عنوان الموضوع : ياوسع صدري على صدك وياصبري! الطبيب يجيب
مقدم من طرف منتديات نساء الجزائر

ياوسع صدري على صدك وياصبري!



السلام عليكم ورحمة الله وبركاته ........اخواتي ارجووووووووكم خففو علي همي وكل وحده تحط نفسها مكاني الله لايقيس عليكم بشر......بس من باب لو مكاني اشلون بتتصرف
انا لي 17 سنه زواج والمشاكل من اول ماتزوجنا والسبب الافكار متباعده والشخصيات غير مع انا قريبين في السن.....
شخصيته قويه وقياديه صعب التعامل معه .........
امشينا على مزاجه الاماكن اللي ماتعجبه مانروحلها واللبس بشروطه حتى عيالي نفس الحكايه عطني مصروف لا انا قاعد اصرف عليك ......
مصاريفنا وملابسنا ماتجي بالساهل سفرياتنا عند اهلينا فقط ويمن عليها واحمدي ربك اوديك.....اخر مطعم رحته شهر 12في العيد .......
وكل هذا بحجة اني بجمع واعمر والين الحين ماشفنا شي من هالسوالف يدوب ارض شاريها في منطقه نائيه وب30 موقد اني بحوش وماعليها صك حتى سيارتنا كورلا قديمه خربانه اكثر من صالحه وحنا 7 ماشاءالله ونسافر فيها بر كمان يعني حاااااااااله توتر
المشكله متاكده ان عنده ويقدر بس ليه هالشده كلها مدري
راتبه12الف
اي مشكله تصير وازعل منها يروح يزعل ليش اني زعلت!!!!!
يعني انا هالنقطه معذبتني تعذيب ولاعمره في حياته اعتذر الامره وحده
المهم المشكله اللي تمشكلنا عليها الحين ,,,,,,,,,,
ان بيتي صار الفرش مره متهالك غرفة نومي لها 12 سنه ومكسره البيبان
والمقلط له 7سنوات واكلنا وشربنا وجلستنا فيه ومره انعدم والله دايما افركها بالشامبو وانظفها بس خلاص تحسين ماعاد فاد فيها واحترقت بالدفايه جزء رحت قصيت من ورى الكنب ولزقتها عشان تمشي كمان والمكتبه مكسره والله الادراج طايحه منها
يعني وربي شي ماينصبر عليه يهني هالمقلط اللي له 7سنين اخر شي فرشته في البيت والله حتى المفارش عمرها تسع سنوات اغسلها وارجعها مكانها حتى مافيه سبير
المهم ويوم قلت تغيير بغا ياكلني وتهجم علي انتي ماهمك غير المظاهر فشخره فاضيه وبس تناضرين الناس وش عندهم وتبغين زيهم واحمدي ربك ومافي الفرش شي وش زينه يتحمل الين اعمر
قلت طيب افرشلي الحين واذا عمرت والله العظيم لاخذه بيتي بس غيرلي هالقرف
ورفض ونا بصراحه زعلت وهو كالعاده يوم شافني زعلت زعل وبقوه
وربي تعبت الحياه معاه صعببببببه مافيه سهاله كل شي يجي بتعب ونرفزه ونا ماعاد اتحمل عندي قولون وضغط
واحس اني اوشكت حياتي تنهار
احيان اقول بطلب الطلاق واحيان اقول يتزوج ويبعدعني انا وعيالي وماادري وش الحل لي اسبوع استخير لكن متردده الى الان
الله يخليكم لاتخلوني خففو عني وشورو علي
ولاتنسوني من دعواتكم
تكفووووووووووووون ادعولي في ظهر الغيب لعل الله يتقبلها

>>>>> ردود الأعضـــــــــــــــــــاء على الموضوع <<<<<
==================================


الله يسخر زوجك لكي ويهديه استغفري واطلبي له الهدايه من الله
بس بصراحه يبدو انه زوجك فيه صفة البخل لكن بالنسبه للمصروف ماراح يجي بالخناق لانه لو مو راضي ماراح يدفع لكن انتي في قت رايق اطلبي منه مصروف لكي بالشهر لو 500 ريال وممكن توفريها وتغيري اللي تبي وبالنسبه انه يزعل اذا زعلتي خلاص لاتراضيه خليه يجي ياراضيكي حتى لو طول
وتعرفي ليه مايراضيكي؟؟ لانه يعرف انك بتجي تراضيه لكن خلي لكي موقف هذي المره ولو جاء يراضيكي اطلبي منه مصروف
اما بالنسبه انه يتزوج عليكي بالعكس بتكبر المصيبه واخاف وقتها حتى الاكل ماعاد يجيبه لكي ولعيالك وكمان انتي توكلي على الله وفوضي امرك له والله ماراح يخيب ضنك


__________________________________________________ __________

الله يكون في عونك ويصبرك..
والله زوجك صعب وحاسة ماعندة تفاهم ابدا..
لازم تتخذي القرار المناسب لحياتك مشان تعيشي حياة كريمة واولادك مايتعقدو في حياتهم..
اسال الله العظيم رب العرش العظيم ان يفرجها عليكي ويمدك بالصحة والعافية والحياة الهادئه..:rose:


__________________________________________________ __________

ان ششاءالله اخواتي المتزوجات مرح يقصرون معك بحكم خبرتهم في ازواجهم
والله يهدي زوجك ويسخره لك


__________________________________________________ __________

الله يفرج همك وادعيلي ربي يفرج همي قولي آمين ويرزقني بالخلف الصالح
استخيري وامشي على احساسك وربي يكتب ليك الخير


__________________________________________________ __________

اخواتي والله حاولت في المصروف بكل شي يخطر ابالك بس راااااااااااااافض
ومن ناحية الزعل اوالله عنده استعداد يطنش الين انا اجيه الحين لنا شهر مانكلم بعض
المشكله هو يروح ويجي انا اللي انحبس مااطلع بالعكس يعاقبني
مستحيل اطلع من البيت او يجيب طلباتي