الله يسعدكم شوفولي حل مع أختي تعبت منهاااا مجابة

[aksachli]

عنوان الموضوع : الله يسعدكم شوفولي حل مع أختي تعبت منهاااا مجابة
مقدم من طرف منتديات نساء الجزائر

الله يسعدكم شوفولي حل مع أختي تعبت منهاااا



بسم الله الرحمن الرحيم
أنا عندي مشكله مطفشتني مرررررررررره من سنين واللي هي أختي وطيبتي الزايده زادت عيه كل وحده أتعرف عليها تقولي أنتي طيبه بزياده
كرهتني بحياتي لأني الصغيره تشوف أني لازم أحترمها بكل شي
تخيلوااا بالبيت أنا أكنس وأغسل المواعين أمسح المطبخ وأغسل الملابس وأكويها حتى مايمديني أهتم بنفسي وإذا قلتلها أشتغلي معايه ولازم نسوي جدول تروح تزعل ماتبغاني أتأمر عليها وهي طول الوقت نت وجوال وخلطات ومهتمه بنفسها مره وأنا بشرتي حاستها رايحه فيها مافيه وقت ليه وإذا هي جاها الحماس أنها تنظف تقول لازم نسوي جدول ومن الكلااام هذا أنا ماأحسب أفرح وأجلس أناقشها وأحيانا أرفض بعض الأشياء اللي تقولها وتروح تقول لخواتي أيش هاذا لازم تساعدني ومدري أيشي يجون خواتي يقولولي ساعديها وسويلكم جدول بس أساسا حتى لو سوينا بالكثير أسبوع وترجع زي ماكانت وانا وهي كلنا ندرس هي اذا غابت تسوي الغدا وأنا أنظف البيت يعني مايمدي أسوي غدا وأنظف تجلس تقول لخواني أنا إذا غبت أسوي الغدا وهي ماعمرها سوت طيب بالله متى يمديني ألحق على هاذا ولا هاذا وخليه يخرب شي بالبيت على طول تقول أنه أنا بالبدايه كنت أسكت لكن ذحين أقولها لأن ماعمرك سويتي شي مايخرب معايكي أي حاجه ومره جاها الحماس ونظفت المطبخ أنا قلت فرصتي أرتاح كم يوم ولما جوا حريم خواني تجلس تقول أني ما أشتغل بس هي اللي تشتغل وأنا ساكته وصابره وعند الناس مشاء الله عليها طول الوقت مساعدات وأنا أقول رايحه للناس من حقي أرتاح مو أشتغل معاهم شغل بالبيت وببيوت الناس هي إستحاله تسوي شي وأنا ما أساعدها فيه حتى لدرجة مره نظفت درج بالمطبخ وطلبت مني أساعدها قلتلها والله ما فحالي جلست زعلانه مني كم يوم
ومع هاذا كله خواتي أي خبر يقولونه لها وأنا ولا يعبروني ما أحس أنهم خواتي حتى ما أدري عنهم بشي كل حاجه بينهم
بس إذا يبغون حاجه مايقولون إلا ليه ولا عمرهم يطلبون من أختي شي إلا قليل مره وطول الوقت جيبيلي كذا ولا كذا بخلي عيالي عندك صرت أحس أني عايشه بالبيت زي الخدامه صح أن خواتي ما يقصرون يشترون لي أي شي أبغاه بس ليش بس يطلبون مني وأختي لا ومع كذا يحترمونها أكثر مني ويحاولون أنهم مايزعلونها بشي
أختي طبعها أي شي تزعل منه لو على شي تافه تسبب مشكله وأنا أسكت وأصبر لكن من جد غاثتني مني قادره أستحملها ذحين بنكمل 3أسابيع مانكلم بعض عشان قلتلها نبغا نقسم البيت أنا المطبخ والحمامات الله يكرمكم وأنتي البيت قالتلي طيب ولما خلصت شغلي طلعت هي بس منظفه الصاله قلتلها ليش ماكملتي البيت قالت أنا قلتلك من أول بس الصاله قلتلها لا أنا قايلتلك كل البيت هيا خليني أشوفك مانظفتيها قالت مو أنتي اللي تجين تأمرين عليه وعاندت وما سوت ولا شي قااااهرتي
ولما أقول لأمي خلاص زهقت وطفشت إلى متى أبغا أصبر تقول تعوذي من أبليس الشيطان يبغا يفرقكم وصح أنا شايفه أنه محد غيرك يشتغل وتقولي تبغيني أجيب شغاله أقولها ماأبغا أتعود على الكسل وأساسا ما أرتاح إذا فيه شغاله لكن مع كذا جابت وقت الاختبارات عشان أجيب نسبه الله يسعدها محد حاس فيه غيرها هي وأخواني حتى أخواتي ينصحوني ويحاولون يهدون من اللي فيه بس ما أحسهم مهتمين من جد وحتى لما قلتلها لاتجيبي شغاله ما قلتلها قدام خواتي قلتلها عشان مايكون عذر لهم إذا قلت ليش أختي ما تساعدني
ومعليش طولت عليكم بس أبغا حل طفشت من أختي وطيبتي الزايده مطفشتني أكثر وأنا بطبعي ماأحب أحد يزعل مني دايم أسامحها وأقول المسامح كريم بس هي على أي شي تزعل وذحين قررت أني ما أكلمها إلى يوم زواجها الحمد لله ما باقي عليه شي كلها كم شهر وأرتاح بس أبغا طريقه أتعامل معاها بالفتره هاذي حتى عند الناس ما أتكلم كثير طول الوقت أفكر فيها وبحل لمشكلتها

>>>>> ردود الأعضـــــــــــــــــــاء على الموضوع <<<<<
==================================

الله ياحبيبتي في الاول ردت اقولك اتركيها زعلانه واعملي على اتفاقك معاها نظفي المطبخ والحمامات وهيه اتسوي اللي عليها لكن لما قلتي زواجها قريب رجعت في كلامي لكن ما اعرف شنو اقولك خليها في زعلها يمكن اتحس هيه الغلطانه وترجع تتكلم معك واذا ما اشتغلت وعملت اللي عليها انتي اشتغلي صدقيني لما تتزوج اذا ماعدها خدامه راح تتعذب لان مامتعوده تشتغل

__________________________________________________ __________

الله يصلحك انت واختك قسمي العمل بينك وبينها مثلا انت مواعين الغداء هي العشاء او العكس وحدة تطبخ وحده تغسل انت اليوم تكنسين بكرة هي الكوي والغسيل اذا انت غسلت هي تكوي والعكس انت التزمي بالجدول سوي شغلك واذا ماسوت اتركيها لا تكلميها انت لك بالشغل حقك مالك صلاح بالباقي

__________________________________________________ __________

انا مع الاخوات لما تسون الجدول انتي التزمي فيه وخلي شغلها عليها ولو احد سألك ليش مثلا الصاله مو نظيفة قولي انه مو عليكي وانه انتي مسويه شغلك يمكن بكذا احد غيرك يكلمها من اخواتك اذا حسو انه البيت مو نظيف وتحس وتصير تشتغل

والله يسعدك ويعطيكي على قد نيتك ويخليلك امك

__________________________________________________ __________

يالهي حسبي الله ونعم الوكيل وين دور والدتك بالموضوع يا اختي المفروض والدتك الكبيرة وهي ربة الاسرة يكون لها دور بترتيب شغل البيت ليش هالتفريق والله هذه اهم الاسباب الي تزرع الكره بين الاخوان هي التفرقة لا اله الا الله

__________________________________________________ __________

مثل مشكلتي انا واختي
الله يعين بس