عنوان الموضوع : ساعدوني الله يخليكم خربت بيتي بسبب غيرتي الطبيب يجيب
مقدم من طرف منتديات نساء الجزائر

ساعدوني الله يخليكم خربت بيتي بسبب غيرتي



السلام عليكم ورحمة الله تعالى وبركاته
بعد الله بترجاكم تدلوني عن الصواب وأول مرة بكتب مشكلتي وما بقدر أشكي لأحد من أهلي وببدأ بقصتي من غير ما أطول عليكم.
أنا عمري 26 ومتزوجة صارلي 3 سنواتزوجي أكبر مني ب 20 سنة تزوجنا عن حب تعرفنا على بعضنا ونحنا متغربين أنا كنت متغربة بشتغل أنا التي أعيل أمي واخوتي بحكم أنا أكبر واحدة وابي الله يرحمو ,زوجي مطلق وله ثلات بنات من طليقته أكبر واحدة هلأعمرها 19 سنة زالمهم زوجي أطيب منو ما لقيت ومتقي ربه هدا أكثر اشي شجعني أتزوجه أنو هده الأيام صعب تلاقي زوج طيب ومتقي ربه وهو ما كان بيفكر بالزواج لأنه خايف على مشاعر بناته وحسيته كمان خايف من ردة فعل طليقته لأنها قوية ومن أسباب طلاقه منها عدم احترامها له.بعد سنة تعارف وبيشكيلي همه بعدما كان وضعه كثير منيح,فلس ومطلق وبصراحة حالته كانت يرثى لهاوبعدما تعرف علي تغيرت نفسيته وصار أحسن ومتفائل وقرر انو نتزوج .تزوجنا وعشنا بهداك البلد فقط 3 أشهر عبال ما يصفي شغلو هنا ويرجع لبلدو ويبدأ يأسس شغلو من أول,وأنا رحت لبلدي بعد ما جهزلي أوراقي بعد7 أشهررحت عندو طبعا طليقته كان مشتري بيت وساكنة فيه هي وبناتها بحي راقي وكان مشتري لها سيارة قبل الطلاق ومصروف شهري وكل ما يخص البنات من ملبس ومدارس مش ناقصهم اشي,أنا لما اجيت كان مأجر بيت مفروش وفمنطقة راقية سكنا فيه لمدة شهر , امو كانت بتقول حرام يقعد فبيت أجار وعندنا شقة فاضية لأخوه كان ساكن فيها قبل ما يبني فيلا كل اخوانو ساكنين مع بعض كل واحض وشقته وأنا قلتله حرام خلينا نروح نعيش فالشقة الفاضية اللي فبيت أهلك لأنو الأجار كثير غالي حرام وهو لسة مبلش بشغله الجديد, بعدما أقنعته سكنا لكن ما فرشنا البيت كله لأنه ما بدو يعيش فيه بيقول بدو يفرش بيت أحسن بفرش أحسن مشينا حالنا بالفراش اللي فيه,هنا بدأت المشكلة بناتو بييجو عندو ويشوفو جدتهم وأنا بالبيت فوق مخبية لأنو خايف على مشاعرهم مع انهم قبل ما اجي للبلد كانو عرفو بالخبر وصارت مشاكل وطليقتو ما سكتت وسبت عليه وعلى اهلو وبنتو جابت ايميلي من جهازو وسبتني واهانتني وعرفو اني حامل وزعلو قالولو بييجي الولد وبتنسانا طمنهم انها بنت, وبعد مدة لما تجاوزنا هديك المرحلة.ست أشهر كلها كل ما بييجو أنا بضلني بالبيت ما اطلع يشفوني وهن عارفين اني موجودة بشقتي لأنهم بيلعبو مع ولاد عمهم وامهم تفتعل المشاكل وتخليه بنص الليل يروحلهم لأنها تركتهم بالبيت طول اليوم لحالهم من غير أكل ولا كانت تتركو يرتاح كل مرة تفتعل مشكلة ومش راضية تترك البنات ولا دير بالها عيهم, وأنا كان يتركني مرات بالليل ويروح ينام عندهم لأنهم لحالهم وخايفين أو يوم الاجازة يطلعهم وأنا لحالي بابيت,ما سكتت وعملتلو مشكلة كبيرة لما صرت بنزل وتفاجؤو وسألو من هاي قال لهم هاي خالتو ...طبعا هادول بس الصغار عمرهم 7 و9 والكبيرة بطلت تيجي لما عرفت انو أنا موجودة.المهم بعد مدة اجو وتعرفو علي مع انهم جواتهم ما بطيقوني وحاولت احببهم فيي واعملهم شغلات يحبوها وهدايا لما صارو متعلقين فيي وأختهم الكبيرة بعد ما عرفت اني بعاملهم منيح طلبت من ابوها يعرفني عليها وجابها وارتاحتلي,صارو كل اخر اسبوع بييجو عندنا بيضلو ثلات أيام والكبيرة ما بتنام عندنا بس بتيجي تقعد شوي وابوها يرجعها .