عنوان الموضوع : مشكلتي هي امي وتعاملها معي
مقدم من طرف منتديات نساء الجزائر

مشكلتي هي امي وتعاملها معي



هلا يا اخواتي موضوعي او بالاصح مشكلتي موب استشارة كثر ماهي فضفضة لاني من صجي وايد متضايقة احس اني مختنقة وابغي اقول حق احد وشو فيني تخيلوا من كثر ما انا متضايقة وما القى احد اقوله شي اروح الحمام اصيح او بالليل اصك الليت واقعد اتبجبج وابلل مخدتي اخخخ يمكن تقولون والله فاضية على هالاشيا تصيحين بس والله اني متضايقة وااايد
بقولكم بالاول انا ما احس انه امي تحبني ووايد ادلة على هالشي حتى ان ابوي حاس بالهشعور ومرة قال حق امي ليش تفرقين في المعاملة يعني هاذي مو بنتج مثل ذيج
وإذا ابوي عصب علي من شي تروح تقوله وسوت كدا وما ادري ايش عشان يعصب علي مع انه فضايح اخواني واغلاطهم تداري عليهم
وما احس انه اهي مقربة مني يعني لو شنو مااقولها مشكله صارت لي
يعني انا مرة بس فضول حبيت ادخل شات والحمدالله اني وحدة صالحة ما رضيت بالمسخرة يلي شفتها بالشات مع اني تعلقت في فترة شهرين ودايم كنت افكر بشخص بعدين الله رجعني عالطريق المستقيم وما دخلت هالبلاوي
يعني والله استغرب من ام ما تحس ببنتها ام مدرسة وبحكم وضيفتها احيانا تشوف بنات شاردين وسرحانين فاشوفها تحاجي امهات البنات وتقول ليهم احس ان بناتكم يمكن متعلقة بشاب وتحب لانه شكاها شذي يبن اووووف يعني احين صارت لهم هي اخصائية نفسية اما انا بنتها ولا تسألني بشنو سرحانة وبشنو افكر والله قهر
**تخيلوا مرة بقعدة نسوان اناكنت مرة جالسة يم وحدة من زمان ما شفتها فقالت لي واللهكبرتي وسالتني جم معدلج قلتلها....قالت لي مشاالله ليش عيل امج تقول كانت عطول انج ابد ماتفهمين وان انتي اقل وحدة بخوانج وما تستوعبين بسرعة والله ثم والله ما عرفت شنو ارد سكتت وابتسمت وقمت عالحمام وقعدت اصيح واجهز كلام اعاتب امي في بس يوم شفت امي جدامي ما قدرت اقول شي مو معقوله لهدرجة في وحدة تذم في بنتها جدام الاوادم بدل ما تمدح فيهم قلت يلا ما علينا يمكن لاني صج كنت اتعب امي بالدراسة وعطول اهلي كانوا يذلوني اني اقل وحدة بالمعدل (مجموع الشهادة)
بس تأكدت لما تخرجت هالسنة من المدرسة اتصلت فيني خالتي تقولي ماشاالله هالمعدل يرفع الراس ويي وليش امج تقعد تقول انج هبلة وما تستوعبين بسرعة وما تفهمين والله اختنقت وتغير صوتي وما عرفت شاقول وصكيت التلفون وقلت بعدين ان ما في ارسال بالمنطقة يارب ليش يصير فيني كدا اذا اقول ليكم ان امي هي العدوة بالنسبة لي ما اتذكر ان في مرة حضنتني وقالت لي احس انج متضايقة قولي وش حاسة في
اه ولما اقولها مثلا بطني يعورني تسوي نفسها دكتورة وتقولي يمكن ما تغطيتي عدل ورقدتي مكشوفة وانا تكون امعائي تتقطع ياربي حتى لما انكسرت رجلي اقولها تعورني تقول ما في شي رضة وتروح بلا دلع تخيلوا الناس يلي بره ماشين بالشارع حنوا علي وساعدوني
ويومها ما قدرت استحمل الالم وابوي وداني طوارئ وطلعت فيني رضة وهي مسوية فيها دكتورة وتقول رضة
حتى اني مرة صرت والله يعد عنكم تطلع مني ديدان من المنطقة الخلفية ولما قلت ليها قالت لي عادي روحي بعدين المركز الصحي وبيعالجونج وصارت تتطنز علي وتقولي يا ام الدود بس اختي صارفيها نفسي قامي تتغطى عليها وقسم بالله ما احد درى انه عندها بس انا يلي عرفت لما سمعتهم يتساسرون لأ وقامت امي بسرعة ودتها المستشفى هذا وانا اختي كبيرة وعندها سيارة ورخصة قيادة يعني مو بحاجتها اما انا يلالمسكينة والله ما ودتني وصار على سالفتي سنة ولا سالتني حتى وش صار فيج
هذا غير انه ما قدرت اني والحمدالله الاولى على مدرستي ومن الاوائل على دولتي وما بينت للناس ان انا تغيرت يعني ماعدت البنت اللي ما تفهم بسرعة انا احمد الله اني عندي شجاعة وانصح البنات يلي مثلي ما يتعقدون لما احد يشتمهم انا كنت اقل وحدة باخواني في المدرسة وكانوا يعيبون علي والحمدالله انا الحين اعيب عليهم وانا اكثر وحدة موبس بين اخواني بل بين عائلتي كلها من ناحية امي وناحية ابوي الحمدالله ياربي كان نقمهم لي تشجيع
