عنوان الموضوع : اختي تخطب بنتي الطبيب يجيب
مقدم من طرف منتديات نساء الجزائر

اختي تخطب بنتي



السلام عليكم ورحمة الله

عزيزاتي عندي مشكلة جابت لي القلق
وصرت ما انام تمام من كثر ما افكر فيها
مثل ما شفتو في العنوان

اكثر وحده احبها في اخواتي ومأمن اسراري بعد الله يعني امي الروحيه اعزها جدا وما اقدر ارفض لها طلب
المهم صارت تلمح لي انها خلاص بنتي لولدها وبنتي توها صغيره ابتدائي
وانا انصدمت اولا لاني ما فكرت في موضوع زواج او شي وهي بكري اول وحده
وانا الموضوع قالقني من ناحيتين
1=لاني اعز اختي ومالي صديقات او قرايب وخايفه نخسر بعض او مانحب بعض مثل اول تعرفو حياة الازواج لا تخلو من المشاكل ولابد كل وحدة تحب ضناها واخاف في المستقبل يظلمها او تظلمه ويصير في نفوسنا شي على بعض او على
اولادنا مع العلم كثير في عايلتنا صارت مشاكل وحقدو القرايب على بعض
يعني حابه نكون اخوات وبس وما يكدر علاقتنا شي هل انا غلطانه في هذا التفكير؛؛ابغى رايكم في هذي النقطه::
2=ودي اقولها هذا الكلام واكون سبب اني ضيعت على بنتي نصيبها وممكن تعنس او ما يجيها افضل منه في المستقبل وتعرفو الزمن يخوف يعني في النادر الواحد يلاقي زوج طيب لبنتة وللعلم حتى هو يلمح لي يعني الموضوع جد وبنتي والله ما في راسها غير اللعب والتنطيط وتشوفه زي اخوها
والله محتاره وتعبانه هل تنصحوني اقول لاختي على مخاوفي او اسكت واخلي كل شي في قلبي لين ربي يحلها
ابغى شوركم ما عندي بعد الله احد استشيره اختي حبيبتي اللي اشاورها في كل شي صارت هي اللي اخبي عليها
شكرا لكم

>>>>> ردود الأعضـــــــــــــــــــاء على الموضوع <<<<<
==================================


أنا من رأي ان تقوولين مواافقه بعد مواافقه البنت بس مو تسألين بنتك الحين لا طبع لكبررت وبكذا مرااح تزعل


__________________________________________________ __________

وليش مستعيله توهم صغار في الابتدائي لما تكبر وتخلص دراستها يصير خير ان شاء الله يمكن اهيا تجيلك وتقولك ابي ولد خالتي ماتدرين ويمكن اهوه لما يكبر يقول ابي وحده ثانيه

ماتدرين ربي شنو كاتب ولا تقولين شي حق ختك وسكري علي الموضوع


__________________________________________________ __________

اوووه بدري بوقتها يحلها الف حلال

ماتدري يمكن الولد لما يكبر مايصير يبيها

يمكن اختك تغير رأيها

ماتدري وش يصير الزمن يغير

وانا مررررررررررره ماانصح بزواج الاقارب

شوفي اخوات زوج اختي

وربي شماااته

كل وحده تعاير الثانيه

ذي تقول احمدي ربك ولدي رضي ببنتك انا رحمتها قلت ازوجها ولدي بدل ماتعنس كذا

والثانيه تقول والله بنتي تاج روسكم احمدوا ربكم رضيت بولدك الصايع

شمتوا الاوادم فيهم وهم اخوات


__________________________________________________ __________

وش اللي توافق وما توافق ؟

توهم صغار وش فيكم ؟

وبعدين اكبر غلط الحركات ذي بنتك لولدي ومدري وشو

قصص كثير زي كذا وفي الاخر ما يصير نصيب ... الولد ما يبيها والبنت متعشمه من يومها صغيره

ولا يوم تنخطب يرفضون عشانها لولد مدري مين ويضيع نصيب البنت

وانا بعد ما انصح بزواج الاقارب


__________________________________________________ __________

عليكم السلام
اختي بنتك بعدها صغيره سكتي اختك لا تفتح عين البنت على الزواج
وبعدين ليش ابوها ما اله رأي جائز ما يوافق
ومثل ما قالو البنات جائز لما يكبر يختار غيرها