هاي قصة زواجي هلأ المشكلة انو بناتو كثير دلعات ومتعودين عالشغالة بكل اشي وامهم كمان بيتهم من يوم طفشت الشغالة وهربت ولا وحدا بيقدر يدخلو من كثر ما هو معفن وأنا بيتي كتير نضيف ومرتب ومن غير شغالة لما بييجو بضلني أقولهم يرتبو غرفتهم وملابسهم وبعدما ياكلوينضفو وراهم زوجي انبسط اول لأن بناتو مش منضمات وأنا بحاول أعلمهم النضافة والترتيب المشكلة هن انزعجو وما بيحبو يرتبو واهم وصرت بتمشكل معاهم وزوجي زعل وقالي انتي بتشدي عليهم كثير وهيك راح يبطلو يحبوك,ادا بتحبي جيبي مرتين بالاسبوع شغالة تساعدك,ومن بيوصلو كل اشي لامهم من اخبار حتى شو بلبس وكل اشي ,اخر مشكلة فعيد الام انا اول مرة بكون ام قلتلوهديتي بدي كريمات لوجهي المهم بعيد الام كان طول اليوم مشغول كلمتو قلتلو وينك قال عندي اجتماع وبتاخر وبد ساعة بعتلي مسج بيسأني شو اسم الكريم اللي بدي رجعت كلمتو ما بيرد بعد مدة كلمني قالي ما رديتي قلتلوما بعرف اسمو لازم اطلع انا اختار قالي باجي اخدك قلتلو حرام انت تعبان تعال وبكرى بنطلع ,لما اجى بناكل سالتو رحت عند البنات قال لا انا ما فضيت من الشغل,وأنا كنت شاكة انو شافهم واخدهم ياخدو لامهم هدية.هو ما بيخبي علي وبيخبرني بكل اشي وبعرفو بيحبني ومستحيل يرجعها لكن هي بتستغلو ببناتها واللي بدها اياه بتقول لبناتها وهن بيجبروه ياخد عارفة انو ما بيرفضلهم طللب.المهم بعدما اجو فاخر الاسبوع سألتهو شو أخدو لامهم قالولي كلمنا بابا فيوم عيد الام واجا أخدنا للمول وبس نحنا نزلنا وبابا ضل بالسيارة اخدنالها عطر لانو نفسها فعطر .وهداك الوقت كان قالي باجتماع والمشكلة ما كان معو فلوس اللي معو اعطاه الهم لانو اليوم الثاني كان راح يقبض,وأنا بعد ما سمعت الخبر جن جنوني البنات قامو لغرفتهم يلعبو وأمو كانت بتتغدى عندنا وكان قاعد معاها ورحت قدام امو اهنتو وقلتلو هيك يا الكداب تقولي فاجتماع وما شفت البنات وانت رحت تشتري لامهم العطر والله بتستاهلو الام المثالية وأنا الشغالة لبناتها وأخدت بنتي وهو بيقول قسما بالله استني اوضحلك وأنا ببكي وقلتلو اسكت يا كداب ورحت لغرفتي,اجا بعد ما راحت امو زعلت طبعا من طريقتي اللي اهنتو قدامها كان بدو يحكي قلتلو انت كدبت علي وراح وتركني بالليل ما نام عندي نام بغرفة الجوس واليوم الثني بعتلو رسالة قلتلو انت لسة بتحبها ارجعلها هي معززة مكرمة ببيت مش ناقصو اشي وعندها سيارة واللي بدها اياه بييجيها وانا زي الشغالة فبيت ناقصو كل اشي وبنتي دبيحة العقيقة صار عندها ست أشهر ولهلأ ما دبحلها وبناتو كل اشي بيوفرلهم ياه وأنا بتنازل على حقي بقول حرام مش معاك وانت من وراي بتروح توفرلها ولبناتها انا بدي اتركك لبناتك ولامهم احسنلك وانا بروح اشوف مستقبلي مع شخص يحبني ويحب ولادي وما في حدا يشغل بالو ,عصب وجن جنونو من المسج راح يصلي وبعد ما نامو ابنات بعتلي مسج يقوليي بناتي ماراح ارميهم بالشارعوأنا بحال أعوضهم عن اشي ما الهم دنب فيه وانتي صرتي كل ما بييجو كل اسبوع بتفتعلي مشكلة وامهم قصة استفزازية اخترعتيها مشان تتخلصي من واحد كداب وقارفك ببناتو,شوفي اللي بيناسبك من غير ما تتنازلي عن اي اشي ومن غير ما تمني علي ببناتي,قلتلوبناتك ماعندي مشكلة معاهم انا ما راح اخرب زواجي مشان بنات طباعنا مختلفة ومع المدة بنتعود عن بعض أنا اللي قاهرني امهم اللي بتستغل حبك ببناتك واللي بدها اياه بيجيها ,مارد علي وبعتلو في الصبح مسج بقولو ابدا بمعاملة جواز سفر بنتي قالي حاضر وقالي الله يبعتلك ابن حلال ما يكدب عليكي وما عندو بنات ويحبك ويحب دريتكم بس.أول مرة المشكلة بتكبر لهده الدرجة دائما منا بنتزاعل وكان بيترجاني أصبر عليه وراح يعوضني لأني أكنا هدية الله بعتني الو ومن هدا الكلام بس هالمرة خلاص قالي اللي بدك ياه أنا حاضر والمشكلة انو بعدما تزوجنا تركت شغلي هو اللي بيعيل أهلي شهريا بيبعتلهم وأنا ادا رجعت لأهلي صعب أشتغل ومعي بنتي وأمي من كل هالمشاكل ما بتعرف اشي شو اسوي دلوني الله يرضى عليكم,جاوبوني وما تبخلو علي طولت عليكم سامحوني بس مالي غير الله وغيركم اشكيله

