عنوان الموضوع : والله بنات محتاجة نصايحكم مجابة
مقدم من طرف منتديات نساء الجزائر

والله بنات محتاجة نصايحكم



مابطول عليكم وبدخل فمشكلتي..
زوجي انسان مافي مثلة فهالزمن والله طيب ومراعني لابعد الحدود.. والله احبه كثير وما اتخيل حياتي من غيره..زواجي كان تقليدي وزوجي من منطقة بعيدة ولهم عادات وتقاليد وحياة بسيطة ماتعودة عليها ..فالبداية كنا مستاجرين شقة وساكنين بعيد عن اهلي واهله بس بعد فترة الظروف اجبرتني اني اعيش فبيت اهله لاني ولدت وماعندي خبرة فرعاية الاطفال.. والحين طفلي كمل ال7 شهور.. مشكلتي اني قاسية على زوجي وهو متحملني كثير..صايرة عصبية وما اتحمله ابدا وما احب انه يتقربني وما ادري ليش من يلمسني اتضايق احيانا اكتم ضيقي واحيانا ما اقدر احس بشعور غريب احس انه يريد ينام معاي بس ( رغم انة ابدا مامقصر معاي فاي شي)7 شهور وانا حارمتنه من حقة ورغم تعبه الا انه يسايرني ومراعني لانه الموضوع يسببلي الم ..ومن يروح احس بندم واكره نفسي واخاف يكرهني..والله مابيدي..يمكن لاني متضايقة من اهله؟؟او انه هذي اثار الولادة؟؟لاني حسيت بعد الولادة باني مقيدة وانا قبل كنت احس بالحرية؟؟والا انا كارهة جسمي؟رغم انه ماتغير؟؟ ما ادري شوصارلي؟؟ ممكن يكون حسد؟؟
بنات بعترفلكم بشي يمكن له دخل فمشكلتي بس بليز لاتجرحوني انا غلطة بس تعلمة من غلطتي..قبل زواجي حبيت انسان كنت اموت فيه وهو بعد حبني كان مغيزلجي بس تغير عشاني وتقدملي بالفعل بس ماضي كان سبب فرفضه..بس كان متامل انه يرجع يطلبني بعد ما اخلص دراستي..وفهالفترة تقابلنا كم مرة وصارت اشيا بيننا بس مالمسني لاني كنت ضد هالشي حسيت انه علاقاته مع البنات مستمرة بس ماكان عندي دليل ومع الوقت خفت عنفسي واهلي ماغيرو نظرتهم ومستحيل يوافقو عليه كنت موضع شك ..كرهت نفسي ..كنت تحت ضغط كبير الدراسة وشك اهلي وشكي فيه..حاولت ابتعد بس ما قدرت كنت مجنونة فيه..ماكان قدامي حل غير اني انسى حبه بحب جديد..تقدملي شخص(زوجي) انسان ما اعرفه وعمري ماشفته وساكن فمنطقة بعيدة..وافقت عطول..حاول الشخص الي حبيته يخرب زواجي..بكى وانصدم واعرف اني ظلمته بس كان لازم ابتعد قبل لايضيعني..تزوجت وحاولت انساه..طلع زوجي غير طلع انسان متفهم وعاقل وناضج فتفكيره..والله حبيته بس الشيطان كان فدمي وبعد الولادة تعبت نفسيا وحسيت زوجي بعيد ومافاهمني كان الشيطان يلعبي.. ورجعت اكلمه(حبيبي)..والله غلطت وندمانه والله ندمانه..تغير كثير صار يشرب ويسكر.. كنت اكلمه لما اروح بيت اهلي من تلفون والدتي ما عطيته رقمي وكنت اعرف انه هالشي غلط بس كنت اسوي..تصدقو بعد كل مكالمة كنت اصلي وادعي لاني ادري انه غلط بس احس اني انا الي دمرتة وانه لازم اصلح الي كسرتة ماقدرت امنع نفسي..تدرو شو صار فالاخر؟؟ طلع نذل كان سكران وانا من ضيقي عالوضع الي انا فيه(خيانتي لزوجي) صرخت عليه وشتمته.. بكل وقاحة اتصل فزوجي وسمعه صوتي وانا اكلمه...... وصار الي صار
تصدقو سامحني..يالله في فهالزمن مثل زوجي؟؟ يمكن تقللو من رجولته بس والله زوجي رجل يحترمة الجميع وله هيبته بين الناس.والله احبه احبه بس ما ادري شو صار؟؟ممكن انه ياذيني الشخص الي عرفته بعين او سحر؟؟
بنات نصحوني شو اسوي والله اخاف اخسر زوجي بعد كل الي صار
سمحولي اذا المواضيع متداخلة فبعض والله متضايقة
بنات مافي حب والله الا بعد الزواج

>>>>> ردود الأعضـــــــــــــــــــاء على الموضوع <<<<<
==================================


صابر عليك..!

