عنوان الموضوع : حبيته وما ابي غيره لو يذبحوني -تم الاجابة
مقدم من طرف منتديات نساء الجزائر

حبيته وما ابي غيره لو يذبحوني



السلام عليكم

ان شاء الله تكونون بخير وانتوا تقرون موضوعي

انا ماراح اطول عليكم

ومابي منكم حلول .. ولا اقتراحات .. ولا آراء

لاني انا اتخذت قراري وحسمت امري كله

بس حابه افضفض .. وابي منكم بس تقرولي من

البدايه للأخير.. وابي منكم بعد تدعون

لي بظهر الغيب لان دعواتكم اكيد مستجابة

عند ربي

انا تعرفت على واحد بالشات قبل 3 سنين

ومثل اي بنت رحنا من الشات للمسنجر..

وما اكذب عليكم .. انا تعرفت عليه وصرت

اسولف معاه مجرد تسليه وتمضية وقت

وابدا ماحطيت في بالي ان راح يكون بينا

مشاعر .. ولا خططت اني احبه .. بس سبحان

الله القلب ومايهوى .. والحب اذا جانا

يجي بدون استئذان

يمكن تقولون هذا مو حب .. هذي خرابيط

وانا اقول كل واحد ادرى بقلبه وشعوره

المهم اننا صرنا نكلم بعض بشكل شبه

يومي في المسن .. وتمينا على هالحال

لمدة شهر .. عقب هو

سافر الاجازه كلها يعني شهرين .. وآخر

كلمه قالها لي انتبهي لنفسك .. وتميت

طول فترة سفره افتح المسن .. واقرا

المحادثات اللي صارت بينا وعيوني تدمع

وكل يومي شوقي له يزيد .. وكنت احسب

الايام والاسابيع على رجعته

وفي من الايام برمضان هالكلام .. فتحت

المسن ولقيت منه رساله مكتوب فيها

(( انا رجعت وكلي شوق لك وعندي كلام كثير

بقوله لك وحشتيني غلاي .. متى اقدر اشوفك))

وشوي دخل المسن وسولفنا وانا مو مصدقه

المهم ماراح اركز بالتفاصيل .. انا وياه

اتفقنا عقب فتره نكلم بعض جوال .. لان

المسن تعب شوي .. ومرات يفصل اما عندي

او عنده وغير هذا شغله وحوسه

فلقينا ان الجوال افضل وسيله نتواصل

فيها بأي وقت واحد يشتاق للثاني يدق

المهم اننا استمرينا على هالحال

قرابة سنه ونص .. ولين جا يوم قررنا

اننا نلتقي في مكان عام .. وفعلا تم الامر

ومن هالمكان طلعنا وتمشينا شوي

بالسياره .. وبعدين رحنا مكان وصرنا

فيه بروحنا وانا كنت خايفه .. وبنفس

الوقت طايره من الفرح .. تعرفون شعور

البنت لما تكون مع الشخص اللي تحبه

شوي خوف .. شوي قلق .. بس كثير من الثقه

والفرح

وكان يقول الحمدلله اللي جمعنا قبل مااموت

وحسيت كلمته هزتني .. وسألته للهدرجه

انت تحبني وولهان علي؟

قال انا مابي اتكلم كثير عن مدى حبي

لك ابي الايام تثبت لك صدقي بأفعالي

لكن الاوقات الحلوه عمرها قصير ..

امي دقت علي وقالت لي ارجع البيت بسرعه

يوم رجعت الا اشوف العايله كلها مجتمعه

اعمامي وخوالي وخالاتي والعايله كلها

وكلهم يبكون .. وانا لا اراديا بكيت

وانا اسألهم وش صاير مين اللي مات؟

قالوا جدك عطاك عمره .. وماتتصورون وش

قد انهرت بلحظتها وطحت من طولي .. وماوعيت

الا وانا بالمستشفى .. ونسيت امر حبيبي

وحتى الجوال ماذكر وين طاح مني ومين

اخذه .. ومرت ايام العزا .. وانا حالتي

النفسيه في الحظيظ بسبب وفاة جدي ولاني

كنت تعبانه جسديا ونفسيا .. واخذت جوالي

وشفت فيه مكالمات منه كثيره لم يرد عليها

بس حسيت اني مو رايقه اكلمه .. وبنفس الوقت

كل مااتذكر يوم لقانا اخجل من نفسي ..

واصيح على اللي سويته .. المهم لما تحسنت

حالتي دقيت عليه وهو صار يعاتبني وفهمته

القصه وحسيته ماصدقني وقام يضايقني

بكلامه وحسسني اني كذابه واني اتهرب

واني مو قد الحب واني خوافه وجبانه

و مو راضي يفهم الحقيقه .. وصارت بينا

مشكله من ورى كلامه .. وانا ماعدت اتحمل وزدت الطين بله

وقمت قطيت عليه كم كلمه من حرقة قلبي

بدل مايواسيني حضرته يقوم يشك ويتهمني

المهم انه طلب اننا نبتعد عن بعض ..

في البدايه انصدمت من طلبه .. وترجيته

اننا نبقى مع بعض واني بعوضه عن كل

الايام اللي فاتت واعتذرت له .. بس هو

عنيد وراسه يابس .. وانا والله تعبت وانا

اترجاه بس يوم وصلت للكرامه خلاص تركته

بس بعدي محروقه على النهايه اللي وصلت

لها اكثر انسان حبيته هو اكثر انسان

اهاني وشتمني وخذلني

المهم اني عقبها لهيت شوي مع الدراسه ..

