عنوان الموضوع : مصيبتي مصيبه -لصحتك
مقدم من طرف منتديات نساء الجزائر

مصيبتي مصيبه



بسم الله



السلام عليكم ورحمه الله وبركاته

مشكورات حبيباتي ع فتح القسم واللي يريح الكثير من البنات لطرح مشاكلهن

ابطرح مشكله مو بس لي لخواتي بعد واتمنى تقلن لي الحل اللي يريحنى
انا قصتي ان ابوي زوجني وانا عمري 17 سنه غصب عني من رجال كبير بالعمر وانا كارهته وهو عارف واهلي عارفين اني اكرهه وماحبه بس للاسف يقولون رجال عاقل ويحبك وش تبين اكثر من كذا. وانا مو مدح بنفسي انا جميله والكل يتمناني وكل من شافني قال حراام كل هالزين ومع شايب
تخيلو من تزوجته وانا عند اهلي هو يروح ويجي وعنده حريم وبنات متزوجات اكبر مني
المهم عشت متزوجه ومو متزوجه ومحد حاس بالنار اللي فيني بس الله قادر على كل شي
مع انه يموت فيني ولايفكر يطلقني خلاص مو قادره اتحمل وفرجها ربي وتطلقت منه وبعدها يحاول يرجعني وانا رفضت ماصقت على الله
المهم الحين لس سنه مطلقه والحمد الله من اول ماخلصت العده والناس تخطبني بس المصيبه ابوي
مو عاجبه العجب اذا جاني شاب طلع فيه 100 عيب وهو مافيه شي بس من عنده يظلمهم واذا جاني رجال كبير ومعه حرمتين او اكثر يمدح فيه ويبيني اوافق
حتى خواتي ماتزوجن من جاء خطبهن ططلع فيه عيوب
انا الحين عمري 30 وماتزوجت تعبت ابستقر وابي يكون لي عيال وهو ولا هامه
وانا والحمد الله صاحبه دين واخاف الله
مدري وش اسوي ضاقت فيني الدنيا والعمر يمشي ... اسفه طولت عليكم بس مدري وش اسوي مع ابوي هو عنيد وعصبي حتى البيت مانطلع ولا نروح لحد بنموت من الكبت انا وخواتتي
انتظر رايكم ياملي انتن

>>>>> ردود الأعضـــــــــــــــــــاء على الموضوع <<<<<
==================================


الله يهدي ابوك

طيب ما فكرتي تجلسي معه وتتناقشوااااا

او امك تتكلم معه ....... او احد قريب عمك او خالك

الله يفرجها عليكم ،،، ويرزقك الازواج الصالحييييين ،،،، ويسسعدكم يآربـ


__________________________________________________ __________

فعلآ مثل ماقالت اختي مسك مالك الا خالك يحط لوالدك حد ولا علمي شيخ بدون مايدري وخليه ينصحه ويذكره بالنار والعذاب ون الي يسويه حرام يمكن يخاف الله لاتسكتين وتضعفين ويطوف عليك قطار الزواج شكل ابوك طماع مع الاسف يبي رجل كبير عشان ياخذ منه مهر ويستفيد والعياذ بالله خليك جريئه وحسمي امرك وذا استمريتي على ضعف شخصيتك عمره مايتعدل حالك وذا كبرتي مراح ياخذك الا واحد في الستين فيه بنات كثير مثلك اتصلو على شيخ ونحلت مشكلتهم الله يوفقك يارب ويسخر لك ابوك


__________________________________________________ __________

شوفي يالغالية الطلاق مصيبة وتبعاته مؤلمة لكن أنت خليك مع الله إحنا نعطيك حلول بس فوق كل شئ رب العالمين الله الله الذي لايعجزه شئ في الأرض والا السماء حبيبتي
صلي في الثلث الأخير وادعي وتضرعي واشكي يالغالية ولاتنسين الاية هذاي ان الله يسمع كللللللللل شئ
(قد سمع الله قول التي تجادلك في زوجها وتشتكي إلى الله ) شوفي ياقلبي اسمعي محاضرة ماذا لواعتصمت بك نملة لعبد المحسن الأحمد ياليوتيوب وقرري الجواب بنفسسسك
أقدر أقول لك كلموا إمام المسجد قولوا له مثلآ يكلم أبوك صدقيني تتغير الأم وأبوك الله يهديه ظلمكم !
حررراااااااااااام الحين البنات مالين البيوت صعبة مايزوجكم وش الهدف ييبي فلوس ! لاحول الله الزمي الاستغفار الله مطلع على كل شئ ويعرف سبحانه الله معك !


__________________________________________________ __________

والله اختي مالج غير الدعاء

والاستغفار بنيةان الله يرزقج الزوج الصالح وكثري من قول لاحولاولا قوةالا بالله العلي العضيم

اللهم فرج هم المسلمين والمسلمات


__________________________________________________ __________

الله يهديه