تخيلوا في يوم حفلة التفوق في المدرسة امي احرجتني بكلمة مااقدر اقولها لكم وبعدين قالت لي بروح عند صديقتي ناطرتني تبغيني بسالفة وراحت وتركني وسط الحفلة الناس يحضنون بناتهم ويجيبون لهم ورد وهدايا وانا امي راحت وللحين ما خلصت الحفلة بعدها قلت خلني اطلع بلا فشيلة كل وحدة ويا امها الا انا بروحي واقفة والله انغصيت وانا بطريقي للباب الخروج شفت صديقتي كانت واقفة ويا امها وامي تعرف امها فسلمت عليها وسالتني ام صديقتي وين امج خلني اسلم عليها انقهرت وقلت لها راحت عند صديقتها ضروي وطلعت بسرعة من الحفلة بدل الفشيلة ها شرايكم فلي صار والله ياربي هذي حفلة تفوق يعني لازم ينرفع راسها خاصو وانا من الاوائل بدل ما تطلع بنص الحفلة
السنة اللي عقبها الحمدالله استمريت على طريق التفوق ومن الاوائل وقالولنا بيسون حفلة بالمدرسة ويجيبون فيها الاهل يعني مثل ذيك المرة فانا مستانسة اقول حق امي لما رجعت البيت يمه تره بيسون حفلة للمتفوقين .... تعرفون شنو جاوبتني وييه بعد حفلة اذا تبين تروحين الحفلة انا ما باجي <<<علما ان امي اللحين قعدت بالبيت ومن زمان ما تروح الشغل وما عندها اي مشاغل بالعكس قاعدة بالبيت الصبح لا شغل ولا مشغلة توزرع وقتها الفاضي
انا كعادتي ما احسست لها اني متضايقة واتمنى مجيئها بس يومها رقدت وا ابكي
وصارت الحفلة ومرت وخلصت وانا ما رحت عليها وبعدهاالكل يسألني ليش يا فلانة ما رحتي تره كانت واايد حلوة فاتج نص عمرج والله استحيت اقول لهم ان امي ما بتيجي ادري بتقولون عادي روحي ولا تهتمين بس والله انقهر احس اني يتيمة امي بالبيت ولا تبغي تيجي ترع راسها فني ليش وش الذنب اللي ساويته وبعد الحفلة بايامامي شافت صديقتها ام صديقتي وقالت ليها ليش بنتج ما جات الحفلة تره كانت مرة حلوة تعرفون ايش كان رد امي (وييه والله ماادري ليش اصلا ما قالت لي ان فيه حفلة)
وانا طبعا ما كنت معاها بالزيارة فلما رجعت لبيت قالت لي ليش ما قلتي عن الحفلة وما رحتيها بالله ايش بكون ردي عليها وكعادتي اخاف على مشاعرها قلت ليها ما ادري كا حبيت اروح صايرة حفلات المدرسة مملة ومابغى اروح ولا شي سكتت ولا قالت شي يعني شاقول لذا رحت بروحي بدون امي شهس انا يتيمة ولا شنو عندي ام ليش ما تحتفل معاي معقولة ماحست فيني وهي عاملة روحها اخصائية نفسية للناس وتحل مشاكلهم
تخيلوا مرة احد اخواني من كثر ما يشوفونها تكرهني وتدعي علي يمة شنو بتسوين اذا ماتت فلانة قصدهم عني تعرفووون وشو كان ردها
انا حساسة حتى لو على قطوة(قطة) اصيح عيل على ادمية شاسوي
يعني ليش انا بنتها تقارني بحيوان ما اهتميت
ومرة كنت اتهاوش انا واخوي الصغير وقالي تره صج غبي يلي يقول انج ذكية قامت هي ضحكت ونادتني وقالت لي قوليله ليش اهو في احد يقولي ذكية والله انجرحت وما عرفت شاقول وتندمت اني احترمتها وما رديت عليها والله كان خاطري اقول ليها يكفي اني اشوف روحي ذكية وما يهمني كلام غيري مادام انا واثقة بقدراتي
بس ما ادري اتلخبط جدامها وما اقدر اقل ادبي معاها بس اللحين بالهفترة صرت ارد عليها بدل الكلمة كلمتين فصارت تدعي علي بالموت ... عند هذي اللحضة اللحين وانا اكتب تنزل دموعي بس عاد انا ما عندي غير مأوى واحد اصيح فيه هو الحمام عشان محد يشوفني ويتهزءون فين لان ابد ما عندهم اهمية للمشاعر
عمري 19 سنة ولامرة بحياتي قلت اي مشكلة تصيرلي حق امي لانه ولا مرة حسستني انه اهي امي وتحبني وتخلني افتح ليها قلبي بس مرة صارت سالفة بيني وبينها لحد اللحين تخبر خواتي فيها هذا وهو السالفة سرية جدا لازم محد يعرفها واله اعلم اذا الجارات يعرفون
ومرة امي كانت تعبانة وراحت للمستشفى واتصلت فيني تقولي اكلي اخوانج الغدا قلت ليها اوكي بس وش فيج وش قالج الطبيب قامت صاحت وتقولي قولي حق ابوج يجيني المشفى يقول الدكتور ان في عندي شي بالدم لازم افحص لانه احتمال شي خطير رحت قلت حق ابوي وراح وانا غديت اخواني وما كليت لقمة ودخلت اصيح وامسك القران وادعي لها لاني حسيت انه يمكن سرطان بالدم وقعدت اقراه قران هذا وانا كنت وقتها مبتعدة عن ربي وما اقرا قران غير برمضان يارب تهديني
وبعدين اتصلت فيها اتطمن لانه تاخروا وهي تكلمني تضايقت وما قدرت اكمل كلامي وصكيت التلفون وهي ولا يهمهاوبعد ما رجعت طلع ما فيها شي غزال
افففففف ادري كلامي وااايد ملخبط بس شاسوي والله متضايقة وانا طبعي كتومة وش صارلي ما اقول حق احد احس اني بانفجر من الضغط يلي فيني ما اقدر اقول حق اي وحدة من صديقاتي لاني بانزل من مقدار امي عندها ولا اقدر اقول حق اخواتي لانهم مو مقربين مني وامي هههه هي مشكلتي عيل شاقول حق من والله مالي غيركم اطلع في كبت بتجيني الجلطة من الضيقة يلي فيني وسامحوني عالاطالة