وشوي جات امي وقالت لي ان فيه حرمه

جايه تبي تشوفني .. عشانها بتخطبني لولدها

طبعا مبدئيا رفضت وبشكل قاطع .. وهي تقول

خل تشوفك منتي خسرانه شي .. وكان قريب

اختبارات .. وقلت لها ماني فاضيه حق

زواج وخرابيط .. وصفعتني كف اول مره امي

تمد يدها علي .. عقب ماكبرت .. والله حسيت

بإحراج وحسيت ان مافي احد التجي له

حتى الانسان اللي كنت افضفض له اذا كنت

متضايقه راح وخلاني .. وبكيت بكا مايعلم

فيه الا ربي .. انا مابي اتزوج احد غير

اللي حبيته .. لانه بعده في بالي مو قادره انساه

مو قادره انسى اني زعلته .. واني ضيعته

من ايدي

والله اني في جحيم وعذاب

آآآآآآآآآآآآه

مرات اقول بدق عليه وبشوف يمكن خلاص

صار رايق بس اتردد وابطل واشيل هالفكره

من بالي .. 8 شهور من يوم فارقني ولااتصل

ولا اعتذر ولا جيت في باله

مو مصدقه انه فعلا كان جاد بكلامه وانه

يبينا نفترق وعلى سبة شي تافه

مدري وش غيره تجاهي ماكان كذا من اول

يارب ان كانه لعوب معي من البدايه

انك توريني فيه عجايب قدرتك .. وان كان

مظلوم وانا ظالمته ان الله يرد الحق

لاصحابه

مرات افكر ادق عليه للمره الاخيره واقوله يسامحني بس ماتجي مني .. صعبه

بعد الفراق

يارب اشتقت له شوق لو اوزعه على البشر

يخلصون البشر وشوقي ماخلص

يارب صبرني

>>>>> ردود الأعضـــــــــــــــــــاء على الموضوع <<<<<
==================================


,والله مدري وش اقول لك بس الله يكون بعونك المفروض انه فكر يتقدم لك مادام لكم فتره مع بعض


__________________________________________________ __________

عليكم السسسلام

ي قلبي اللي ماقدرك ووقف معك بموقف كنتي ب اشد حاجته
و بدال لا يوقف جنبك ويحسسك ب الامان ويصصدقك...!!

يبداء يكذبك ويرمي عليك كلام ... والمشكله بينك وبينه عشره
المفروض يكون عارفك اكثر من اي شخص ويدري انك مستحيل تكذبين عليه ...!!

اسسسمحي لي هو اناني وعمر اللي يحب ما يسسسوي سسواته
و مااتوقع فيه اي سبب يمنعه يخطبك بعد العششره 3 سنوات اكيد عارفك زين ماله عذر
لو يبي يتحجج ...!!

ومن اول مشششكله سسارت بينكم تركك ..!!
صصصدقيني بقولك شي دااايم اقوله للبنات اللي يحبك لو كلك عيوووب ما يخليك ...!!

والرجال ما يترك البنت الا اذا كان عنده بديل
ي حياتي انتي مو غلطك انك حبيتيه الكل يحب لان الحب مو بيد الانسسسان ...!!

لكن الغلط انه انسسسان ما يسستاهل كل هالحب منك اللي يبيعك بيعيه
صدقيني لو اضعفك الشيطان ورحتي اتصصلتي تدورينه حتى لو رجع لك ...!!

صدقيني بتحسسسين ان مالك كراااامه ... ولو تقولين الحين رايق يمكن يتقبل كلامي
ويرجع ... ليه ما سسسئلتي نفسسك ليه ما قلتي دامه مروق الحين ليه ما سئل عني..!!

ليه دااايم البنات هن اللي يهينن نفسسهن عشاان اللي يحبن واللي يحبونهن
عندهم الكرااااامه تسسسسسسوى الف بنت عندهم ...!!

ي حياتي لاتدعين عليه لان وربي محد يسستاهل تسسودين قلبك عششانه
انتي بس رددي ي رررررب تاخذ حقي منه بنسسسسيان ي رب تنسسيني اياه ...!!

وربي يسسسسعدك ويسسسعد قلبك بنسسسيانه واذا حابه تتكلمين معي الخاااص موجود ^^


__________________________________________________ __________

مدري وش اقول بس بنصحك نصيحه
عشان ماتكون بذمتي يوم القيامه
اني مانصحتك
هالطرررررررررررريق غلللللللللللط
افهمو يابنات وربي الرجال بس يبي ياخذ
اللي ابيه
وانصحك ابعدي وبراحتك انتي


__________________________________________________ __________

السلام عليكم كيفك حبيبتي المهم اساس العلاقه غلط لان اختليتي في واحد مايجوزلك شرعيآ ويوم طلعتي معاه ماخفتي ان ربي ممكن يسلط عليكم ايش يعني ممكن تنقلب فيكم السياره ويحصل شي لاقدر الله وانفضحتي عند اهلك والناس كفايا ان ربك مطلع على كل شي سويتيه ولو فرضآ كان صادق معاك استحاله يتركك لسبب تافه لكن هو يبغى اي شي علشان يبعد عنك
توبي لربك واستخيري في موضوع الخطبه يمكن ربي مسخره لكي
أختك في الله عقد النور


__________________________________________________ __________

لا تضيعين حياتك وتندمين
حاولي تنسيه لانو لو يحبك يتمنى لك الخير على الاقل
مو وبكل سهووله يتركك
نصيحه نصيحه انسيه وادعي ربك

لاتضيعين حيااااتك