحى ودعاء واستغفار من اصحى لين انام وانا استغفر واصبح وقبل شهر انخطبت وانا موافقه وقامت امي الله يهديها تذكرت دورها ومعارضه ع زواجي وانا ماحد خطبني غيره من 3 سنوات واختي الكبيره مريضه نفسي من المشاكل والهمومتقول بنشرط عليه تعرسين لما يجي عمرك 30 عمري الحين22 ! واحس اني مااستاهل كذا لاني اسمع اغاني وقل ذكر الحين احس اني منافقه قدام الله يوم الله حقق لي امنيه تركت كل اللي كنت مستمره عليه غصب عني واخاف اعاند امي واتزوجه ولا اتوفق خاااايه مايصير نصيب لاسمح الله اسفه ع الأطاله

>>>>> ردود الأعضـــــــــــــــــــاء على الموضوع <<<<<
==================================


الله يكون في عوووووونك قطعتي قلبي
ياقلبي والله كل الناس عندها مشاااااكل وكثير عايشوه نفس عيشتك بس صابرين ومحتسبين الأجر ولاتنسي ان الله اذا احب عبدا ابتلاء اصبري وقولي لنفسك مشاااكلي ولا شي في أخص مني وان شاء الله الجائر احس خلي عندك امل

والله تعالى يقول (لقد خلقنا الإنسان في كبد) أي في مكابدة ومعاناة منذ يولد الإنسان .
(ولنبلونكم بشيء من الخوف والجوع ونقص من الأموال والأنفس والثمرات وبشِّر الصابرين).
(إنا خلقنا الإنسان من نطفة أمشاج نبتليه).


__________________________________________________ __________

حبيبتي وااايد تأثرت بقصتك لدرجة الدموع ف عيني ....
حبيبتي واصلي الحياه وعيشي حياتك وتخطي كل الصعوبات...
محد حياته سهله أبد كل الناس عايشين ف مشاكل ويستمروا ف العيش وتخطي كل هالمشاكل...
حبيبتي استخيري عشان الشخص اللي خاطبك وتوكلي على الله ووافقي..
الله يسر أمورك يارب ويساعدك ف حياتك ويسدد خطاك..اللهم آمين


__________________________________________________ __________

الله يكون بعونك
بس ليتك تكملين ع الذكر والدعا وانا اختك
مو عشان زواج او غيره عشانك انت نفسك تعيشي حياه طيبه وطبيعيه وربك بيعوضك ان شا الله


__________________________________________________ __________

الله يكون بعونك حبيبتي
نصيحتي لك لا تكثري التفكير سواء بماضيكِ أو حاضرك ِ
عيشي يومك وأكثري الإستغفار وداومي على الذكر اللي انتي عليه وحاولي تتحاشي الإحتكاك بأهلك ولو صار فعامليهم باحترام وتذكري أمر الله لنا ببر الوالدين وأن سعادتك في الدنيا تأتيكِ برضاهم جاهدي نفسك على ذلك قدر الإمكان
بالنسبه لموضوع الخطوبة استخيري الله وتوكلي عليه واسأليه أن يكتب لكِ الخير وحاولي تكلمي أمك باسلوب حلو وتقنعيها ان هذا الأفضل لكِ والله يكتب لك اللي فيه الخير ويفرج همك يااارب


__________________________________________________ __________

أسأل الله العلي العظيم رب العرش العظيم أن يفتح لك ابواب رزقه ويشرح صدرك وييسر جميع امورك ويحنن قلب امك وابوك واخواتك عليك ويرزقك بالزوج الصالح العفيف الطاهر وأسأل الله العظيم أن يعينك على ذكره وشكره وحسن عبادته بلغنا واكثري من الدعاء في شهر رمضان اكثري من الدعاء في سجودك وفي ساعة الجمعه وبعد الصلوات وبين الأذان والإقامه بلغنا الله وإياكي شهر الرحمة والغفران