>>>>> ردود الأعضـــــــــــــــــــاء على الموضوع <<<<<
==================================


شوفي حبيبتي أنا بعمرك كنت أقول نفس الكلام عن امي (الله يخليها لي يارب ) وكنت اقارن معاملتها معاي بمعاملتها مع بقية أخواتي وكون اني كنت بالوسط (يعني مو الكبيره ولا اخر العنقود ) كنت أحس اني ع طول مظلومه وومحد يحبني وعندي دلائل كثييير مثل الي ذكرتيها انتي لأمك وكل يوم أسوي مثلك وماأقول لاحد واكتم بقلبي وابكي مع نفسي وعدت الايام والسنين وتزوجت والحمدلله وصار عندي عيال والحمدلله واكتشفت انه مستحييييل أم ماتحب عيالها مستحيييل اللي تتعب بولدها وهو ببطنها وكيف تتعب بوقت ولادته وتتعب بتربيته مستحيل ماتحبه حبيبتي االأم تحلم بولدها انها تشوفه عريس وهو لسه ببطنها
ادري طولت عليك بس حبيت افهمك اللي ماكنت فاهمته وما تغلطي نفس غلطتي مع أمك
بتقولي لي وش غلطتك ؟؟؟ بقول لك جفاكِ مع أمك حبيبتي روحي لأمها وبوسي راسها وايدها وحطي راسك ع صدرها واشكي لها كل اللي متضايقه منه قولي لها ليش يا امي تعامليني كذا انا أحبك ورضاكِ جنتي
بالنسبه لتعامل أمك معاك فأنا أقول لك كل واحد وله طريقته بالتعبير عن حبه وبتختلف من ولد لولد يمكن انتي مجافيتها ومعاندتها عشان كذا هذا اسلوبها معاك ِ
سامحيني على الإطاله حبيبتي بس ذكرتيني بنفسي وحبيت لك الخير ..موفقه ياقلبي


__________________________________________________ __________

اصبي عليها

بس حاولي تسألينها ليش يمة تسوين فيني كذا؟؟

و تسوين اي شيء يعجبها

و ادعي دوم بصلاتك ان الله يهديهااا


__________________________________________________ __________

لا تنسين ادعي بعد ان الله يحنن قلبها عليكي

بالتوفيق قلبي


__________________________________________________ __________

اصبررررررري يا الغالية اصبرري علي امك ولاتجعلي شيطان يسحبك علي العقوق .....................
طيب اصبري علي امك وايش يصير بينك وبين امك فضفضي لي علي الخاص اذا كنتي من النوع الي فضفض .......
هذي امك مستحيل ترخصك يمكن انت من النوع الاحساس جدا .....
وشدي حيلك بدراستك وثبتي لناس ان عندك قدرات مشاءالله وخليك واثقه من نفسك اضحكي وسولفي وخليك اسعد الناس ولاتكون المكتئبة وعليك بدعاء واصبر وصلاه وناس نيام تكوني اسعد الناس با التوفيق يا الغالية صح نصيحه ابتعدي عن الشات فنه هو بدايه ادمار وتراه حرام حرام لاتغضبي ربك عليك .............. موافقه حياتي الله يسعدك دنياء و الاخره


__________________________________________________ __________

حبيبتي امك تحبك بس انتي يمكن ما حاااااااسة فيها انتي كلميهاااا حاااولي تتقربي منها قدر الاستطااااع وادعلي الله