>>>>> ردود الأعضـــــــــــــــــــاء على الموضوع <<<<<
==================================


شوفي ياقمر انا عارفه الحركات هذي كوييييييس
هي بتسوي كذا علشان تنكد عليكي حتى لو كانت تكرهو وماتبغى ترجعله بس كذا نكد
واكيييد عرفت من بناتها انكم متضاربين وماتت من الفرح
شوفي انتي ردي عليها باسلوبها
اول شي انتي مو ملزمه ببناته يخليهم عند امه جلوسهم عندك غللللللللط
ثاني شي لاتزعلي لما يجبلهم شي لانه دليل على انه بيخاف ربه وشوفي هو مابيسوي كذا علشان حن لامهم لا بس علشان حاسس بان بناته مجروحين ويبغا يعوضهم
روحي لامه وخذيلها هديه بسيطه واعتذري منها وبوسي راسها بالعربي اكسبيها في صفك
عارفه لييييش علشان لايرجعلها صدقيني انتي اجلسي معاها وقوليلها انا بفضفضلك لان امي بعيده عني وانتي امي الثانيه قوليلها الحكايه وحركات طليقته ونزلي كم دمعه وبس صدقيني راح تكون معاكي
وزوجك غيري اسلوبك معاه 180 درجه البسي وتعطري وغيري شكلك
ولاتجلسي كل شوي تجيبي سيره طليقته ممكن الموضوع يكون مو فباله وانتي تزرعي هالفكره
ودائما وصيه على بناته حتى لو كنتي غيرانه لاتبيني له
وسوي حركات الحريم قدام بنته الكبيره طبعا بحسن نيه علشان تروح توصل لامها ان زوجك يمووووووت عليكي اقهريها ولاتخربي بيتك نصيحه..
والله ماحبيت اطلع من الموضوع بدون ما ارد الله يفرج همك وهمي
بالله ادعيلي ربي يفرج همي ويناولني مرادي
وطمنيني عليكي سوي الي قلتلك عليه وردي
انا متابعه ربي معاكي