ايش تبغي المطلوب..

مآ آدري ليش سبحآن الله..

يعني لازم الوحده تدمر نفسها بنفسها..

آحمدي الله واشكريه..

تكلمين وآحد ويسمعه صوتك..

وساكت..


محتآجه نصيحه..

غير من نفسك من جواء..

لمن تغيرين ..

تتغير نظرتك للوآقع..

بعدين شوفي وين آنتي مقصره..

وآعطي..

لاتكوني تآخذي ومآتعطي..

حآولي لو حصل شيئ في المستقبل..

ضميرك يكون ..مرتاح..

آنو منتي مقصره في شي..

والله يسهل لك خطآويك..


__________________________________________________ __________

اللي فيج مثل ماقلتي مواضيع متداخله في بعض..من ناحيه الماضي ومن ناحيه السكن مع اهل الزوج..والولاده..انتي صار معاج اكتئاب ولاده.روحي طبيبه وراح تكتبلج دواء ضد الشي هذا..بعدين الزوج اللي ربي كتبه لج المفروض تصلين لربي حمد وشكر على هالنعمه وين تحصلين رجل مثله هاليومين..,,بداية الحل بيدج مو مع احد غيرج..توبي واتركي الماضي بكل مافيه ولاعاد تكلمين حبيبج على قولتج..صلحي علاقتج مع ربج قبل الناس..حاولي تكسبين رضا زوجج..صفي الشوائب اللي عالقه بنفسج من الشيطان..الوقوع بالذنب له اثاره اكيد واول اثر له تعب النفسيه,,محد يذنب ويكون مبسوط ومرتاح اهم شي الاقلاع عن الذنب والتوبه ومحاولة محي هذي الذنوب بالعبادات صوم صدقات قراءة قران..مثل لما الواحد يزيد وزنه يحاول يزيد جهده عشان يحرق سعرات حراريه ويتخلص من الوزن الزائد<<تسوي دايت هاليومين فديتها ومادري ليش جابت هالتشبيه خخخخخ<<كلن يغني على ليلاه فديتني..المهم انا حبيت امزح شوي معاج عشان تتقبلين نقدي وكلامي..انتي غلطتي مافيه شك..بس خلاص مافيه فايده بالكلام..المهم صححي الغلط..وتداركي نفسج قبل لاتطيحين ولاعاد تقدرين ترجعين وتصلحين الغلط..النفس كل ماقربتيها لربها صفت وهدت وزانت امورها وكل مابعدتيها تكدرت وزادت همومها وبلاويها..ربي يهدي سرج ويبعد عنج كل شر..ولافيه مانع من الرقيه فديتج واستعمال الماء والزيت والعسل المقري فيهم...عشان نحيط بالحلول من كل الجهات..موفقه واسفه ع الاطاله


__________________________________________________ __________

حياك الله..

اختي...

انتي بقوتك تقدرين تغيرين من نفسك...
حاولي تقربين من زوجك...وخليه يشوف انك ندمانه,,,

واذا بعد كل هذا ماقدر يقرب لك وانتي تتضايقين اقولك اقري على نفسك..وخوذي من غسال اذا تقدرين الرجل الي خرب حياتك يمكن عندك اشياء منه خوذيها واغتسلي منها...

توكلي على الله..
وافتحي صفحه جديده مع زوجك..


والله يوفقكك


__________________________________________________ __________

كل اللي انتي فيه عذاب من ربك لانه مو راضي عنك داومي على الاستغفار اهتمي بزوجك عشان يرضى

عليك لاتاخرين الصلاة شغلي قران على طول وخصوصا سورة البقرة اذا كنتي تاخذين حبوب منع الحمل

يمكن منها لانها تسبب اكتئاب ونفور من الزوج انا مجربتها وسببت لي مشاكل وصرت عصبية لابعد حد

انتي تحسين اللي تسوينه غلط بس ماتقدرين تغيرين بنفسك ولان زوجك طيب معقد المسالة اكثر

لو يوريكي العين الحمرة كان حطيتيه على راسك الطيب ماله نصيب احمدي ربك ناس تتمنى زوج

مثل زوجك وانتي كذا تسيئين له جلسي مع حالك وراح تعرفين وش سبب اللي انتي فيه وحاولي تصلحينه


__________________________________________________ __________

اختي اسمحيلي على الكلمه انتي بلا اخلاق وبلا ادب , تدري ليش قلت الكلمه هذي ابي احرك دمك ابيك تحسي احمدي ربك على زوجك لغيرك ياخذه منك والله لتتحسري قد شعر راسك انتبهي لبيتك ولزوجك ولمستقبلك وجوزك يحبك والدليل انه سمعك تكلميه وسامحك دليل انه شاريك ويبيك لو انه غيره يسامح والله ليشوتها برجله لان الوحده مالها الى شرفها وبس , الله يصلحك ويهديك