__________________________________________________ __________

المشاركة الأصلية كتبت بواسطة shahad22
شوفي ياقمر انا عارفه الحركات هذي كوييييييس
هي بتسوي كذا علشان تنكد عليكي حتى لو كانت تكرهو وماتبغى ترجعله بس كذا نكد
واكيييد عرفت من بناتها انكم متضاربين وماتت من الفرح
شوفي انتي ردي عليها باسلوبها
اول شي انتي مو ملزمه ببناته يخليهم عند امه جلوسهم عندك غللللللللط
ثاني شي لاتزعلي لما يجبلهم شي لانه دليل على انه بيخاف ربه وشوفي هو مابيسوي كذا علشان حن لامهم لا بس علشان حاسس بان بناته مجروحين ويبغا يعوضهم
روحي لامه وخذيلها هديه بسيطه واعتذري منها وبوسي راسها بالعربي اكسبيها في صفك
عارفه لييييش علشان لايرجعلها صدقيني انتي اجلسي معاها وقوليلها انا بفضفضلك لان امي بعيده عني وانتي امي الثانيه قوليلها الحكايه وحركات طليقته ونزلي كم دمعه وبس صدقيني راح تكون معاكي
وزوجك غيري اسلوبك معاه 180 درجه البسي وتعطري وغيري شكلك
ولاتجلسي كل شوي تجيبي سيره طليقته ممكن الموضوع يكون مو فباله وانتي تزرعي هالفكره
ودائما وصيه على بناته حتى لو كنتي غيرانه لاتبيني له
وسوي حركات الحريم قدام بنته الكبيره طبعا بحسن نيه علشان تروح توصل لامها ان زوجك يمووووووت عليكي اقهريها ولاتخربي بيتك نصيحه..
والله ماحبيت اطلع من الموضوع بدون ما ارد الله يفرج همك وهمي
بالله ادعيلي ربي يفرج همي ويناولني مرادي
وطمنيني عليكي سوي الي قلتلك عليه وردي
انا متابعه ربي معاكي


والله الاخت شهد قالت كل كلمة نويت ان انصحك بها .
اضافة فقط طبقى هده النصيحة خطوة خطوة واكيد راح يرجعلك احسن من الاول اما عن بناته فحبيهم مثل ما يحبهم ابوهم وحاولى قدر الامكان احتواء هده الغيرة حتى تحافظى على زواجك واعلمى ان المشاكل موجودة فى كل البيوت والمراة الدكية هى المراة التى تعرف كيف تسيطر على غضبها ليس لاجل احد وانما لاجلك ولا تنسى ان تفرحينا بعد المصالحة بادن الله تعالى انا فى انتظار اخبارك.


__________________________________________________ __________

يارب يفرج همك يارب
مش ممكن تبعتي له رساله تصصالحيه او تجلسوا مع بعض وتحكيله الي مضايقك وانه مايعملوش تاني
وانك متقريش تستغني عنه ابدا حاولي
وربنا يوفقك يارب ويسخر قلبه ليكي واتاسفي له عن كلمتك انك تبحثي عن انسان اخير لانها كلمه جارحه له وقولي له غظب عني حبيت احسسك باللي انا حسيته من نار وغيره وغلطت انا اسفه


__________________________________________________ __________

و الله يا اختي الظاهر انه مل من كتر نقك على موضوع البنات و زوجته
لا تفتحي موضوعهم معاه لكن حاولي ان وجودهم عندكم يكون زيارة و بس و ينامو عند جدتهم لما يجوا
و انت اتصلي فيه و خليه يجي و افتحيلوا قلبك و احكيع عن خوفك من المستقبل و انك تموتي من غيره ووووووووو
و متل ما قالتلك الاخت دلليه قدام بناته و خليهم يحكو لامهم و جيبيلو هدايا قدامهم و البسي و لما تجي البنات العبي معاهم و ارقصي معاهم خلي امهم تطق
لا تخربي على نفسك و على اهلك و ما دام بيصرف على اهلك فمعناها هو مو مقصر بالعكس
و حاولي تفتحي معاه موضوع الشغل اذاكان ممكن تشتغلي هالموضوع ممكن تكون له فوائد كبيرة


__________________________________________________ __________

اعتقد انه انسان طيب ويحتاجك الى جانبه فلا تجعلي الغيرة تهدم بيتك وحاولي ان تكسبيه من خلال حسن معاملتك له ولبناته لانه يحس انهن ضحية بسبب الطلاق وحاولي ان تجعلي زوجك يستمتع بالوقت الذي يقضيه معك بعيدا عن كل مشكلة وابدأي انت بالصلح معه